सा.शनैश्वर टाईम्स संपादक-संतोष कांदे भारत नोंदणी क्र-४९५५५

नांदगाव-: त्रिपुरा येथील वादग्रस्त घटनेच्या निषेधार्थ मालेगाव,अमरावती,येथे दंगली उसळून व्यापारी बांधवांचे जे नुकसान झाले,त्याचा पंचनामा करून भरपाई देण्याची मागणी व्यापारी जिल्हा आघाडीचे जिल्हाध्यक्ष दत्तराज छाजेड यांनी मुख्यमंत्र्यांना पाठवलेल्या निवेदनात केली आहे.      यात पुढे असे म्हटले आहे की,अगदी शांततेत व्यापार करत आपल्या कुटुंबाची गुजराण करणाऱ्या व्यापारी बांधवाना अशा घटनांत कायम लक्ष्य केले जाते.तरी या सर्व घडामोडीत व्यापारी बांधवांचा कुठलाही संबंध नसताना त्यांना नुकसान सहन करावे लागले,तरी त्यांना नुकसान भरपाई मिळावी.असे शेवटी म्हटले आहे.

नांदगाव- रासायनिक खते व कृषी निविष्ठा च्या दुकानाचा साठा योग्य असल्याचे दाखवणे व परवाना नूतनीकरण करण्यासाठी ५ हजार रुपयांची लाच स्वीकारताना पेठचे तालुका कृषी अधिकारी अरविंद पगारे यांना लाच-लुचपत प्रतिबंधक विभागाने रंगेहाथ पकडले.राज्याचे कृषिमंत्री असलेल्या ना.दादाजी भुसे यांच्या जिल्ह्यात असा प्रकार घडल्याने जिल्ह्यात खळबळ उडाली आहे.     याबाबत अधिक असे की,पेठ तालुक्यातील करंजाळी येथील संबधित कृषी दुकानाचा रासायनिक खते,औषधे,व बी-बियाण्यांचा साठा योग्य दाखवणे,परवाना नूतनीकरण करून देणे यासाठी सदर तालुका कृषी अधिकारी पगारे याने संबधित दुकानदाराकडे ५ हजार रुपयांची मागणी केली होती.सदर दुकानदाराने ही तक्रार लाचलुचपत प्रतिबंधक विभागाकडे केली असता सापळा रचण्यात आला,व लाचेची ५ हजार रक्कम स्वीकारली असताना सदर तालुका कृषी अधिकाऱ्याला पकडण्यात आले.     सदर कारवाई या विभागाचे पोलीस अधीक्षक सुनील कडासने यांच्या मार्गदर्शनाखाली प्रभारी अप्पर पोलीस अधीक्षक सतीश भामरे,पोलीस निरीक्षक अनिल बागुल,जयंत शिरसाठ,यांच्यासह किरण अहिरराव,अजय गरुड,नितीन कराड,प्रभाकर गवळी आदी हजर होते.   ...

विशेष राजकीय वृत्त नांदगाव-: संतोष कांदे जिल्ह्यातच नव्हे तर राज्यातील हेवीवेट नेते अशी ओळख असलेल्या मंत्री ना.छगन भुजबळ यांना नियोजन विभागाच्या असमान निधी वाटप वरून नांदगावचे आमदार सुहास कांदे यांनी अंगावर घेतले,ते बघता जिल्ह्यातील नवीन बाहुबली म्हणून आ.कांदे यांच्याकडे बघितले जात आहे.       अतिवृष्टीच्या दौऱ्यात पालकमंत्री ना.भुजबळ यांनी तालुक्याचे आमदार तथा महाविकास आघाडीतील आमदार असूनही सुहास कांदे यांना मुद्दाम दुर्लक्षित करून भाजप नेते तथा माजी आमदार संजय पवार यांना आपल्या गाडीत स्थान देऊन दौरा पूर्ण केला.तेथे संघर्षाची प्रथम ठिणगी पडली.      तहसील कार्यालयात झालेल्या आढावा बैठकीत पालकमंत्री ना.भुजबळ यांनी समता परिषद च्या अगदी छोट्या-छोट्या कार्यकर्त्यांना महत्व दिले,मात्र तालुक्याचे  आमदार असूनही श्री.कांदे यांनी या बैठकीत केलेल्या सुचनानां भर बैठकीत केराची टोपली दाखवली.आणि ही गोष्ट अधिकारी,सर्वसामान्य जनता,राष्ट्रवादी काँग्रेस,शिवसेना पक्षाचे पदाधिकारी,कार्यकर्ते,आणि पत्रकारांसमक्ष घडली.त्यामुळे दुसरी ठिणगी पाडली.      साहजिकच ता...

