यापुढे नांदगावमध्ये पाण्याबाबत बळी तो कान पिळी असा प्रकार होणार नाही.. सागर हिरे शिवसेना उमेदवार...

सा. श नैश्वर टाइम्स वृत्तसेवा

नांदगाव ( nashik ) संतोष कांदे 

गेल्या कित्येक वर्षांपासून ज्या प्रभागातील नगरसेवक बलवान त्या प्रभागात पाणी अधिक काळ... आणि जेथे कुणी बोलणारा नव्हता किंवा ज्याचा आवाज दाबला जायचा तेथे अत्यंत कमी पाणी....असा प्रकार सातत्याने होत होता. तेथे स्वतः लक्ष घालून असे प्रकार थांबवणार... आणि शहरातील सर्वच नागरिक सारख्याच तोलामोलाचे या नितीने काम करणार असे स्पष्ट अभिवचन नांदगाव नगर परिषद चे शिवसेना पक्षाचे नगराध्यक्ष पदाचे अधिकृत उमेदवार सागर हिरे यांनी दिले.

    सा. श नैश्वर टाइम्स शी बोलताना हिरे म्हणाले की, या तालुक्याचे भाग्यविधाते आमदार सुहास कांदे, सौ. अंजुमताई व फरहान दादा यांच्या नेतृत्वाखाली मला ही संधी स्वप्नात नसताना मिळाली आहे. त्या संधीचे सोने करण्यासाठी मी जीवाचे रान करेन. शहरात रस्त्यावर ठाण मांडून नागरिकांच्या येण्याजाण्याला अडथळा निर्माण करणाऱ्या छोट्या छोट्या व्यावसायिक बंधूना वाऱ्यावर न सोडता त्यांची योग्य जागा देऊन त्यांची सोय लावण्यात येईल.जेणेकरून अडथळा दूर होऊन त्या गोरगरिबांच्या रोजी रोटीचा प्रश्न ही निकाली निघेल.

      आमदार साहेबांनी माझावर खूप मोठा विश्वास टाकला आहे. त्या विश्वासाला तडा जाऊ न देण्याची कसरत करत नांदगाव वासियांना साहेबांच्या माध्यमातून पुरेपूर सुविधा आणि विकास करण्याची जबाबदारी मी पार पाडेन.असा विश्वास हिरे यांनी व्यक्त केला आहे.