सा.शनैश्वर टाईम्स संपादक-संतोष कांदे भारत नोंदणी क्र-४९५५५

सा. श नैश्वर टाइम्स वृत्तसेवा  नांदगांव  (नाशिक )  संतोष कांदे    नांदगांव विधानसभा मतदार संघाचे आमदार सुहास कांदे यांच्या प्रयत्नातून जिल्हा मार्केटींग फेडरेशन अंर्तगत नांदगांव येथे मका , बाजरी , ज्वारी खरेदी केंद्र सुरू होणार असून नांव नोंदणी ३० नोव्हेंबर पर्यंत सुरू राहणार असल्याची माहिती नांदगांव बाजार समितीचे सभापती दर्शन आहेर, शनैश्वर खरेदी विक्री संघाचे चेअरमन विलास आहेर यांनी दिली.       खरीप हंगाम २०२५-२६ या चालू हंगामात जिल्हा मार्केटिंग फेडरेशनकडे नांदगांव येथे धान्य खरेदी केंद्र सुरू करणे बाबत नांदगांव विधानसभा मतदार संघाचे आमदार सुहास कांदे यांनी सातत्याने पाठपुरावा करून नांदगांव येथे खरेदी केंद्रास मान्यता मिळवून दिलेली आहे. त्यानुसार श्री शनैश्वर नांदगांव तालुका शेतकरी सहकारी खरेदी विक्री संघ लि. नांदगांव यांची सब एजन्सी म्हणून नियुक्ती करण्यात आलेली असून मका, बाजरी व ज्वारी हे धान्य सदर केंद्रावर खरेदी केले जाणार असून त्यापूर्वी नांव नोंदणी करणे आवश्यक असून नाव नोंदणीची मुदत ३० नोव्हेंबर २०२५ ही अंतिम राहणार आहे. ...

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  आपसातील भाऊबंदकीला कंटाळून काही वर्षांपूर्वी विलास आहेर यांनी एकसंघ असलेल्या शिवसेनेत जाहीर प्रवेश करून तालुक्यात खळबळ उडवून दिली होती.आज उपमुख्यमंत्री ना. एकनाथ शिंदे यांच्या हातून काँग्रेसचे माजी आमदार अँड. अनिल आहेर यांचे पुत्र दर्शन आहेर यांनी भगवा खांद्यावर घेतल्याने येऊ घातलेल्या जिल्हा परिषद निवडणुकीतील न्यायडोंगरी जिल्हा परिषद गटाचा गुंता वाढण्याची शक्यता निर्माण झाली आहे.      न्यायडोंगरी चे आहेर म्हणजे काँग्रेस... असा अनेक वर्षाचा समज काही वर्षांपूर्वी माजी सभापती विलास आहेर यांनी मोडीत काढल्यानंतर काँग्रेसला तालुक्यात उतरती कळा सुरु झाली होती. यंदाच्या विधानसभा निवडणुकीत काँग्रेसचे माजी आमदार अँड. अनिल आहेर यांनी शिंदे गटाचे शिवसेना उमेदवार सुहास कांदे यांना मदत करून काँग्रेसने त्यांना २००९ मध्ये जसे वाऱ्यावर सोडले होते. त्याचा वचपा काढला. अन विधानसभा निवडणुकीनंतर या मदतीची परतफेड म्हणून आमदार सुहास कांदे यांनीही आहेर यांचे पुत्र दर्शन आहेर यांना नांदगाव बाजार समितीच्या सभापतीपदी...

रविवार विशेष राजकीय वार्तापत्र  सा.श नैश्वर टाइम्स वृत्तसेवा  नांदगाव (nashik ) संतोष कांदे  नांदगाव विधानसभा मतदार संघांचे आमदार सुहास कांदे यांनी ज्या वेळेस नांदगाव मतदार संघात एन्ट्री केली, तेव्हा पासून त्यांनी फक्त मुक्त हस्ते गोरगरिबांच्या सेवेला वाहून घेतले. आज त्याचे फळ ते नांदगाव मतदार संघांचे सलग दुसऱ्यांदा आमदार आहेत. आणि यापूर्वी स्थानिक स्वराज संस्थेच्या सत्ता आमदारांच्या विरोधात जायच्या, मात्र कांदे यांच्या कार्यकाळात मात्र ह्या इतिहासाला ही तडा गेल्याचे दिसून येते. सर्वच्या सर्व सत्ता आमदारांच्या नेतृत्वात हस्तगत होत असल्याचे चित्र दिसून येते.     सद्यस्थितीत नांदगाव व मनमाड नगर परिषद निवडणुकीची धामधूम सुरु आहे. नांदगाव मध्ये तर चक्क सात जागा बिनविरोध करून आमदारांनी भूतो न भविष्यती असा इतिहास निर्माण करून ठेवला आहे. सा. श नैश्वर टाइम्स मध्ये यंदा नव्या चेहऱ्याची गरज नांदगाव नगर परिषद ला असल्याचे वृत्त प्रसिद्ध झाले होते. आणि योगायोग असा की, आमदारांनी ही यंदा सागर हिरे यांच्या रूपाने नवा चेहरा देत सर्वांना आश्चर्यचा धक्का दिला.   ...