नांदगाव-: वार्ताहर येथील भारतीय जनता पक्षाचे नेते तथा ओबीसी मोर्चाचे जिल्हा अध्यक्ष संजय सानप यांनी गरीब लोकांकडून पैसे घेतले.त्यांना एका स्कीम द्वारे फ्लॅट देण्याचे आमिष दाखवून झुलवत ठेवले आहे.तरी आपण न्याय मिळवून द्यावा.अशी मागणी या फ्लॅट च्या प्रतीक्षेत असलेल्या नागरिकांनी केंद्रीय कुटुंब कल्याण आरोग्य राज्यमंत्री ना.डॉ.भारती पवार यांच्याकडे एका निवेदनाद्वारे केल्याने मोठी खळबळ उडाली आहे.     या निवेदनात असे म्हटले आहे की,    भाजपचे प्रमुख पदाधिकारी असलेल्या संजय सानप यांनी २०११ मध्ये एक स्कीम राबवली होती.त्यात मोकळ्या जागेवर फ्लॅट बांधण्यासाठी काही रक्कम  गुंतवून ३०० चौरस फूट बांधकाम असलेल्या फ्लॅट चा ताबा मिळणार होता.सुरुवातीस काही लोकांना लाभ देण्यात आल्यानंतर इतर लोकांचा विश्वास बसला.आणि त्यानंतर मोठी गुंतवणूक झाली.मात्र आज दहा वर्षे उलटून गेली तरी एकही फ्लॅट धारकास ताबा मिळालेला नाही.      सदर भाजप नेते श्री.सानप हे भूलथापा देऊन वेळ मारून नेत आहेत.आणि या स्कीम मध्ये पैसे गुंतवलेले सर्व लाभधारक हे रोज मजुरी करून गुजराण करणारे असल्याने आपण न...

नांदगाव-: जगाचा पोशिंदा असलेल्या बळीराजाच्या प्रश्नांची सोडवणूक करणे हे आपले आद्यकर्तव्य असल्याचे मानून त्या दृष्टीने कामकाज करत असलेल्या आमदार सुहास कांदे यांनी काल नांदगाव मतदार संघातील मात्र मालेगाव तालुक्यातील जाटपाडे येथील गेल्या कैक वर्षांपासून प्रलंबित वीज रोहित्राचा प्रश्न सोडवल्याने शेतकऱ्यांनी समाधान व्यक्त केले आहे.       येथील मधू डी.पी. या नावाने प्रचलित असलेली महत्वाची डीपी  अनेक वर्षांपासून बंद-चालू या स्वरूपात कार्यरत होती.अन त्याचा मोठा फटका शेतकऱ्यांना सहन करावा लागत होता.अनेकदा तर या डीपी मुळे हातातोंडाशी आलेली पिके सोडून द्यावी लागत असे.      यापूर्वीच्या अनेक लोकप्रतिनिधींकडे अनेक वेळा तक्रार करूनही फायदा झाला नव्हता.किंवा या महत्वाच्या प्रश्नाची सोडवणूक झाली नव्हती.मात्र शेवटचा पर्याय म्हणून सदर शेतकऱ्यांनी हा प्रश्न आमदार कांदे यांचे पुतणे धनंजय कांदे,विठोबा शेवाळे यांच्या माध्यमातून आमदार सुहास कांदे यांच्या कानावर  घातला असता ; त्यांनी वीज वितरण कंपनीच्या वरिष्ठ अधिकाऱ्यांशी चर्चा करून सदर प्रश्न सद्यस्थितीत किती ज्वलंत झा...

