सा.शनैश्वर टाईम्स संपादक-संतोष कांदे भारत नोंदणी क्र-४९५५५

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  येथील श्री संत शिरोमणी सावता महाराज कंपाऊंडमध्ये जायंट्स ग्रुप ऑफ नांदगाव आणि जायंट्स ग्रुप ऑफ नांदगाव सहेली (जायंट्स फेडरेशन २-ब) यांचा सन २०२६ चा भव्य 'शपथग्रहण समारोह' शनिवारी, ३१ जानेवारी रोजी मोठ्या उत्साहात संपन्न झाला. या कार्यक्रमाला प्रमुख पाहुणे म्हणून छत्रपती संभाजीनगरचे माजी महापौर  नंदकुमार घोडेले आणि माजी नगरसेविका अनिता घोडेले उपस्थित होते.यावेळी आमदार  सुहास कांदे,लोकनियुक्त नगराध्यक्ष सागर  हिरे यांनी हजेरी लावून शुभेच्छा दिल्यात.         या सोहळ्यात शपथ घेतलेल्यात जायंट्स ग्रुप (पुरुष) विजय बागरे (अध्यक्ष), सोमनाथ घोंगणे,  कमलेश किलोसिया, प्रसाद बुरकुल,संजय कलंत्री.यांच्यासह सहेली ग्रुप (महिला) संगिता बागरे (अध्यक्षा), श्रीमती सुनिता बाविस्कर, सौ. जयश्री पटेल, सौ. निवेदिता बुरकुल आणि सौ. पुष्पा दुसाणे यांचा समावेश आहे.        कार्यक्रमाला फेडरेशन २-ब चे नूतन अध्यक्ष जुगलकिशोर हरकुट आणि नूतन सचिव सन्मती जैन,एन.सी.एफ. सदस्य श्री. ...

सा. श नैश्वर टाइम्स वृत्तसेवा  नांदगाव (नाशिक ) संतोष कांदे   जळगाव बुद्रुक जिल्हा परिषद प्राथमिक शाळेचे ध्वजारोहन नांदगाव कृषी उत्पन्न बाजार समितीचे उपसभापती तथा युवा नेते दिपक मोरे यांचे हस्ते तर ग्रामपंचायतीचे ध्वजारोहन सरपंच विश्वनाथ (आमदार ) कांदे यांचे हस्ते करण्यात आले.     क्रांतिवीर वसंतराव नाईक शिक्षण संस्थेच्या विद्यालयातील ध्वजारोहन सामाजिक कार्यकर्ते शरद गिते यांचे हस्ते करण्यात आले. सकाळी गावातून विद्यार्थी व शिक्षकांनी देशभक्तीपर घोषणा देत प्रभातफेरी काढली. ग्रामपंचायत कार्यालय, विद्यालय, व त्यानंतर प्राथमिक शाळेचे ध्वजारोहन करण्यात आले.प्राथमिक शाळेत अनेक सांस्कृतिक कार्यक्रमाचे आयोजन करण्यात आले होते. यावेळी असंख्य विद्यार्थ्यांनी अनेक गीतांच्या माध्यमातून आपले कलागुण दाखवले.     या विद्यार्थ्यांचा उपस्थित पालक, प्रमुख पाहुणे, व ग्रामस्थ तरुणांनी  रोख स्वरूपात बक्षिसे देऊन हुरूप वाढवला.अत्यंत नेटके व देखणे नियोजन शाळेच्या शिक्षकांनी केले होते. त्यांचे ही कौतुक ग्रामस्थांनी व प्रमुख पाहुण्यांनी केले. यावेळी ग्रामपंचायत ...

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  दोन दिवसांपूर्वी जळगाव बुद्रुक येथील भास्कर कांदे यांच्या शेतातील वस्तीवर बिबट्याने एक गाय व एक गोऱ्हा मारून खाल्ल्याची घटना ताजी असतानाच, काल रात्री याच बिबट्याने लगतच्या कासारी गावाकडे मोर्चा वळवून तेथील संजय त्र्यंबक सानप यांच्या गायीचा फडशा पाडला.या सलग घडलेल्या घटनेमुळे पशुपालक शेतकऱ्यांमध्ये मोठी खळबळ उडाली आहे.     कासारी येथील संजय सानप यांच्या शेतातल्या गोठ्यात त्यांची पाळीव जनावरे बांधून असतात. काल मध्यरात्री या बिबट्याने तेथे आपला मोर्चा वळवून गायीला ठार केले. व तिचे मांस भक्षण करून धूम ठोकली.   या घटनेची माहिती मिळताच कासारीचे सरपंच नितीन शेरेकर यांनी वन विभागाला याची माहिती दिली. त्यानंतर नांदगाव तालुका वन विभागाचे वन परीक्षेत्र अधिकारी हेमंत कोकाटे यांच्या मार्गदर्शनाखाली  वनरक्षक श्री. वडगे, टेकणर, गंडे,मोरे आदी वनविभागाच्या कर्मचाऱ्यांनी घटनास्थळी भेट देऊन पाहणी केली. व पंचनामा केला. व उपस्थित शेतकऱ्यांना खबरदारीच्या सुचना केल्यात.

