मनमाड - करंजवन पाणी योजना नेमकी कुणी आणली.? आदित्य ठाकरे यांनी निर्माण केली संशयास्पद परिस्थिती....
सा.शनैश्वर टाइम्स वृत्तसेवा
नांदगाव - संतोष कांदे
शिवसंवाद दौऱ्याच्या निमित्ताने नांदगाव विधानसभा मतदार संघाच्या दौऱ्यावर आलेल्या माजी पर्यावरण मंत्री तथा उद्धव बाळासाहेब ठाकरे शिवसेनेचे युवा नेते आदित्य ठाकरे यांनी भलेही नांदगाव मतदार संघात येऊन विद्यमान आमदार सुहास कांदे यांच्या विरोधात ब्र शब्द ही काढला नसला तरी येत्या १३ तारखेला मुख्यमंत्री ना.एकनाथ शिंदे यांच्या हस्ते भूमिपूजन होत असलेल्या मनमाड - करंजवण योजनेच्या मंजुरीवरच प्रश्नचिन्ह ठेवून गेल्याने ही योजना नेमकी आणली कुणी .? यावर प्रश्नचिन्ह निर्माण झाले आहे.
विद्यमान आमदार सुहास कांदे यांनी तत्कालीन मुख्यमंत्री तथा शिवसेनेचे कार्यकारी प्रमुख उद्धव ठाकरे यांनी दिवंगत शिवसेना प्रमुख बाळासाहेब ठाकरे यांच्या शिवसेना स्थापनेच्या हेतूला काळे भासत काँग्रेस व राष्ट्रवादी काँग्रेस शी युती केली व सत्ता स्थापन केली.आणि ही गोष्ट बहुतांश शिवसैनिकांना आवडली नाही.मात्र काही दिवसात यात बदल होईल,असे समजून अनेक आमदार,खासदार निश्चित राहिले मात्र ना.उद्धव ठाकरे यांनी असा कुठलाही निर्णय न घेतल्याने सर्व आमदार ,खासदारांनी एकनाथ शिंदे यांच्या नेतृत्वाखाली येऊन बंड केले.
परवा नांदगाव मध्ये आलेल्या आदित्य ठाकरे यांनी विद्यमान आमदार सुहास कांदे यांच्या बद्दल ब्र शब्द ही काढला नाही मात्र बंड केलेल्या एकत्रित ४० आमदारांना पाठीत खंजीर खुपसणारे गद्दार असे म्हणण्यास ते विसरले नाहीत.यावेळी नुकतेच शिवसेनेत आलेले advya हिरे ,शिवसेनेचे ग्रामीण जिल्हाप्रमुख गणेश धात्रक यांनी नेहमीप्रमाणे सुहास कांदे यांना लक्ष्य करून टिका केली.तर विधानपरिषद चे विरोधी पक्षनेते ना.अंबादास दानवे यांनी ही आमदार कांदे यांच्यावर टिका करून लक्ष्य वेधण्याचा प्रयत्न केला.
आमदार आदित्य ठाकरे यांचे नांदगाव मध्ये आगमन होताच ; काँग्रेस चे माजी आमदार अँड.अनिल आहेर यांनी त्यांचे काँग्रेस च्या पदाधिकाऱ्यांसह स्वागत केले.
दरम्यान आदित्य ठाकरे किंवा अन्य कुणी आपल्या विरोधात कितीही टिका केली तरी त्याला प्रत्युतर द्यायचे नाही.असे ठरवून जनतेच्या कामात दंग असलेल्या आमदार सुहास कांदे यांनी सा.शनैश्वर टाइम्स शी बोलताना सांगितले की, माझे दैवत बाळासाहेब ठाकरे व आनंद दिघे साहेब आहेत.आणि त्यांच्या पावलावर पाऊल ठेवून माझी वाटचाल सुरु आहे.
Comments
Post a Comment