सा.शनैश्वर टाईम्स संपादक-संतोष कांदे भारत नोंदणी क्र-४९५५५

सा. श नैश्वर टाइम्स वृत्तसेवा  नांदगाव (nashik )  संतोष कांदे  काल (दि.२७ ) सायंकाळी पाच वाजेपासून नांदगाव तालुक्यातील जळगाव बुद्रुक येथे जोरदार पावसाने हजेरी लावली. हा पाऊस तब्बल १४ तास सलग बरसल्याने येथील उभ्या शेती पिकांचे प्रचंड नुकसान झाल्याने शेतकऱ्यांना करोडो रुपयांचा फटका बसला आहे. या नुकसानीचा तत्काळ पंचनामा होऊन शेतकऱ्यांना मदत देण्याची मागणी शेतकऱ्यांनी केली आहे.        जुलै व ऑगस्ट मध्ये पावसाने उघडीप दिली होती. मात्र अधून -मधून रिमझिम पाऊस येत असल्याने पिकांच्या गुणवत्तेवर अगोदरच परिणाम झाल्याचे दिसून येत होते. मात्र १८ सप्टेंबर पासून आवश्यक नसतानाही जोरदार पाऊस सुरु झाला तो आजतगायत सुरु आहे. या पावसाने हातातोंडांशी आलेली पिके डोळ्यासमोर नष्ट होताना बघण्याची वेळ येथील शेतकऱ्यांवर आली आहे.सर्वाधिक लागवड झालेले मका, बाजरी, भुईमूग, कपाशी, व लाल कांद्याचे रोप असे नगदी पिकांचे अतोनात नुकसान या पावसाने केले आहे.       शेतामध्ये प्रचंड पाणी साचून उभे पीक सडू लागले आहेत. त्यामुळे या पिकाच्या गुणवत्तेवर परिणाम होईलच, मात्...

सा. शनैश्वर टाइम्स वृत्तसेवा  नांदगाव (nashik ) संतोष कांदे  तालुक्यातील जातेगांव, न्यायडोंगरी व वेहेळगाव मंडळात अतिवृष्टीने शेती पिकांचे अतोनात नुकसान झाल्याने सरसकट पंचनामे करण्याचे आदेश शासनाने दिले आहेत. याबद्दल नुकसानीने हतबल झालेल्या शेतकऱ्यांना मोठा दिलासा मिळाला आहे.         ग्राम महसूल अधिकारी, ग्रामपंचायत अधिकारी, सहाय्य्क कृषी अधिकारी यांना तहसीलदार, गटविकास अधिकारी, व तालुका कृषी अधिकारी यांच्या संयुक्त स्वाक्षरीने दिलेल्या लेखी आदेशात म्हटले आहे की, २३ तारखेला वेहेळगाव, जातेगांव, न्यायडोंगरी या महसूल मंडळात अतिवृष्टीने उभ्या शेती पिकांचे प्रचंड नुकसान होऊन शेतकऱ्यांना कोट्यावधी रुपयांचा फटका बसला आहे.    या नुकसानीचा वरील ग्रामस्तरावर कार्यरत अधिकाऱ्यांनी संयुक्त समिती द्वारे नुकसानीचे पंचनामे गावनिहाय, पिकनिहाय, शेतकरी निहाय नुकसानीचे व नुकसानीच्या टक्केवारीसह संयुक्त स्वाक्षरीने सादर करण्याचे आदेश दिले आहेत.

सा. श नैश्वर टाइम्स वृत्तसेवा  नांदगाव (nashik ) संतोष कांदे  नांदगाव विधानसभा मतदार संघातील शेती पिकांचे कमी पाऊस व त्यानंतर अतिरिक्त पाऊस यामुळे अतोनात नुकसान झाले. या नुकसानीची तत्काळ पाहणी करून शेतकऱ्यांना आर्थिक मदत करावी अशी मागणी राज्यमंत्री ना. सुहास कांदे यांनी मुख्यमंत्री, कृषिमंत्री, उपमुख्यमंत्री, अन महसूल मंत्री यांना दिलेल्या पत्रात केली आहे.        या पत्रात पुढे असे म्हटले आहे की, या मतदार संघात ऑगस्ट ते सप्टेंबर महिन्यात कमी अधिक प्रमाणात पाऊस बरसला. त्यामुळे शेतकऱ्यांचे मोठ्या प्रमाणात आर्थिक नुकसान झाले आहे. या नुकसानीची तत्काळ पाहणी व पंचनामा करून शेतकऱ्यांना आर्थिक मदत करावी अशी मागणी राज्यमंत्री ना. कांदे यांनी केली आहे.