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  तालुक्यातील जळगाव बुद्रुक येथील भास्कर कांदे यांच्या शेतातील वस्तीवर बिबट्याने एक गाय ठार करून तिचा फडशा पाडला तर एक दोन वर्ष वयाचा गोऱ्हा ठार केल्याची घटना आज मध्यरात्री घडल्याने  पंचक्रोशीत मोठी खळबळ उडाली आहे.   भास्कर कांदे हे आपल्या गट नंबर १५१ मधील शेतावरच वास्तव्य करून असतात. त्यांच्याकडे शेतीपयोगी पाळीव जनावरे आहेत. आज मध्यरात्री घरातील सर्वजण झोपेत असताना बिबट्याने एका गायीला ठार केले. व तिचा पूर्ण फडशा पडल्यानंतर एक गोऱ्हा ही ठार केला. कांदे कुटुंबाला या घटनेची सकाळी उठल्यानंतर वाच्यता झाली.    नांदगाव तालुका वन विभागाचे वन परीक्षेत्र अधिकारी हेमंत कोकाटे यांच्या मार्गदर्शनाखाली  वनरक्षक श्री. वडगे, टेकणर, गंडे,मोरे आदी वनविभागाच्या कर्मचाऱ्यांनी घटनास्थळी भेट देऊन पाहणी केली. व पंचनामा केला. व उपस्थित शेतकऱ्यांना खबरदारीच्या सुचना केल्यात.

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  आधारवड  महिला  बहुउद्देशीय सेवाभावी संस्थेतर्फे  १२ फेब्रुवारी २०२६ रोजी  क्रांतीज्योती सावित्रीबाई फुले, राजमाता जिजाऊ आणि स्वामी विवेकानंद यांची जयंती मोठ्या उत्साहात साजरी करण्यात आली. या कार्यक्रमाला शालेय समितीचे प्रशासकीय अधिकारी  गणेश पाटील, मुख्याध्यापक शाहीद अख्तर, आयाज सर, गोनडे सर, आणि कल्पना शेवरे यांसह अन्य मान्यवर उपस्थित होते.            संस्थेच्या अध्यक्ष सौ संगीता सोनवणे यांनी आपल्या भाषणातुन राजमाता जिजाऊ व सावित्रीबाई फुले यांच्या जीवनावर प्रकाश टाकला व विद्यार्थ्यांना मार्गदर्शन केले.कार्यक्रमाची सुरुवात मान्यवरांच्या हस्ते सावित्रीबाई फुले, राजमाता जिजाऊ आणि स्वामी विवेकानंद यांच्या प्रतिमांना पुष्पहार अर्पण करून करण्यात आली. यावेळी उपस्थित मान्यवरांनी तिन्ही महान व्यक्तींच्या कार्याबद्दल आणि त्यांच्या विचारांबद्दल मार्गदर्शन केले.सावित्रीबाई फुले यांनी महिलांच्या शिक्षणासाठी दिलेले योगदान आणि भारतीय स्त्रीवादाची जननी म्हणून त्यां...

सा. श नैश्वर टाइम्स वृत्तसेवा  नांदगाव (नाशिक ) संतोष कांदे  गेल्या महिन्यात नांदगाव नगरपरिषदेची पंचवार्षिक निवडणूक होऊन तीत आमदार सुहास कांदे यांच्या नेतृत्वाखाली शिवसेनेची (शिंदे गट ) एकहाती सत्ता स्थापन झाली आहे. लोकनियुक्त नगराध्यक्ष म्हणून सागर हिरे या कोरी पाटी असलेल्या तरुणाला आमदारांनी संधी देऊन शहराच्या प्रस्थापित राजकारणाला अभूतपूर्व अशी कलाटणी दिली आहे.       दोनच दिवसापूर्वी आमदार कांदे यांच्या सूचनेनुसार, गटनेता पदावर आमदारांचे मित्र तथा नांदगाव बाजार समितीचे संचालक अमोल नावंदर यांच्या सुविद्य पत्नी बिनविरोध नगरसेविका सौ. स्वाती नावंदर यांची निवड करण्यात आली आहे. तर आता उपगराध्यक्ष निवडीची तारीख जिल्हाधिकारी आयुष प्रसाद यांनी जाहीर केली असून, तशा नोटीसा नवनिर्वाचित नगरसेवकांना नगराध्यक्ष सागर हिरे यांनी बजावल्या आहेत. येत्या १३ डिसेंबर रोजी दुपारी बारा वाजेपासून तर चार वाजेपर्यंत या उपनगराध्यक्ष पदाच्या निवडणुकीचा कार्यक्रम राबवला जाणार आहे.     नगराध्यक्ष व संपूर्ण नगरसेवक एकाच पक्षाचे असल्याने ही निवडणूक म्हणजे एक...