नांदगाव-: संतोष कांदे येऊ घातलेल्या नांदगाव कृषी उत्पन्न बाजार समिती निवडणुकीत गत निवडणुकीच्या तुलनेत वाढ होण्याऐवजी १३२ मतदारांची घट झाली आहे.      सन २०१५ मध्ये झालेल्या बाजार समितीच्या निवडणुकीत १५८४ मतदारांनी मतदानाचा हक्क बजावला होता.त्यात ४९ विविध कार्यकारी संस्था-५९१ मतदार,६१ ग्रामपंचायती-५०२,व्यापारी गट-४२६,हमाल-मापारी-६५, असे मतदार होते,तर यंदा विविध कार्यकारी संस्था-५०१,६१ ग्रामपंचायती-५२२,व्यापारी-३१२, हमाल-मापारी-११७ असे १४५२ मतदार आहेत.       या निवडणुकीत सोसायटी गटातून ११ उमेदवार असतात त्यात सर्वसाधारण ७,महिला राखीव २,इतर मागास वर्ग १,विमुक्त जाती,भटक्या जमाती १ अशी रचना असते.तर ग्रामपंचायत गटात एकूण ४ जागांपैकी सर्वसाधारण २ ,जाती/जमाती १ ,आर्थिक दुर्बल १ तसेच व्यापारी गटासाठी २ तर हमाल-मापारी यांच्या प्रतिनिधी साठी ही १ जागा अशा १८ जागांसाठी ही निवडणूक होणार आहे.       २०१५ पासून या बाजार समितीवर विद्यमान आमदार सुहास कांदे यांच्या मार्गदर्शनाखाली शिवसेनेची सत्ता आहे,तर सभापतीपदी तेज कवडे विराजमान आहेत.सभापती कवडे यांनी आमदार श्...

नांदगाव- वार्ताहर ज्या घरातील व्यक्ती लोकप्रतिनिधी म्हणून कार्यरत असतो,त्या घरातील इतर सदस्यांना ही जनसेवेचे 'बाळकडू' आपसुकच मिळत असते.किंबहुना घरातील वातावरण ही जनसेवेच्या अनुषंगाने निर्माण होत असते.आणि त्याचा पगडा घरातील इतर सदस्यांवर पडत असतो.असाच काहीसा प्रकार तालुक्याचे विद्यमान आमदार सुहास कांदे यांच्या सुविद्य पत्नी सौ.अंजली कांदे यांच्या बाबतीत घडला.      त्याचे असे झाले की, काल सायंकाळी साडे पाच वाजेच्या दरम्यान सौ.कांदे मनमाड येथून नांदगावकडे येत असताना त्यांना पानेवाडी शिवारात इनोव्हा कार व ट्रॅक्टर चा समोरासमोर धडक होऊन अपघात घडलेला दिसून आला.        त्यांनी तत्काळ आपली गाडी थांबवून अपघातात जखमी झालेल्या अपघात ग्रस्तांची विचारपूस केली व लगेच देवाज ग्रुपच्या रुग्णवाहीकेला संपर्क करून त्यांना पाचारण केले.व या जखमीना शहरातील वर्धमान रुग्णालयात दाखल केले.तसेच यावेळी अति गंभीर जखमी असलेल्या दोन महिलांना आपल्या स्वतःच्या गाडीतून घेऊन आल्या.व प्राथमिक उपचार करून त्या महिलांना मालेगाव येथे अधिक उपचारासाठी हलवले.तेव्हा सदर कुटुंब नांदगाव शहरातील जला...

