सा.शनैश्वर टाईम्स संपादक-संतोष कांदे भारत नोंदणी क्र-४९५५५

 सा.शनैश्वर टाइम्स वृत्तसेवा     नांदगाव -: संतोष कांदे तालुक्यातील जगाचा पोशिंदा असलेला शेतकरी "राजा ने मारले अन पावसाने झोडले तर दाद कुणाकडे मागणार.? या गर्रतेत अडकला असल्याचे दिसून येत आहे.मोठ्या कष्टाने पिकवलेल्या कांदा व कपाशी पिकाला उत्पादन खर्च फिटेल इतका ही भाव मिळत नसल्याने शेतकरी हवालदील झाले आहेत.आणि या शेतकरी बांधवाना दिलासा देण्यासाठी तालुक्यातील राजकीय क्षेत्रातील एकमेकांचे प्रतिस्पर्धी असलेल्या तब्बल पाच माजी आमदारांनी एकत्र येत रास्ता रोको आंदोलन छेडले.आणि याची संपूर्ण राज्यात चर्चा सुरु होती.          शेतकऱ्यांच्या कापूस व कांद्याला योग्य बाजार भाव मिळावा या मागणीसाठी आज येथील बाजार समितीच्या प्रवेशद्वारापुढे मतदार संघातील पाचही माजी आमदारांच्या नेतृत्वाखाली महाविकास आघाडीच्या वतीने रास्तारोको आंदोलन करण्यात आले या आंदोलनामुळे येवला रस्त्यावरील वाहतूक काही काळासाठी विस्कळीत झाली होती तर लिलावाच्या कामकाजावर परिणाम होऊन उशिराने लिलाव पुकारण्यात आले.           मतदार संघातील महाआघाडीच्या घटकपक्षात...

सा.शनैश्वर टाइम्स वृत्तसेवा नांदगाव -: संतोष कांदे शासकीय कर्मचाऱ्यांचा दर्जा मिळावा,सद्यस्थितीत मिळालेले निकृष्ट दर्जाचे मोबाईल बदलून मिळावेत.मानधनात भरघोस वाढ मिळावी,मासिक पेन्शन योजना सुरु करावी,पोषण आहार दरात वाढ करावी आदी महत्वपूर्ण मागण्यांसाठी राज्यातील अंगणवाडी सेविका व कर्मचाऱ्यांनी आजपासून बेमुदत संप पुकारला आहे.         पोलिओ निर्मूलन सह कोरोना काळात अत्यंत महत्वपूर्ण सेवा बजावलेल्या अंगणवाडी सेविकांचा राज्य शासनाने फक्त उपयोग करून घेतला आहे.राज्यातील महिला व बालके या बाबत इत्यंभूत माहिती असलेल्या अंगणवाडी सेविकांना त्या - त्या काळातील  सर्वच राज्य सरकारांनी नेहमीच वाऱ्यावर सोडल्याचे दिसून येते.कारण या अंगणवाडी सेविकांचे ६० टक्के मानधन केंद्र शासन, तर ४० टक्के मानधन राज्य सरकार देते.त्यामुळे महिला व बालकांसंदर्भात  इतके महत्वपूर्ण काम करूनही या अंगणवाडी सेविकांना कुणी न्याय द्यायचा .? या केंद्र व राज्य शासनाच्या वादात त्यांच्यावर अक्षरशः उपासमारीची वेळ येऊन ठेपली आहे.                  ...