ब्रेकिंग न्यूज.... सा. श नैश्वर टाइम्स वृत्तसेवा  नांदगाव (नाशिक ) संतोष कांदे  नांदगाव तालुक्याच्या घाटमाथ्यावरील जातेगांव येथील वीस वर्षीय मुलाने किरकोळ भांडणातून आपल्या जन्मदात्या पित्याची डोक्यात लोखंडी पाईप घालून हत्या केल्याची हृदयद्रावक घटना घडली.या मुलावर खुनाचा गुन्हा दाखल करण्यात आला आहे.     नांदगाव पोलिसांनी दिलेली माहिती अशी की,जगन्नाथ गायकवाड यांनी दिलेल्या फिर्यादीनुसार, विठ्ठल गायकवाड  (वय -५८ ) यांचे व त्यांचा मुलगा श्रीकृष्ण उर्फ सावता विठ्ठल गायकवाड ( वय -२० ) याने त्यांच्या शेतातील घरात रात्री साडे अकरा वाजेच्या सुमारास वडील झोपेत असताना डोक्यात व तोंडावर, ओठांवर लोखंडी पाईपने जोरदार प्रहार करून गंभीर जखमी केले. व त्यातच त्यांचा मृत्यू झाला.    पोलिसांनी अवघ्या काही तासात शोध घेऊन या आरोपी मुलास अटक करून त्याच्यावर खुनाचा गुन्हा दाखल केला आहे. पुढील तपास सहायक पोलीस निरीक्षक सतीश गावित करत आहेत.

सा. शनैश्वर टाइम्स वृत्तसेवा  नांदगाव (नाशिक ) संतोष कांदे या तालुक्यात पूर्वापार चालत आलेला इतिहास असा आहे की, आहेर +कवडे एकत्र असले की तिसऱ्याची डाळ शिजत नाही, मात्र हे एकमेकांच्या विरोधात गेले की, हमखास तिसऱ्याचा उदय होतो. हे अनेकदा राजकीयदृष्ट्या खरे झाले आहे.      काल नांदगाव बाजार समितीत आधारभूत किंमत मका खरेदी केंद्राचा शुभारंभ विद्यमान आ. सुहास कांदे, माजी आमदार अँड अनिल आहेर यांचे हस्ते संपन्न झाला. या कार्यक्रमाला माजी आमदार आहेर यांची उपस्थिती लाभणार यास्तव जेष्ठ नेते बापूसाहेब  कवडे यांनी दांडी मारली असावी कदाचित....       या कार्यक्रमात बापूसाहेब कवडे यांचे चिरंजीव तथा या बाजार समितीचे माजी सभापती तेजदादा कवडे यांनी अनेक महत्वाच्या बाबी मांडताना मका नोंदणीचे अधिकार देण्यासाठी अजून काही संस्थांची आवश्यकता असल्याची बाब अधोरेखित केली.त्यासाठी त्यांनी बोलठाण., न्यायडोंगरी, तसेच नांदगाव बाजार समितीतच अनेक शेतकऱ्यांना या योजनेपासून वंचित रहावे लागत असल्याचे स्पष्ट केले.मात्र सध्या हे अधिकार माजी सभापती विलास आहेर यांच्या शनैश्वर...

सा. शनैश्वर टाइम्स वृत्तसेवा  नांदगाव (नाशिक ) संतोष कांदे राज्यात सध्या सुरु असलेल्या निवडणुकांमुळे मका आधारभूत किंमत खरेदीस उशीर झाला.त्यामुळे शेतकरी बांधवाना कमी भावामुळे मोठे आर्थिक नुकसान सोसावे लागल्याची खंत व्यक्त करून पुढील काळात यासाठी लवकर पाठपुरावा केला जाईल. असे प्रतिपादन आमदार सुहास कांदे यांनी केले.       नांदगाव कृषी उत्पन्न बाजार समितीत मका आधारभूत किंमत खरेदी केंद्राचा शुभारंभ आमदार सुहास कांदे व माजी आमदार अँड. अनिल आहेर यांच्या हस्ते करण्यात आला. त्यावेळी मनमाड व नांदगाव नगरपरिषद च्या नवनिर्वाचित नगरसेवकांचा सत्कार करण्यात आला. त्यावेळी ते बोलत होते.माजी आ. आहेरांच्या भाषणाचा धागा पकडून आमदार कांदे यांनी नांदगाव बाजार समितीत शिस्तबद्ध कामकाज होत असल्याचा गौरव केला मात्र मनमाड बाजार समितीमध्ये सुरु असलेल्या कामकाज शिस्त यावर मिश्किल टीका केली.        यावेळी सभापती दर्शन आहेर, विलास आहेर, तेज कवडे, यांनी मनोगत व्यक्त केले.      व्यासपीठावर माजी आमदार अँड अनिल आहेर,नगराध्यक्ष बबलू पाटील (मनमाड...