सा. श नैश्वर टाइम्स वृत्तसेवा नांदगाव ( nashik ) संतोष कांदे  गेल्या कित्येक वर्षांपासून ज्या प्रभागातील नगरसेवक बलवान त्या प्रभागात पाणी अधिक काळ... आणि जेथे कुणी बोलणारा नव्हता किंवा ज्याचा आवाज दाबला जायचा तेथे अत्यंत कमी पाणी....असा प्रकार सातत्याने होत होता. तेथे स्वतः लक्ष घालून असे प्रकार थांबवणार... आणि शहरातील सर्वच नागरिक सारख्याच तोलामोलाचे या नितीने काम करणार असे स्पष्ट अभिवचन नांदगाव नगर परिषद चे शिवसेना पक्षाचे नगराध्यक्ष पदाचे अधिकृत उमेदवार सागर हिरे यांनी दिले.      सा. श नैश्वर टाइम्स शी बोलताना हिरे म्हणाले की, या तालुक्याचे भाग्यविधाते आमदार सुहास कांदे, सौ. अंजुमताई व फरहान दादा यांच्या नेतृत्वाखाली मला ही संधी स्वप्नात नसताना मिळाली आहे. त्या संधीचे सोने करण्यासाठी मी जीवाचे रान करेन. शहरात रस्त्यावर ठाण मांडून नागरिकांच्या येण्याजाण्याला अडथळा निर्माण करणाऱ्या छोट्या छोट्या व्यावसायिक बंधूना वाऱ्यावर न सोडता त्यांची योग्य जागा देऊन त्यांची सोय लावण्यात येईल.जेणेकरून अडथळा दूर होऊन त्या गोरगरिबांच्या रोजी रोटीचा प्रश्न ही निकाली निघे...

सा. श नैश्वर टाइम्स वृत्तसेवा  नांदगाव (nashik ) संतोष कांदे  अठरापगड जातींना सोबत घेऊन छत्रपती शिवाजी महाराजांनी स्वराज्याची निर्मिती केली. मात्र सत्तेची मुख्य सूत्रे त्यांनी सक्षम अशा नेतृत्वाकडेच सोपवली असल्याचे दाखले आहेत. याउलट तालुक्याचे आमदार सुहास कांदे यांनी नांदगाव नगरपरिषद निवडणुकीत बदल घडविण्याचा स्तुत्य उपक्रम राबवला असला तरी, दिलेला नवा चेहरा जनता कितपत स्वीकारेल.? याबाबत विविध चर्चा रंगल्या आहेत.     कवडे की पाटील या वादात न पडता आमदार कांदे यांनी युवा सेनेचे सागर हिरे यांना थेट नगराध्यक्ष पदाची उमेदवारी दिली. प्रशासकीय अनुभव गरजेचं असतोच, मात्र सागर हिरे या तरुणाची कोरी पाटी असल्याचा फायदा होऊ शकेल अशी राजकीय गणित आमदार कांदे यांचे असू शकेल कदाचित....     नगरपरिषद स्थापन झाल्यापासून कवडे कुटुंबं यांचे या नगर परिषद वर प्रभुत्व आहे.आणि काही घटना दुर्लक्षित केल्यास कवडे यांना मानणारा मोठा वर्ग या शहरात आहे.मात्र आता शहराचा विकास आमदार सुहास कांदे करत आहेत. आणि त्यात त्यांच्या सुविद्य पत्नी सौ. अंजुम कांदे जाणीवपूर्वक लक्ष देत असताना...