सा.शनैश्वर टाइम्स वृत्तसेवा नांदगाव -: वार्ताहर   इंग्लंड येथील केंट शहरात झालेल्या इंटरनॅशनल फिल्ड असोसिएशनद्वारे आयोजित ‘वर्ल्ड इनडोअर आर्चरी चॅम्पियनशिप २०२३’ या आंतरराष्ट्रीय धनुर्विद्या स्पर्धेत माजी आमदार पंकज भुजबळ यांच्या दोन्ही मुली कु.देविशा व कु. तनिष्का पंकज भुजबळ यांनी सुवर्ण कामगिरी करत भारताला सुवर्ण पदक मिळवून दिले आहे. भारतासाठी गोल्ड मेडल मिळविल्याबद्दल त्यांचे सर्व स्तरातून कौतुक होत आहे.          कु.देविशा व कु. तनिष्का या दोघीही भुजबळ नॉलेज सिटी एमईटी मुंबई या विद्यालयाच्या विद्यार्थीनी आहेत. इंग्लडच्या मेडवे पार्क स्पोर्ट्स सेंटर, गिलिंगहॅम, केंट येथे १३ ते १८ फेब्रुवारी मध्ये आयोजित केलेल्या आंतरराष्ट्रीय धनुर्विद्या स्पर्धेत ३८ देशातील ५६८ खेळाडूंनी सहभाग घेतला होता. या स्पर्धेत भारताचे १२ स्पर्धक विविध वयोगटात आणि वेगवेगळ्या धनुष्य प्रकारात सहभागी झाले होते. या स्पर्धेत देविशा पंकज भुजबळ हिने १९ वर्षाखालील कम्पाऊंड बो गटात सुवर्णपदक आणि तनिष्का पंकज भुजबळ हिने १७ वर्षाखालील कम्पाऊंड बो गटात १ सुवर्णपदक मिळवून आंतरराष्ट्र...

सा.शनैश्वर टाइम्स वृत्तसेवा नांदगाव - संतोष कांदे एखाद्या मंत्र्याच्या मतदार संघात इतका निधी येत नाही,मात्र आमदार सुहास अण्णांनी कोटीचे आकडे ही फिके पाडलेत इतका निधी या मतदार संघात आणला.असे प्रतिपादन जेष्ठ नेते बापूसाहेब कवडे यांनी केले.        शहरातील संत शिरोमणी सावता महाराज यांच्या मंदिरासमोर आमदार निधीतून सुमारे साठ लाख रुपये किंमतीचा सभामंडप आमदार कांदे यांच्या निधीतून मंजूर करण्यात आला आहे.त्याचे भूमिपूजन आज करण्यात आले.त्यावेळी अध्यक्ष पदावरून श्री.कवडे बोलत होते.      यावेळी बापूसाहेबांनी माजी आमदार व विद्यमान आमदार यांच्यात फरक सांगणारी अनेक उदाहरणे दिलीत. तर यावेळी श्याम दुसाने,सादिक तांबोळी यांनीही आपले मनोगत व्यक्त केले.         व्यासपीठावर माजी नगराध्यक्ष रामनिवास कलंत्री राजाभाऊ बनकर,चंद्रशेखर कवडे,राजाभाऊ मोरे,छत्रपती शिवाजी महाराज क्रीडा पुरस्कार विजेते विष्णू निकम,श्याम दुसाने,रमेश पगार नांदगाव नगर पालिकेचे मुख्य अधिकारी विवेक धांडे,अमृत पटेल अनिल करव ,राजाभाऊ देशमुख, बाळासाहेब मोकळ नगरसेवक वाल्मीक ...

सा.शनैश्वर टाइम्स वृत्तसेवा नांदगाव - संतोष कांदे तालुक्यातील न्यायडोंगरी येथील लोकनेते कै.अँड.विजय शिवराम आहेर हायस्कुल व ज्युनियर महाविद्यालयातील १० वी. व १२ वीच्या विद्यार्थ्यांचा निरोप समारंभ संपन्न झाला.          यावेळी प्रमुख अतिथी म्हणून नांदगाव आगार व्यवस्थापक श्री.गावित,स्थानक प्रमुख पुनीत पगार, पत्रकार संतोष कांदे,पत्रकार भगवान सोनवणे,पालक प्रतिनिधी गणेश आहेर,हेमराज वाघ उपस्थित होते.तर कार्यक्रमाच्या अध्यक्षस्थानी विद्यालयाच्या प्राचार्या सौ.पल्लवी विलासराव आहेर होत्या.            कार्यक्रमाचे प्रास्ताविक करताना विद्यालयाचे उपमुख्याध्यापक आर.के.सोनस यांनी विद्यालयातील माजी विद्यार्थ्याची यशोगाथा वर्णन करत या वर्षी परीक्षेस बसणाऱ्या विद्यार्थ्यांनी ही भविष्यात उज्वल यश संपादन करून विद्यालयाच्या नावलौकिकात भर घालावी अशी अपेक्षा व्यक्त केली.       यावेळी अनेक विद्यार्थ्यांनी व शिक्षकांनी मनोगत व्यक्त केले.तर अध्यक्षीय भाषण करताना प्राचार्या सौ.आहेर म्हणाल्या की,भावी आयुष्यात आपण शिस्तप्रिय राहून योग...

