देशाचा ७७ वा. प्रजासत्ताक दिन मोठ्या उत्साहात साजरा

सा. श नैश्वर टाइम्स वृत्तसेवा 

नांदगाव (नाशिक ) संतोष कांदे 

 जळगाव बुद्रुक जिल्हा परिषद प्राथमिक शाळेचे ध्वजारोहन नांदगाव कृषी उत्पन्न बाजार समितीचे उपसभापती तथा युवा नेते दिपक मोरे यांचे हस्ते तर ग्रामपंचायतीचे ध्वजारोहन सरपंच विश्वनाथ (आमदार ) कांदे यांचे हस्ते करण्यात आले.

    क्रांतिवीर वसंतराव नाईक शिक्षण संस्थेच्या विद्यालयातील ध्वजारोहन सामाजिक कार्यकर्ते शरद गिते यांचे हस्ते करण्यात आले. सकाळी गावातून विद्यार्थी व शिक्षकांनी देशभक्तीपर घोषणा देत प्रभातफेरी काढली. ग्रामपंचायत कार्यालय, विद्यालय, व त्यानंतर प्राथमिक शाळेचे ध्वजारोहन करण्यात आले.प्राथमिक शाळेत अनेक सांस्कृतिक कार्यक्रमाचे आयोजन करण्यात आले होते. यावेळी असंख्य विद्यार्थ्यांनी अनेक गीतांच्या माध्यमातून आपले कलागुण दाखवले.

    या विद्यार्थ्यांचा उपस्थित पालक, प्रमुख पाहुणे, व ग्रामस्थ तरुणांनी  रोख स्वरूपात बक्षिसे देऊन हुरूप वाढवला.अत्यंत नेटके व देखणे नियोजन शाळेच्या शिक्षकांनी केले होते. त्यांचे ही कौतुक ग्रामस्थांनी व प्रमुख पाहुण्यांनी केले. यावेळी ग्रामपंचायत सदस्य, सोसायटी सदस्य,विद्यालय मुख्याध्यापक शिक्षक,प्राथमिक शाळा मुख्याध्यापक व शिक्षक ,अंगणवाडी सेविका व मदतनीस, आशा सेविका, यांच्यासह पालक, ग्रामस्थ, तरुण वर्ग मोठ्या संख्येने उपस्थित होता.