आमदार कांदे यांची नवा भिडू.. नवे राज्य...संकल्पना.! जिल्ह्याचे राजकारण ढवळून टाकणारी.....
सा. श नैश्वर टाइम्स वृत्तसेवा
नांदगाव (nashik ) संतोष कांदे
अठरापगड जातींना सोबत घेऊन छत्रपती शिवाजी महाराजांनी स्वराज्याची निर्मिती केली. मात्र सत्तेची मुख्य सूत्रे त्यांनी सक्षम अशा नेतृत्वाकडेच सोपवली असल्याचे दाखले आहेत. याउलट तालुक्याचे आमदार सुहास कांदे यांनी नांदगाव नगरपरिषद निवडणुकीत बदल घडविण्याचा स्तुत्य उपक्रम राबवला असला तरी, दिलेला नवा चेहरा जनता कितपत स्वीकारेल.? याबाबत विविध चर्चा रंगल्या आहेत.
कवडे की पाटील या वादात न पडता आमदार कांदे यांनी युवा सेनेचे सागर हिरे यांना थेट नगराध्यक्ष पदाची उमेदवारी दिली. प्रशासकीय अनुभव गरजेचं असतोच, मात्र सागर हिरे या तरुणाची कोरी पाटी असल्याचा फायदा होऊ शकेल अशी राजकीय गणित आमदार कांदे यांचे असू शकेल कदाचित....
नगरपरिषद स्थापन झाल्यापासून कवडे कुटुंबं यांचे या नगर परिषद वर प्रभुत्व आहे.आणि काही घटना दुर्लक्षित केल्यास कवडे यांना मानणारा मोठा वर्ग या शहरात आहे.मात्र आता शहराचा विकास आमदार सुहास कांदे करत आहेत. आणि त्यात त्यांच्या सुविद्य पत्नी सौ. अंजुम कांदे जाणीवपूर्वक लक्ष देत असताना नगराध्यक्ष पदाचा चेहरा कुणीही असेल तरी काय फरक.? असा सवाल सामान्य जनतेतून व्यक्त होत आहे.
आमदार कांदे यांनी सागर हिरे याच्या नावावर शिक्कामोर्तब करताना निष्ठावंत असा मापदंड लावला असेल तर त्यांचा हा निर्णय भविष्यात शिवसेना पक्षाच्या वाढीसाठी अत्यंत महत्वाचा ठरणार आहे. कारण निष्ठावंताना शिवसेनेत सर्वोच्च सत्तेचा बहुमान मिळतो. हा स्वर्गीय बाळासाहेब ठाकरे यांच्यापासून चालत आलेला पायंडा आमदार कांदे यांनी कायम केल्याचा हा पुरावा असेल.
मूळचे मालेगाव तालुक्यातील निमगाव (नांदगाव विधानसभा मतदार संघ ) येथील रहिवासी असलेले सागर हिरे हे नांदगाव नगर परिषद मधील सेवानिवृत्त कर्मचारी मदन हिरे यांचे पुत्र... कॉलेज जीवनापासून सुहास कांदे यांच्या संपर्कात आले. तेव्हा कांदे ही आमदार नव्हते. मात्र विचारांची व स्वभावाची नाळ जुळल्याने हिरे प्रदीर्घ काळापासून कांदे यांच्या सोबत आहेत. आणि आज त्या सोबतीचे फळ राजसत्तेची गोडी चाखण्यापर्यंत मिळणार आहे.
Comments
Post a Comment