सा.शनैश्वर टाइम्स वृत्तसेवा नांदगाव - संतोष कांदे येथील कृषी उत्पन्न बाजार समितीतून ट्रॅक्टर चोरी झाल्याची घटना ताजी असतानाच ; जळगाव बुद्रुक येथील एका शेतकऱ्याच्या रात्री १२ वाजेच्या सुमारास अंदाजे १ लाख ७६ हजार रुपये किमतीच्या २२ ते २७ अशा लहान मोठ्या शेळ्या गोठ्यातून चोरी झाल्याने मोठी खळबळ उडाली असून,ह्या चोऱ्या उघडकीस आणण्याचे मोठे आव्हान नांदगाव पोलिसांवर आहे.           येथील युवा शेतकरी सुदाम शहादू आहिरे यांचा शेतीसह शेळ्या पाळण्याचा व्यवसाय आहे.स्वतःच्या घरापासून हाकेच्या अंतरावर त्यांनी या शेळ्यांसाठी लोखंडी पत्रे व जाळ्या वापरून बंदिस्त गोठा तयार केला आहे.व त्यास रात्री ते कुलूप लावून घरी जातात.या गोष्टीची पूर्ण कल्पना असलेल्या अज्ञात चोरट्यांनी पाळत ठेवून रात्री या गोठ्याचे कुलूप तोडून या शेळ्या पायी चालवत सुमारे चार ते पाच किलोमीटर चा डोंगर पार करून कासारी घाटातील रस्त्यावर नेल्या.व तेथून त्या अज्ञात वाहनद्वारे पळवून नेल्या.       बोलठाण आउटपौस्ट चे पोलीस श्री.गांगुर्डे यांनी घटनास्थळ पाहणी केली.गुन्हा दाखल करून घेतला आहे. य...

सा.शनैश्वर टाइम्स वृत्तसेवा नांदगाव - संतोष कांदे तालुक्यातील पिंपरी हवेली येथे आज भल्या पहाटे बिबट्याने हल्ला करत पाच शेळ्यांना ठार केल्याने मोठी खळबळ उडाली असून,शेतकऱ्यांत भीतीचे वातावरण पसरले आहे.      येथील ज्ञानेश्वर देविदास वाघ यांच्या शेळ्या गोठ्यात बांधलेल्या होत्या.मध्यरात्री या ठिकाणी बिबट्याने हल्ला करून चार शेळ्यांना फक्त ठार केले तर एका शेळीचे मासं खाऊन पलायन केले.सकाळी या घटनेची माहिती मिळताच वनविभागाचे शिंदे व पशुवैद्यकीय विभागाचे डॉ.जाधव यांनी घटनास्थळ भेट दिली.      या स्थळ पंचनामा व मृत शेळ्यांचे शव विच्छेदन करण्यात आले.सदर शेतकऱ्याला मोठा आर्थिक फटका बसला असून,या शेतकऱ्याला आर्थिक मदत करण्याची मागणी ग्रामपंचायत सदस्य नवनाथ बोरसे यांनी केली आहे.

