सा.शनैश्वर टाईम्स संपादक-संतोष कांदे भारत नोंदणी क्र-४९५५५

    नांदगाव-: प्रतिनिधी तालुक्यातील जळगाव खुर्द येथील मधुकर सरोदे यांच्या पत्नी व विवाहित मुलाने एकाच वेळी विष प्राशन करून आत्महत्या केल्याची घटना घडल्याने मोठी खळबळ उडाली आहे.   या बाबत मिळालेल्या माहितीनुसार,जळगाव खुर्द येथील मधुकर सरोदे यांच्या पत्नी सौ.मंदाबाई  (वय-५०) व मुलगा गणेश (वय-३०)  या दोघांनी घरी घरात कुणी नसताना कपाशी वर फवारले जाणारे औषध प्राशन केले,त्यात त्यांना अस्वस्थ वाटू लागल्याने त्यांना नांदगाव ग्रामीण रुग्णालयात उपचारासाठी दाखल करण्यात आले.मात्र परिस्थिती गंभीर असल्याने त्यांना अधिक उपचारासाठी मालेगाव येथे संदर्भित करण्यात आले,मात्र मालेगाव ला नेत असताना वाटेतच दोघांचा ही मृत्यू झाल्याची माहिती मिळाली आहे.सदर घटना मालेगाव हद्दीत घडली असल्याने नांदगाव पोलिसांत त्याची नोंद झालेली नाही.     दरम्यान आई व मुलाने या टोकाचा निर्णय घेऊन जीवन का संपवले.? या बाबत प्रश्नचिन्ह आहे.

नांदगाव -: संतोष कांदे तालुक्यातील जळगाव बुद्रुक प्रातर्विधीसाठी बाहेर गेलेल्या ३७ वर्षीय महिलेचा विषारी सर्पदंशाने मृत्यू झाल्याची घटना काही दिवसांपूर्वी घडली होती.या घटनेच्या चार-पाच दिवसातच या सर्पाने त्याच कुटुंबाच्या बकरीला ही दंश केल्याने बकरीचा ही मृत्यू झाला होता.आज त्या सर्पाला पकडण्यात यश आले.           याबाबत अधिक असे की,येथील काळू बुरकुल या शेतकऱ्याची पत्नी सौ.मंदाबाई (वय-३७) ह्या दि.११ रोजी रात्री साडे नऊ वाजेच्या सुमारास बाहेर गेल्या होत्या.त्यांना तेथे पायाला काहीतरी टोचल्याचे जाणवले,मात्र मुंगळा किंवा अन्य कीटक चावले असेल म्हणून त्यांनी दुर्लक्ष केले.त्यानंतर घरातील सर्वांनी एकत्र जेवण केले,व झोपल्यानंतर त्यांना त्रास होऊ लागल्याने जाणकार व्यक्तींनी हा सर्पदंश असल्याची कल्पना दिल्याने त्यांना नांदगाव ग्रामीण रुग्णालयात दाखल करण्यात आले होते.     वैद्यकीय अधिकारी डॉ.रोहन बोरसे यांनी ही जखम बघताच अत्यंत विषारी मण्यार नामक सापाने दंश केला असल्याचे निदान करून सौ.मंदाबाई यांच्यावर तातडीने उपचार सुरू केले होते.मात्र उपचार सु...