सा. श नैश्वर टाइम्स वृत्तसेवा  नांदगाव (nashik ) संतोष कांदे   आगामी काळात राज्यभरात अतिप्रमाणात परतीच्या पावसाची शक्यता हवामान विभागाने आणि राज्यभरातील विविध हवामान तज्ञांनी वर्तवली असल्याने आपत्ती व्यवस्थापनासाठी प्रशासनाने सज्ज असावे असे आवाहन राष्ट्रवादी काँग्रेस पक्ष शरदचंद्र पवार यांच्या वतीने प्रसिद्धीपत्रकांवये तालुकाध्यक्ष महेंद्र बोरसे यांनी केले आहे. राज्यातल्या ३६ जिल्ह्यांपैकी ३० जिल्ह्यातील १९५ तालुक्यातील ६५४ महसूल मंडळात अती पावसाने एकूण ६२ लाख १७ हजार ५४० एकर शेतीचं नुकसान झाले असून अनेक ठिकाणी शेतजमीन वाहून गेली आहे,पिकांचे संपूर्ण नुकसान झाले आहे,राज्य सरकार   ह्या बाबतीत अत्यंत उदासीन असून विधानसभा निवडणुकीनंतर मदतीचे निकष बदलून आता फक्त २ हेक्टर क्षेत्रातील नुकसानीसाठी मदत करणार आहे,अद्याप पर्यन्त केंद्राचे पथक पाहणीसाठी राज्यात आलेले नाही,राज्यातील शेतकरी रामभरोसे असून सरकार मात्र जनतेच्या मूळ प्रश्नांना बगल देऊन आरक्षणाचा खेळ करत आहे,आरक्षणाचा खेळ थांबवून शेतकरी ही जमात समजुन शासनाने बळीराजाची मदत करणे अपेक्षित आहे,सरकारने एकतर...

सा. श नैश्वर टाइम्स वृत्तसेवा नांदगाव (नाशिक ) संतोष कांदे  तालुक्यातील न्यायडोंगरी येथील श्री. शनैश्वर सेवाभावी संस्था नांदगाव संचलित स्व. गंगाधर (अण्णासो) शिवराम आहेर  अनुदानित प्राथमिक, माध्यमिक व उच्च माध्यमिक आश्रम शाळेत गोवर व रूबेला लसीकरण मोहीम २०२५ उत्साहात पार पडली.           या कार्यक्रमापूर्वी स्व. अण्णासाहेब गंगाधर शिवराम आहेर यांच्या पुण्यतिथी निमित्त त्यांच्या समाधीस्थळी जाऊन प्रमुख पाहुण्यांनी दीपप्रज्वलन, पुष्पहार अर्पण करून अभिवादन केले.प्रमुख अतिथी म्हणून तालुका आरोग्य अधिकारी डॉ.संतोष जगताप, डॉ. शुभम आहेर (वैद्यकीय अधिकारी, नायडोंगरी), डॉ. अमोल कठाळे (विस्तार अधिकारी), डॉ. दत्तात्रय मोरे (B.P.H.U.) तसेच प्राथमिक आरोग्य केंद्राचे संपूर्ण कर्मचारी उपस्थित होते.             या वेळी विद्यार्थ्यांना मार्गदर्शन करण्यात आले व सर्वांचे सुरक्षिततेसाठी गोवर व रूबेला लसीकरण करण्यात आले. संस्थेचे सरचिटणीस माजी आमदार अँड. अनिल आहेर, खजिनदार दर्शन  आहेर यांच्यासह  व ग्रामस्थ मोठ्या ...

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  मुख्यमंत्री समृद्ध पंचायत राज अभियांनांतर्गत तालुकास्तरीय कार्यशाळा नांदगाव पंचायत समिती सभागृहात संपन्न झाली.       या योजनेअंतर्गत उत्कृष्ट काम करणाऱ्या ग्रामपंचायतीना १५ लाख ते ५ कोटी रुपयांपर्यंत बक्षिसे गावातील विकासकामांसाठी मिळणार आहेत. असे सांगून गटविकास अधिकारी किशन खातळे यांनी या अभियानाचे महत्व व कसे कामकाज करणे आवश्यक आहे, याबाबत सखोल मार्गदर्शन करून हे अभियान यशस्वी करण्याचे आवाहन यावेळी केले.      नागापूर ग्रामपंचायतीचे लोकनियुक्त सरपंच राजेंद्र पवार यांनी ही यावेळी मार्गदर्शन केले. याप्रसंगी तालुक्यातील सरपंच, उपसरपंच, सदस्य, ग्रामसेवक,पंचायत समितीचे सर्व खातेप्रमुख उपस्थित होते. विस्तार अधिकारी श्री. उबाळे यांनी या कार्यशाळेचे यशस्वी नियोजन केले.