आमदार कांदे यांचे राजकीय कौशल्य...पण उणीव कशी भरून काढणार.?

रविवार विशेष राजकीय वार्तापत्र 

सा.श नैश्वर टाइम्स वृत्तसेवा 

नांदगाव (nashik ) संतोष कांदे 

नांदगाव विधानसभा मतदार संघांचे आमदार सुहास कांदे यांनी ज्या वेळेस नांदगाव मतदार संघात एन्ट्री केली, तेव्हा पासून त्यांनी फक्त मुक्त हस्ते गोरगरिबांच्या सेवेला वाहून घेतले. आज त्याचे फळ ते नांदगाव मतदार संघांचे सलग दुसऱ्यांदा आमदार आहेत. आणि यापूर्वी स्थानिक स्वराज संस्थेच्या सत्ता आमदारांच्या विरोधात जायच्या, मात्र कांदे यांच्या कार्यकाळात मात्र ह्या इतिहासाला ही तडा गेल्याचे दिसून येते. सर्वच्या सर्व सत्ता आमदारांच्या नेतृत्वात हस्तगत होत असल्याचे चित्र दिसून येते.

    सद्यस्थितीत नांदगाव व मनमाड नगर परिषद निवडणुकीची धामधूम सुरु आहे. नांदगाव मध्ये तर चक्क सात जागा बिनविरोध करून आमदारांनी भूतो न भविष्यती असा इतिहास निर्माण करून ठेवला आहे. सा. श नैश्वर टाइम्स मध्ये यंदा नव्या चेहऱ्याची गरज नांदगाव नगर परिषद ला असल्याचे वृत्त प्रसिद्ध झाले होते. आणि योगायोग असा की, आमदारांनी ही यंदा सागर हिरे यांच्या रूपाने नवा चेहरा देत सर्वांना आश्चर्यचा धक्का दिला.

    मनमाड मध्ये हा प्रयोग राबवला नसला तरी गणेश धात्रक यांना सोबत घेत माजी आमदार संजय पवार यांना बाजार समितीच्या सभापतीपदी बसवत आपल्या राजकीय कौशल्याची चुणूक जिल्ह्याला दाखवून दिली आहे. गत पंचवार्षिक सत्ता काळात सुमारे साडे तीन हजार कोटींची कामे या नांदगाव मतदार संघात सुहास कांदे यांनी केलीत. विकासकामे अन व्यक्तिगत कामे याची कधीही ते गफलत होऊ देत नाहीत. यापूर्वी कधीही जे घडले नव्हते. तो प्रयोग त्यांनी मतदार संघात राबवला. नुकसानग्रस्ताना शासनाकडून मदत व्हायची तेव्हा होईल. मात्र आमदारांच्या घरून मात्र संबंधित कुटुंबाला तत्काळ मदत देण्याचा जो पायंडा त्यांनी पाडला आहे. त्याला तोड नाही.

      समाजातील सर्वच घटकांचे मेळावे घेऊन त्यांचा जो यथोचित सत्कार त्यांनी गत वर्षात केला. तसा प्रयोग आजपर्यंत कुठेही झाला नसल्याचे दाखले आहेत. ह्या त्यांच्या राजकारणातील जमेच्या बाजू आहेत. त्यामुळे सधन वर्गापासून ते गोरगरीब जनता ही त्यांच्या शब्दाला मान देऊ लागली असल्याचे चित्र आहे. नांदगाव नगर परिषद निवडणूक निमित्ताने त्यांनी नवा चेहरा देण्याचा केलेला स्तुत्य प्रयोग सुरुवातीस अनेकांना पटला नाही. मात्र अनेक ठिकाणी विद्यमान लोकप्रतिनिधीनी आपल्याच घरातील सदस्यांना मुख्य पदाची उमेदवारी बहाल केली असल्याच्या पार्श्वभूमीवर आमदार सुहास कांदे यांनी घेतलेला हा निर्णय योग्य असल्याची खात्री सर्वांची झाली आहे. त्यामुळेच नांदगाव नगर परिषद मध्ये २० पैकी सात जागा बिनविरोध झाल्या आहेत.

    एकूणच सर्व चित्र बघता विजयाची फक्त औपचारिकता उरली आहे. असे एकंदरीत चित्र आहे.