सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

सा. शनैश्वर टाइम्स वृत्तसेवा 

नांदगाव (नाशिक ) संतोष कांदे 

शेतात काम करत असताना कोब्रा नामक विषारी सापाने दंश केला. मात्र वाहन येण्यास रस्ताच अस्तित्वात ठेवला नसल्याने जीव वाचवण्यासाठी सर्पदंश झाला असूनही सुमारे एक किलोमीटर पळत जाऊन महामार्ग गाठला.

   तालुक्यातील पिंप्री हवेली येथील मानमोडी शिवारात  वाल्मिक वाघ  (वय-५०) हे आपल्या शेतात काम करत असताना त्यांना कोब्रा नामक विषारी सापाने हाताला दंश केला.मात्र आता या ठिकाणी वाहन येण्यास रस्ता नसल्याची बाब लक्षात घेऊन  वाघ   क्षणाचीही उसंत न घेता धावत सुटले. अन त्यांनी सर्पदंश झालेल्या अवस्थेत सुमारे एक किलोमीटर अंतर पार करून वाहन गाठले.

    तेथून त्यांना नांदगाव ग्रामीण रुग्णालयात आणण्यात आले. मात्र त्यांनी नेहमीप्रमाणे मालेगाव ला जाऊ द्या.... असे सांगितल्याने वाघ यांना खाजगी वाहनाने मालेगाव येथील खाजगी रुग्णालयात दाखल करण्यात आले. दोन दिवसाच्या अथक प्रयत्नानंतर त्यांचा जीव वाचला. मात्र या निमित्ताने त्यांना शेतात जाण्यासाठी व अशा अवघड प्रसंगातुन निभावून जाण्यासाठी रस्त्याची अत्यंत निकडं असल्याची बाब ही अधोरेखित झाली आहे.

तहसीलदार सुनील सैंदाणे यांनी या प्रकरणी लक्ष घालून हा हा प्रश्न मार्गी लावावा अशी मागणी या परिसरातील शेतकऱ्यांनी केली आहे.