सा.शनैश्वर टाइम्स वृत्तसेवा मनमाड  - संतोष कांदे    मनमाड शहरासाठी बहुप्रतिक्षित असलेल्या करंजवन मनमाड पाणीपुरवठा योजनेचा भूमिपूजन समारंभ मुख्यमंत्री एकनाथ शिंदे यांच्या हस्ते मोठ्या थाटात संपन्न झाला. यावेळी त्यांनी मनमाड शहरासाठी १ रुपयाही निधी कमी पडू देणार नाही,  असे स्पष्ट मत मुख्यमंत्री एकनाथ शिंदे यांनी केले.            यावेळी पाणीपुरवठा मंत्री गुलाबराव पाटील यांनीही आपल्या भाषणात तुफान फटकेबाजी केली.केंद्रीय आरोग्यमंत्री भारती पवार यांनीही कांदे यांचे आभार मानले. यावेळी राज्याचे कृषी मंत्री दादा भुसे , उद्योग मंत्री  उदय सामंत , आमदार सुहास कांदे, अंजुम ताई कांदे, ज्येष्ठ नेते बापूसाहेब कवडे, माजी नगराध्यक्ष राजेश कवडे, माजी सभापती विलास आहेर , साईनाथ गिडगे, तेज कवडे, बाळकाका कलंत्री, आनंद कासलीवाल, संजय पवार, बबलु पाटील,  शिंदे गटाचे बाळासाहेबांची  शिवसेना पदाधिकारी शिवसैनिक व महिला आघाडी मोठ्या संख्येने आदींची उपस्थिती होती .

सा.शनैश्वर टाइम्स वृत्तसेवा नांदगाव - संतोष कांदे आज राज्याचे मुख्यमंत्री ना.एकनाथ शिंदे यांनी तालुक्याचे आमदार सुहास कांदे यांची तोंड भरून स्तुती केली असली तरी चर्चा मात्र काँग्रेस चा दुसरा व तिसरा आहेर बाळासाहेबांच्या शिवसेनेला आज मिळाला नाही..त्याची अधिक होताना दिसत होती.        गेल्या कैक वर्षांपासून मनमाड शहर पाण्याच्या समस्येला तोंड देत आहे.मात्र या शहराला आजीवन पाणी योजना देण्यात आमदार सुहास कांदे यांना यश आल्याने या योजनेचे भूमिपूजन करण्यासाठी खुद्द मुख्यमंत्री ना.एकनाथ शिंदे,उद्योग मंत्री ना.उदय सामंत, पालकमंत्री ना.दादा भुसे,ग्रामीण पाणी पुरवठा मंत्री ना.गुलाबराव पाटील,केंद्र शासनाच्या आरोग्य राज्यमंत्री ना.डॉ. भारती पवार यांच्या प्रमुख उपस्थितीत भव्य दिव्य सोहळा मनमाड शहरात हजारो लोकांच्या उपस्थितीत संपन्न झाला.       दरम्यान आज न्यायडोंगरीचे सुपुत्र तथा स्थानिक स्वराज्य संस्थेत  विद्यमान पदाधिकारी असलेले एक आहेर व  तसेच सहकार विभागाचे माजी अधिकारी असलेले दुसरे आहेर यांचा प्रवेश सोहळा आज मुख्यमंत्र्यांच्या उपस्थितीत होण...

सा.शनैश्वर टाइम्स वृत्तसेवा नांदगाव - संतोष कांदे नांदगाव विधानसभा मतदार संघाचे आमदार सुहास कांदे यांचा संभाव्य मंत्रिमंडळ विस्तारात किमान राज्यमंत्री म्हणून तरी समावेश व्हावा,म्हणून जळगाव बुद्रुक च्या ग्रामपंचायत पदाधिकारी व ग्रामस्थांनी येथील जागृत देवस्थान असलेल्या श्री.बेलेश्वर महादेवाला साकडे घातले.       उद्धव बाळासाहेब ठाकरे गट असो वा सद्यस्थितीत बाळासाहेबांची शिवसेना असो नांदगाव विधानसभा मतदार संघाचे आमदार सुहास कांदे यांनी कायम आक्रमक भूमिका घेऊन महाराष्ट्रात आपला दबदबा निर्माण केला आहे.त्याचबरोबर ज्या मनमाड शहराचा पाणीप्रश्न सोडवण्यास राज्याचे हेवीवेट नेते आमदार छगन भुजबळ यांना अपयश आले. तो पाणीप्रश्न आमदार कांदे यांनी सोडवला.        उद्या दि. १३ रोजी या कामाचे भूमिपूजनल करण्यासाठी खुद्द मुख्यमंत्री ना.एकनाथ शिंदे मनमाडछे येथे येत आहेत.आणि म्हणून मतदार संघांसाठी तन - मन आणि धनाने सेवा करत असलेल्या आमदार सुहास कांदे यांच्यासाठी ना.एकनाथ शिंदे यांनी मंत्रिमंडळात जागा निर्माण करावी यास्तव श्री.क्षेत्र बेलेश्वर महादेवाला साकडे घालण्या...