नांदगाव-: वार्ताहर शूटिंग बॉल फेडरेशन ऑफ इंडियाच्या मान्यतेने ज्युनियर (१९ वर्षाखालील) गटाची ४० वी.राष्ट्रीय शूटिंग बॉल स्पर्धा-२०२१ नांदगावमध्ये १२ ते १४ नोव्हेंबर रोजी संपन्न होत असल्याची माहिती स्पर्धेचे आयोजक छत्रपती क्रीडा आयोजक विष्णू निकम यांनी दिली.       संत सावता महाराज मंदिरालगतच्या कै. रवींद्र पारखे क्रीडानगरी मध्ये सदर स्पर्धा होत असून,या स्पर्धेचे उदघाटन आमदार सुहास कांदे यांचे हस्ते १२ नोव्हेंबर रोजी दुपारी चार वाजता होणार आहे.या स्पर्धेसाठी आमदार श्री.कांदे यांनी १२ लाख रुपयांचा निधी उपलब्ध करून दिला आहे.      अॅमॅच्युअर शूटिंगबाँल असोशियन महाराष्ट्र व युवा फाउंडेशन नांदगांव यांच्या संयुक्तपणे या स्पर्धेचे नियोजन करण्यात आले आहे.या स्पर्धेत १९ वर्षा खालील मुले मुली यांचा सहभाग असणार आहे.सुमारे २५ राज्यातील ५० संघांचे ६०० खेळाडु ,१०० प्रशिक्षक,२० पंच,१० गुण लेखक,१० लाईन मन यांची व्यवस्था करण्यात आली आहे.     यात मुले मुली यांच्या प्रथम संघाला प्रत्येकी ११ हजाराची दोन बक्षीस (प्रथम क्रमांक), ७ हजार रुपयाची दोन बक्षीस(द्वितीय),५ हजारा...

नांदगाव-: वार्ताहर पालकमंत्री ना.भुजबळ व आमदार श्री.कांदे यांचा ज्या नियोजन विभागाच्या निधीवरून वाद झाला,त्या संबधित कागदपत्रे मुख्यमंत्री ना.उद्धव ठाकरे यांनी मुंबई येथे बोलावून घेतल्याने या प्रकरणातली उत्सुकता वाढली आहे.        पालकमंत्री ना.छगन भुजबळ हे विकासनिधी वाटपात दुजाभाव करत असल्याचा आरोप करत आमदार सुहास कांदे यांनी थेट उच्च न्यायालयात धाव घेतली आहे.या वादात उपमुख्यमंत्री ना.अजित पवार,खासदार संजय राऊत यांनी ही मध्यस्थी करण्याचा प्रयत्न केला.मात्र मतदार संघाच्या विकासासाठी अंतिम टप्यापर्यंत संघर्ष करण्याची तयारी असल्याचे सूतोवाच आमदार कांदे सातत्याने करत असल्याने हा वाद अद्याप ही शमलेला नाही.        त्यामुळे मुख्यमंत्री ना.ठाकरे यांनी यात तोडगा काढण्याच्या उद्देशाने जिल्हा नियोजन विभागाच्या अधिकाऱ्यांना सर्व संबधित कागदपत्रे घेऊन मुख्यमंत्र्यांचे शासकीय निवासस्थान असलेल्या वर्षा बंगल्यावर बोलावले असल्याचे खात्रीशीर वृत्त आहे.यात नियोजन निधीचे वाटप,व कामांची माहिती मागवण्यात आली आहे.        नांदगाव मतदार संघासाठी १२ कोट...

नांदगाव - वार्ताहर    जोरदार पावसाने अत्यंत दुरवस्था झालेल्या जातेगाव-बोलठाण रस्ता दुरुस्तीचे काम आमदार सुहास कांदे यांनी कारवाई करण्याचा इशारा देताच ;येत्या दोन दिवसात सुरू केले जाणार आहे.        पावसाळा संपूनही या रस्त्याचे काम केले जात नसल्याची तक्रार नागरिक करत होते.ज्या ठेकेदारास हे काम दिले होते,त्याने ही पावसाळा उलटूनही सदर कामाकडे दुर्लक्ष केल्याचे दिसून येत होते.त्यामुळे या भागातील नागरिकांनी सदर बाब आमदार कांदे यांच्या कानावर घातली असता,आमदार सुहास कांदे यांनी थेट सार्वजनिक बांधकाम विभाग पूर्व नाशिक यांच्याशी पत्रव्यवहार करून सदर रस्ता कामाकडे लक्ष न दिल्यास संबधित अधिकारी व ठेकेदार यांच्यावर कडक कारवाई करण्याची शासनाकडे करण्यात येईल असा इशारा या पत्रातून दिला.त्यावर तातडीने कार्यवाही करत सदर रस्त्याचे काम येत्या दोन दिवसात सुरू केले जाणार असल्याची माहिती देण्यात आली आहे.