सा. श नैश्वर टाइम्स वृत्तसेवा  नांदगाव (nashik ) संतोष कांदे  तालुक्यातील जळगाव बुद्रुक येथील पाची नंबर या परिसरातील ज्ञानेश्वर वाघ यांच्या शेतातील विहिरीत दोन काळवीट मृतावस्थेत आढळून आल्याची घटना घडली आहे.    याबाबतची माहिती श्री. वाघ यांनी वनाधिकारी हेमंत कोकाटे यांना कळवली.त्यानंतर वंन कर्मचारी अण्णासाहेब टेकणर यांनी या ठिकाणी धाव घेऊन लहू कांदे, किसन गावंडे, चिंधा गावंडे,या शेतकऱ्यांच्या मदतीने या दोन्ही हरणांना बाहेर काढले. त्यावेळी त्यांची शिंगे आपसात गुंतलेले व तोंडावर किरकोळ जखमा असल्याचे दिसून आल्याने हे दोन्ही आपसात लढत असतानाच विहिरीत पडल्याने मृत्यू पावल्याचा अंदाज व्यक्त केला जात आहे.

नांदगाव नगरपालिका निवडणूक विशेष... सा. श नैश्वर टाइम्स वृत्तसेवा  नांदगाव (nashik ) संतोष कांदे  होऊ घातलेल्या नांदगाव नगरपरिषदेच्या पंचवार्षिक निवडणुकीला सुरुवात झाली आहे. अर्ज दाखल करण्याच्या चौथ्या दिवसापर्यंत निरंक असलेल्या या निवडणुकीत तालुक्याचे आमदार सुहास कांदे यांची भूमिका निर्णायक मानली जात असल्याने ते देतील ते उमेदवार निवडून देऊ अशी सर्वसामान्य जनतेची भावना असली तरी मुख्य पदाचा उमेदवार नवा चेहरा असला पाहिजे.  अशा भावना ही व्यक्त होत आहेत.      एकूण दहा प्रभाग असलेल्या या नगर परिषद मधून २० नगरसेवक निवडून द्यायचे आहेत. प्रशासकीय पातळीवर निवडणुकीची तयारी पूर्ण करण्यात आली असून, राजकीय पक्ष ही ज्याच्या त्याच्या कुवतीनुसार तयारी करत आहेत.आजमितीस नांदगाव शहरात जी काही विकासकामे झाली आहेत. व होत आहेत. ती आमदारांच्या माध्यमातून त्यामुळे साहजिकच जनता आमदार सांगतील किंवा ठरवतील त्यांना मतदान करतील यात काही शंका नाही. मात्र तेच तेच चेहरे आमदारांनी लादले तर वेगळा विचार होऊ शकेल असे ही खाजगीत बोलले जात आहे.      आमदार कांदे यांनी इच...

जिल्हा परिषद निवडणूक विशेष वार्तापत्र  सा. श नैश्वर टाइम्स वृत्तसेवा  नांदगाव (नाशिक ) संतोष कांदे  करोडो भक्तांचे आराध्य दैवत श्री. शनी देवाचे अस्तित्व असलेल्या न्यायडोंगरी जिल्हा परिषद गटाची होऊ घातलेली निवडणूक अनेक अर्थाने ऐतिहासिक ठरणार आहे. याचे कारण असे की, राज्यात जरी काँग्रेस शिवसेना (उबाठा)  एकत्र असले तरी या गटात मात्र शिवसेना ( शिंदे ) अन काँग्रेस हातात हात घेऊन लढणार आहेत.आणि तसेही संपूर्ण बहुमत शिवसेनेचे असलेल्या नांदगाव कृषी उत्त्पन्न बाजार समितीत काँग्रेसचा सभापती विराजमान आहे.     या न्यायडोंगरी जिल्हा परिषद गटात २० गावांचा समावेश असून, सावरगाव व न्यायडोंगरी असे दोन गण आहेत. या गटावर सातत्याने आहेर कुटुंबाचा वरचष्मा राहिल्याचे दिसून येते. अपवाद शोभाताई कवडे व कै.शशिकांत मोरे यांचा वगळता....मात्र याच गटात आहेर कवडे एकत्र असतानाही तेज कवडे यांचा झालेला पराभव दुर्लक्षिता येणार नाही.      माणिकपुंज धरणाचा फायदा या गटातील बहुतांश गावांना करून देण्यात माजी आमदार अँड.अनिल आहेर यांचा सिंहाचा वाटा असल्याने त्यांना मानणारी द...