  सा.शनैश्वर टाइम्स वृत्तसेवा   नांदगाव- संतोष कांदे बालवयातील संस्कार हीच भावी आयुष्यातील शिदोरी असल्याचे प्रतिपादन संस्कृती रक्षक केंद्राचे संस्थापक दत्तराज छाजेड यांनी केले.            ते ना.शि.प्र.म. संचलीत छाजेड विदयामंदीर येथे कर्मवीर मिश्रीलालजी छाजेड यांच्या ३० व्या पुण्यस्मरण निमीत्त आयोजित कार्यक्रमात बोलत होते.यावेळी व्यासपीठावर संस्थेचे जेष्ठ सदस्य रमणलाल छाजेड,शालेय समिती अध्यक्ष विजय परदेशी,मुख्याध्यापक  शांताराम ऊफाडे  ,माजी मुख्याध्यापक प्रभाकर काकळीज आदी उपस्थित होते.            यावेळी इयत्ता पहिली व चौथीच्या विद्यार्थ्यांनी मनोगत व्यक्त केलीत.त्यांना प्रमुख पाहुण्यांच्या हस्ते प्रमाणपत्र व रोख रक्कम बक्षीस देण्यात आले.त्याचबरोबर आदर्श शिक्षिका म्हणून प्रतिभा गायकवाड यांचा सन्मान करण्यात आला.          कार्यक्रमाचे प्रास्ताविक आशा सोनावणे यांनी  केले तर परिचय संजीव वाघ यांनी करून दिला. सरस्वती वंदना श्रीपाद मूळे यांनी सादर केली . सूत्रसंचालन सूनिता चौ...

सा.शनैश्वर टाइम्स वृत्तसेवा नांदगाव - संतोष कांदे शिवसंवाद दौऱ्याच्या निमित्ताने नांदगाव विधानसभा मतदार संघाच्या दौऱ्यावर आलेल्या माजी पर्यावरण मंत्री तथा उद्धव बाळासाहेब ठाकरे शिवसेनेचे युवा नेते आदित्य ठाकरे यांनी भलेही नांदगाव मतदार संघात येऊन विद्यमान आमदार सुहास कांदे यांच्या विरोधात ब्र शब्द ही काढला नसला तरी येत्या १३ तारखेला मुख्यमंत्री ना.एकनाथ शिंदे यांच्या हस्ते भूमिपूजन होत असलेल्या मनमाड - करंजवण योजनेच्या मंजुरीवरच प्रश्नचिन्ह ठेवून गेल्याने ही योजना नेमकी आणली कुणी .? यावर प्रश्नचिन्ह निर्माण झाले आहे.       विद्यमान आमदार सुहास कांदे यांनी तत्कालीन मुख्यमंत्री तथा शिवसेनेचे कार्यकारी प्रमुख उद्धव ठाकरे यांनी दिवंगत शिवसेना प्रमुख बाळासाहेब ठाकरे यांच्या शिवसेना स्थापनेच्या हेतूला काळे भासत काँग्रेस व राष्ट्रवादी काँग्रेस शी युती केली व सत्ता स्थापन केली.आणि ही गोष्ट बहुतांश शिवसैनिकांना आवडली नाही.मात्र काही दिवसात यात बदल होईल,असे समजून अनेक आमदार,खासदार निश्चित राहिले मात्र ना.उद्धव ठाकरे यांनी असा कुठलाही निर्णय न घेतल्याने सर्व आमदार ,खासदा...