नांदगाव   येथील रिपब्लिकन पक्षाच्या शहराध्यक्षपदी महावीर जाधव हेच असतील,असा खुलासा जेष्ठ नेते शंकरराव काकळीज यांनी पत्रकार परिषदेत केला.अन शहराध्यक्ष पदावरून सुरू झालेला वाद अखेर संपुष्टात आला आहे.     काही दिवसांपूर्वी नाग्यासाक्या येथे झालेल्या बैठकीत रिपाई च्या प्रभारी शहराध्यक्ष पदी जिल्हा सचिव कपिल तेलुरे यांची नियुक्ती करण्यात आल्याचे जाहीर करण्यात आले होते.यामुळे रिपाई मध्ये आगामी निवडणुकांच्या पार्श्वभूमीवर विसंवाद दिसून आला होता.        याची गंभीर दखल घेऊन जिल्हाध्यक्ष प्रकाश लोंढे यांनी घेतली.जेष्ठ नेते शंकरराव काकळीज यांना नांदगाव ला पाठवून आज तातडीने बैठक घ्यावयास लावली.यावेळी बोलताना श्री.काकळीज यांनी काही दिवसांपूर्वी घेतलेला निर्णय चुकीचा व दिशाभूल झाल्याने घेतला गेला होता.त्यावर पडदा टाकत २०२१-२२ या वर्षात निवडणुका होत असलेल्या नगर पालिका,जिल्हा परिषद,पंचायत समित्या, आदी निवडणूका होईपर्यंत शहराध्यक्ष पदी महावीर जाधव हेच असतील.असे स्पष्ट केले.आणि या निवडणूका झाल्यानंतर पुढील कार्यकारिणी नियुक्त केली जाईल.असे सांगितले.तसेच जिल्हयातील भाजप...

नांदगाव-: दिवाळीचा सण सुरू झाला आहे,येत्या शनिवारी भाऊबीज असल्याने भावाला ओवळण्यासाठी येणाऱ्या बैहिणीची राज्य परिवहन मंडळाच्या कर्मचारी संपामुळे मोठी अडचण होणार हे लक्षात घेऊन आमदार सुहास कांदे यांच्या सूचनेवरून शिवसेना पदाधिकाऱ्यांनी आजपासून बससेवा सुरू करण्यात मोठी भूमिका बजावली.त्यामुळे ह्या सणाचा गोडवा वाढण्यास मदत झाली आहे.      ऐन दिवाळीच्या पार्श्वभूमीवर महामंडळाच्या कर्मचाऱ्यांनी संप पुकारला होता.आणि त्यामुळे सर्वसामान्य जनतेला मोठा त्रास सहन करावा लागत होता.तसेच वर्षभरातील महत्वाचा सण असलेल्या दिवाळीत संप सुरू झाल्याने भाऊबीज च्या दिवशी तालुक्यात किती गहजब होईल,किंवा भगिनी वर्गाची किती कुचंबणा होईल,असा विचार करून आमदार सुहास कांदे यांनी तालुका प्रमुख किरण देवरे,युवा सेना प्रमुख सागर हिरे,गुलाब भाबड,शशी सोनवणे,यांना हा संप दोन दिवस स्थगित करण्याबाबत सदर बस कर्मचाऱ्यांशी चर्चा करण्यास सांगितले.      वरील पदाधिकाऱ्यांनी सदर संपकरी कर्मचाऱ्यांना प्रथम विनंती केली,व विनंती मान्य न केल्यास शिवसेना स्टाईल ने उत्तर दिले जाईल.असे सुनावल्याने या कर्मचाऱ्यांन...

