अण्णांनी दगड दिला तरी निवडून देऊ, मात्र बदल आवश्यक.! सर्वसामान्य जनतेची भावना...

नांदगाव नगरपालिका निवडणूक विशेष...

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

होऊ घातलेल्या नांदगाव नगरपरिषदेच्या पंचवार्षिक निवडणुकीला सुरुवात झाली आहे. अर्ज दाखल करण्याच्या चौथ्या दिवसापर्यंत निरंक असलेल्या या निवडणुकीत तालुक्याचे आमदार सुहास कांदे यांची भूमिका निर्णायक मानली जात असल्याने ते देतील ते उमेदवार निवडून देऊ अशी सर्वसामान्य जनतेची भावना असली तरी मुख्य पदाचा उमेदवार नवा चेहरा असला पाहिजे. अशा भावना ही व्यक्त होत आहेत.

     एकूण दहा प्रभाग असलेल्या या नगर परिषद मधून २० नगरसेवक निवडून द्यायचे आहेत. प्रशासकीय पातळीवर निवडणुकीची तयारी पूर्ण करण्यात आली असून, राजकीय पक्ष ही ज्याच्या त्याच्या कुवतीनुसार तयारी करत आहेत.आजमितीस नांदगाव शहरात जी काही विकासकामे झाली आहेत. व होत आहेत. ती आमदारांच्या माध्यमातून त्यामुळे साहजिकच जनता आमदार सांगतील किंवा ठरवतील त्यांना मतदान करतील यात काही शंका नाही. मात्र तेच तेच चेहरे आमदारांनी लादले तर वेगळा विचार होऊ शकेल असे ही खाजगीत बोलले जात आहे.

     आमदार कांदे यांनी इच्छुक उमेदवारांच्या मुलाखती घेऊन शहर व विकास या बाबत भावी नगरसेवकांच्या भावना जाणून घेतल्या. त्यावर ते निर्णय घेतीलच पण सर्वसामान्य जनतेच्या भावना ही आमदारांनी जाणून घेऊन उमेदवारी द्यायला हवी असे ही जनमत आहे. सन २००२ मध्ये नांदगाव मतदार संघांचे आमदार म्हणून अँड. अनिल आहेर कार्यरत असताना सर्व नगरसेवक काँग्रेस चे अन नगराध्यक्ष भाजपचा अशी विचित्र परिस्थिती निर्माण झाली होती.अपवाद काही महिन्यानंतर त्या नगराध्यक्ष पदावर अविश्वास ठराव आणला गेला मात्र तो एक नगरसेविका फुटल्यानंतर बारगळला. मात्र नंतर काही दिवसात तो पुन्हा यशस्वी झाला. अन काँग्रेस चा नगराध्यक्ष म्हणून भास्कर कदम विराजमान झाले.पण त्या ही वेळेस दिवंगत पत्रकार सुधीर रांगोळे व संजीव निकम यांची भूमिका एक मित्र म्हणून मोलाची ठरली.तेव्हा ही नगराध्यक्ष थेट जनतेतून निवडून द्यायचा असा नियम निवडणूक आयोगाने लावला होता.हा झाला इतिहास....

पण तोच इतिहास पुन्हा घडू द्यायचा नसेल तर भाकरी फिरवावी लागते.हे सूत्र आमदार कांदे यांनी पाळले तर विजय त्यांचाच.... असे एकंदरीत चित्र नांदगाव नगर परिषद चे आहे.