नांदगाव बाजार समितीत फेडरेशनकडून मका, बाजरी, ज्वारी खरेदीस सुरुवात...

सा. श नैश्वर टाइम्स वृत्तसेवा 

नांदगांव  (नाशिक )  संतोष कांदे 

  नांदगांव विधानसभा मतदार संघाचे आमदार सुहास कांदे यांच्या प्रयत्नातून जिल्हा मार्केटींग फेडरेशन अंर्तगत नांदगांव येथे मका , बाजरी , ज्वारी खरेदी केंद्र सुरू होणार असून नांव नोंदणी ३० नोव्हेंबर पर्यंत सुरू राहणार असल्याची माहिती नांदगांव बाजार समितीचे सभापती दर्शन आहेर, शनैश्वर खरेदी विक्री संघाचे चेअरमन विलास आहेर यांनी दिली. 

     खरीप हंगाम २०२५-२६ या चालू हंगामात जिल्हा मार्केटिंग फेडरेशनकडे नांदगांव येथे धान्य खरेदी केंद्र सुरू करणे बाबत नांदगांव विधानसभा मतदार संघाचे आमदार सुहास कांदे यांनी सातत्याने पाठपुरावा करून नांदगांव येथे खरेदी केंद्रास मान्यता मिळवून दिलेली आहे. त्यानुसार श्री शनैश्वर नांदगांव तालुका शेतकरी सहकारी खरेदी विक्री संघ लि. नांदगांव यांची सब एजन्सी म्हणून नियुक्ती करण्यात आलेली असून मका, बाजरी व ज्वारी हे धान्य सदर केंद्रावर खरेदी केले जाणार असून त्यापूर्वी नांव नोंदणी करणे आवश्यक असून नाव नोंदणीची मुदत ३० नोव्हेंबर २०२५ ही अंतिम राहणार आहे. केंद्र शासनाने जाहिर केलेल्या आधारभूत किंमतीने सदर धान्य खरेदी केले जाणार आहे ते पुढील प्रमाणे. 

शेतमाल प्रति क्विंटल दर रूपये

मका-२४०० रुपये प्रति क्विंटल 

बाजरी २७७५

ज्वारी (संकरित) ३६९९

तसेच बायोमेट्रीक ऑनलाईन नोंदणी करणे कामी खातेदार शेतकरी यांनी स्वत: उपस्थित राहणे आवश्यक असून शेतकरी वर्गाने सन २०२५-२६ या वर्षचा खरीप पिक-पेरा असलेला ७/१२ व खाते उतारा , बॅंक पास बुक झेरॉक्स , बॅंकेश लिंक असलेल्या आधार कार्डची झेरॉक्स , मोबाईल नंबर व बॅंकेचे खाते हे जनधन खाते नसावे या सुचना विचारात घेणे आवश्यक आहे. तरी नाव नोंदणी करिता श्री शनैश्वर नांदगांव तालुका खरेदी विक्री सहकारी संघाचे श्री. कचरदास गांधी मोबाईल नंबर ९४२०२३०७७७ यांचेशी संपर्क साधावा असे आवाहन बाजार समितीचे सभापती दर्शन आहेर , उपसभापती अनिल सोनवणे व शनैश्वर खरेदी विक्री संघाचे चेअरमन विलास आहेर तसेच बाजार समितीच्या संचालक मंडळाने केले आहे.

कृपया बातमी मध्ये मा. आमदार साहेबांचा फोटो लावणेस विनंती आहे.