नांदगाव-:    दिवंगत लोकनेते कै. गोपीनाथ मुंडे यांच्या कन्या तथा भाजप नेत्या पंकजा मुंडे यांनी एकाच दिवशी पालकमंत्री ना.छगन भुजबळ व आमदार सुहास कांदे यांची भेट घेतल्याने राजकीय वर्तुळात खळबळ उडाली आहे.कारण भुजबळ व कांदे यांचा वाद राज्यभरात चर्चेत असताना अशी भेट विरोधी पक्षाच्या एका वरिष्ठ नेत्याने घेतल्याने ओबीसी मुद्दा महत्वाचा की,जुने ऋणानुबंध.? या विषयाभोवती चर्चा रंगली आहे.       भाजप नेत्या पंकजा मुंडे सध्या नाशिकच्या दौऱ्यावर आहेत. मात्र त्यांचा हा दौरा वेगळ्याच कारणाने चर्चेत आला आहे. काल सकाळी त्यांनी ज्येष्ठ तसेच मार्गदर्शक म्हणून छगन भुजबळ यांचे तोंड भरून कौतुक केले. त्यानंतर काही वेळाने त्या भुजबळांचे कट्टर विरोधक शिवसेनेचे आमदार सुहार कांदे यांच्या निवासस्थानी पोहचल्या. त्यामुळे त्यांनी आमदार कांदेंशी काय गप्पा मारल्या असतील हा चर्चेचा विषय ठरला आहे.       श्रीमती मुंडे कालपासून शहराच्या दौऱ्यावर आहेत. दिवाळीच्या पूर्वसंध्येला सुरु झालेल्या या दौऱ्यात त्यांनी अनेक कार्यक्रमांना हजेरी लावली. प्रदिर्घ कालावधीनंतर त्या दौऱ्यावर आल्याने विव...

*शिवसेनेने ठेवले सामाजिक भान आमदारांच्या सूचने नंतर नांदगाव बस व्यवस्था सुरू* आईन दिवाळीच्या सणासुदीच्या काळात बस कर्मचाऱ्यांनी संप पुकारल्यामुळे प्रवाशांचे अतोनात हाल होत आहेत  दिवाळी आणि येणारी भाऊबीज या महत्त्वाच्या वर्षातील एकदा येणाऱ्या सणांमुळे आया-बहिणींना प्रवास करणे मुश्कील झाले आहे.   सदर परिस्थिती आमदार सुहास अण्णा कांदे यांच्या लक्षात आली असता त्याची त्वरित दखल घेऊन आमदार सुहास अण्णा कांदे यांच्या आदेशाने शिवसेना तालुकाप्रमुख किरण देवरे आणि गुलाब भाबड यांच्या नेतृत्वात तमाम शिवसैनिकांनी नांदगाव बस स्थानक येथे धडक देऊन संप करीत असलेल्या कर्मचाऱ्यांना विनंती केली की सामान्य नागरिकांना अडवणूक न करता आपण आपला लढा सुरू ठेवा पण बस चालू करा जेणेकरून दोन दिवसांच्या सणासुदीत आपल्या घरी येणाऱ्या आपल्या आया-बहिणींना प्रवास करणे सोपे जाईल यानंतर काही कर्मचाऱ्यांचा विरोध असताना शिवसेना स्टाईलने सर्व शिवसैनिकांनी त्यांना सामाजिक भान ठेवण्याची जाणीव करून दिली आणि कोणीही बस ला अडवणूक केल्यास शिवसैनिक सेना स्टाईल ने त्याला विरोध करेल असे ठणकावून सांगितले आणि बसस्थानक व्यवस्थापकांना...

नांदगाव- सर्वसामान्य जनतेच्या अडचणी सोडवून,विविध विकासकामे करत असलेल्या आमदार सुहास कांदे यांनी पक्ष संघटनेकडे ही चांगलेच लक्ष पुरवले असल्याचे दिसून येत आहे.त्या अनुषंगाने आज शहरात शिवसेना व युवासेनेच्या शाखा स्थापन करण्यात आल्या.          नांदगांव शहरातील शांती बाग, बसस्थानक, होलारवाडा, पॉवर हाऊस, हुतात्मा चौक, देवी गल्ली, पाटील गल्ली, स्वामी विवेकानंदनगर, नागेश्वर मंदिर चौक, नेहरूनगर, रेल्वे गेट रिक्षा युनियन, तीन नंबर गल्ली, गुरुकृपा नगर, कैलास नगर, लक्ष्मीनगर, हमालवाडा, मोठी होळी, एस टी कॉलनी, गांधीनगर, आनंद नगर आदी भागात शिवसेनेच्या २२ व युवासेनेच्या १४ अशा ३६ शाखा स्थापन करण्यात आल्या.           या शाखांचे आज उदघाटन करण्यात आले. नांदगाव शहरात व तालुक्यात आज पर्यंत कोणत्याही पक्षाने एकाच वेळी इतक्या मोठ्या प्रमाणात शाखा उद्घाटन केले नव्हते.      यावेळी शिवसेनेचे तालुका प्रमुख किरण देवरे, नांदगावचे नगराध्यक्ष राजेश कवडे, जेष्ठ शिवसैनिक राजाभाऊ जगताप, संतोष गुप्ता, विष्णू निकम, विलास आहेर, गुलाब भाबड, युवासेना तालुका प्...

