कांदा,कपाशी च्या उतरत्या भावामुळे हैराण झालेल्या शेतकऱ्यांना दिलासा देण्यासाठी रास्ता रोको.!

 सा.शनैश्वर टाइम्स वृत्तसेवा

    नांदगाव -: संतोष कांदे

तालुक्यातील जगाचा पोशिंदा असलेला शेतकरी "राजा ने मारले अन पावसाने झोडले तर दाद कुणाकडे मागणार.? या गर्रतेत अडकला असल्याचे दिसून येत आहे.मोठ्या कष्टाने पिकवलेल्या कांदा व कपाशी पिकाला उत्पादन खर्च फिटेल इतका ही भाव मिळत नसल्याने शेतकरी हवालदील झाले आहेत.आणि या शेतकरी बांधवाना दिलासा देण्यासाठी तालुक्यातील राजकीय क्षेत्रातील एकमेकांचे प्रतिस्पर्धी असलेल्या तब्बल पाच माजी आमदारांनी एकत्र येत रास्ता रोको आंदोलन छेडले.आणि याची संपूर्ण राज्यात चर्चा सुरु होती.

         शेतकऱ्यांच्या कापूस व कांद्याला योग्य बाजार भाव मिळावा या मागणीसाठी आज येथील बाजार समितीच्या प्रवेशद्वारापुढे मतदार संघातील पाचही माजी आमदारांच्या नेतृत्वाखाली महाविकास आघाडीच्या वतीने रास्तारोको आंदोलन करण्यात आले या आंदोलनामुळे येवला रस्त्यावरील वाहतूक काही काळासाठी विस्कळीत झाली होती तर लिलावाच्या कामकाजावर परिणाम होऊन उशिराने लिलाव पुकारण्यात आले.

          मतदार संघातील महाआघाडीच्या घटकपक्षातील मतदार संघाचे माजी आमदार अँड जगन्नाथ धात्रक राजाभाऊ देशमुख,अँड अनिल आहेर संजय पवार व माजी आमदार पंकज भुजबळ यांच्या नेतृत्वाखाली हे  रास्तारोको आंदोलन करण्यात आलेतालुक्यातील शेतकरी, मजूर, सुशिक्षित बेरोजगारांच्या आणि कांदा पिकांच्या भाव वाढ,नार-पार प्रकल्पात नांदगावचा समावेश करावा कांद्याला शेतकऱ्यास एक हजार रुपये प्रति क्विंटलचे अनुदान देण्यात यावे,शेतकऱ्यांना  विम्याची नुकसान पोटी विमा रक्कम मिळाली.

           रेल्वे स्टेशनवर गाडयांना पूर्ववत थांबे मिळावे,शेतकऱ्यांना ठरल्याप्रमाणे प्रोत्साहन पर अनुदान द्यावे.शेतकऱ्यांच्या सक्तीचे वीज पंपाचे कनेक्शन तोडणी बंद करावे आदी मागण्यांसाठी हे आंदोलनकरण्यात आले दरम्यान आजच्या आंदोलन कांद्याला भाव मिळण्याचे प्रत्यक्षात जाहीर करण्यात आले होते मात्र या वेळी पाचही माजी आमदारांच्या भाषणाचे सूत्र विद्यमान आमदार सुहास कांदे यांना लक्ष्य करणारे ठरले.

            राज्य शासनात विद्यमान आमदारांचे वजन असल्याचे सांगितले जात असले तरी शेतकऱ्यांच्या प्रश्नावर विधिमंडळाच्या सभागृहात आम्ही जसे सत्तारूढ गटाचे असूनही आंदोलन करीत होते तसे ते विद्यमान आमदार सुहास कांदे याना का जमत नाही असा प्रश्न उपस्थितीत करीत माजी आमदार पंकज भुजबळ अँड अनिल आहेर राजाभाऊ देशमुख संजय पवार यांनी टीकेची झोड उठविली नायब तहसीलदार श्री कोणकर यांनी मोर्चेकरी आंदोलकांचे निवेदन स्वीकारले विनोद शेलार माजी नगराध्यक्ष अरुण पाटील संतोष बळीद राजेश सावंत वाल्मिक टिळेकर राजू लाठे दादा पगार बाळासाहेब देहाडराय राजाभाऊ आहेर योगिता पाटील सीमा राजुळे अलका आयनोर खैरणार मनोज चोपडे उदय पाटील उदय पवार शिवाजी बच्छाव योगेश कदम रामदास पाटील प्रवीण घोटेकर इत्यादी काँग्रेस-राष्ट्रवादी-शिवसेनाठाकरे गट यांच्यासह घटकपक्षातील पदाधिकारी कार्यकर्ते उपस्थित होते काँग्रेसचे तालुकाध्यक्ष हरेश्वर सुर्वे,शिवसेना ठाकरे गटाचे तालुकाप्रमुख संतोष गुप्ता यांचेही यावेळी मनोगते झालीत  राष्ट्रवादीचे तालुकाध्यक्ष विजय पाटील यांनी प्रास्ताविक केले शिवसेना उद्धव बाळासाहेब ठाकरे गटाचे जिल्हा प्रमुख गणेश धात्रक यांनी आभार मानलेत