नांदगाव-: नांदगाव रिपब्लिकन पक्षाच्या (आठवले गट) प्रभारी शहराध्यक्षपदी जिल्हा सचिव कपिल तेलुरे यांची नियुक्ती करण्यात आली असल्याची माहिती जिल्हा कार्याध्यक्ष देविदास मोरे यांनी दिली.आगामी जिल्हा परिषद,पंचायत समिती व नगरपालिका निवडणुकांच्या पार्श्वभूमीवर ही निवड महत्वाची मानली जात आहे.        तालुक्यातील रिपाई धनगर आघाडीचे तालुका अध्यक्ष बाळासाहेब बोरकर यांनी नाग्या-साक्या धरण परिसरात असलेल्या हॉटेल वृंदावन मध्ये जिल्हा कार्याध्यक्ष श्री.मोरे यांच्या मार्गदर्शनाखाली सदर आढावा बैठकीचे आयोजन केले होते.या बैठकीत वरील निर्णय सर्वानुमते घेण्यात आला.बैठकीच्या अध्यक्षस्थानी जेष्ठ नेते शंकरराव काकळीज होते.      रिपाईचे जिल्हाध्यक्ष प्रकाश लोंढे यांच्या आदेशाने झालेल्या बैठकीत नांदगाव,मनमाड नगरपालिका,जिल्हा परिषद,पंचायत समिती,कृषी उत्पन्न बाजार समिती या आगामी निवडणुकीत भाग घेण्याच्या उद्देशाने चर्चा करण्यात आली.व केंद्रीय राज्यमंत्री तथा पक्षाचे संस्थापक खा.रामदास आठवले यांच्या सूचनेनुसार काही दिवसांपूर्वी जिल्हा व तालुका कार्यकारिणी बरखास्त करण्यात आली असल्याने...

नांदगाव-: वार्ताहर   माझ्या नांदगाव मतदार संघातील प्रत्येक व्यक्तीचे,प्रत्येक समाजाचे मी काही ना काही देणे लागतो.याची मला जाणीव आहे,आपल्या अपेक्षा पूर्ण करण्याचा कसोशीने प्रयत्न करेन.! अशी ग्वाही देतो.असे प्रतिपादन आमदार सुहास कांदे यांनी अहिंसा चौकाचे नामकरण प्रसंगी केले.     एक महिन्यांपूर्वी जैन साध्वी सुप्रकाशमती यांनी आमदार श्री.कांदे यांच्याकडे इच्छा व्यक्त केली होती.आणि एका महिन्यातच चांदवड-जळगाव या राष्ट्रीय महामार्गावरील मनमाड त्रिफुली जवळ सदर चबुतरा उभारून त्याचे अहिंसा चौक असे नामकरण करण्यात आले.यावेळी आयोजित कार्यक्रमात ते बोलत होते.     ते पुढे म्हणाले की,दिवसातल्या प्रत्येक क्षणी माझ्या मनात या शहराचा,तालुक्याचा विकास कसा करता येईल,याचाच विचार सुरू असतो,कारण आपण मला एका बलाढ्य उमेदवाराच्या विरोधात विजयी केले आहे.आणि जाणीव सतत माझ्या मनात जागृत राहील.आपल्या मनात शहर विकासाच्या काही संकल्पना असतील तर त्या निःसंकोचपणे सांगा.! तसेच काम करत असताना काही चुका झाल्या तर मोठ्या मनाने माफ ही करा.! असे भावनिक आवाहन ही त्यांनी केले.     ...