सा.शनैश्वर टाईम्स संपादक-संतोष कांदे भारत नोंदणी क्र-४९५५५

सा.शनैश्वर टाइम्स वृत्तसेवा नांदगाव : संतोष कांदे खाजगी कंपनीचे बांधकाम करताना सदर शेती बिनशेती न केल्याचा ठपका ठेवत कंपनी बंद केली.अन ती पुन्हा सुरु करण्यासाठी चाळीस लाखांची लाच मागितली.म्हणून दिंडोरी जिल्हा नाशिक चे उपविभागीय अधिकारी डॉ. निलेश अपार यांच्यावर लाच -लुचपत प्रतिबंधक विभागाने गुन्हा दाखल केला आहे.       ही कारवाई ला.वि. प्र. च्या अधीक्षक श्रीमती घारगे यांच्या मार्गदर्शनाखाली उप -अधीक्षक नरेंद्र पवार, निरीक्षक संदीप साळुंखे,हवा.डोंगरे,हवा.इंगळे यांनी पार पाडली.

सा.शनैश्वर टाइम्स वृत्तसेवा वेहेळगाव -: वार्ताहर भूतो न भविष्यती असा लोकप्रतिनिधी नांदगाव तालुक्याला लाभला आहे.शासनाच्या निधीची वाट न पाहता स्वखर्चाने जनतेला सुविधा देणे आद्य कर्तव्य आहे.असे समजून विद्यमान आमदार सुहास कांदे यांची कारकीर्द सुरु आहे.या अंतर्गत "आमदार आपल्या दारी" हा उपक्रम तालुकाभरात अत्यंत लोकप्रिय झाला आहे.        मतदारसंघातील वेहेळगाव येथे नुकताच हा उपक्रम मोठ्या उत्साहात साजरा झाला.यावेळी  वेहेळगाव गणातील गावांमधील नागरिकांनी मोठ्या संख्येने या ठिकाणी उपस्थिती लावली तसेच विविध सुविधांचा लाभ घेतला.     आमदार आपल्या दारी या शिबिरामध्ये विविध योजना अंतर्गत वस्तूंचे वाटप करण्यात आले शालेय विद्यार्थ्यांना गणवेश महिला बचत गट यांना कर्ज निधीचा धनादेश आई व लहान बाळासाठी बेबी केअर किट या आधीच्या झालेल्या आमदार आपल्या दारी या शिबिरामध्ये विविध दाखले व रेशन कार्ड साठी जमा केलेले प्रकरण लाभार्थ्यांना आज रेशन कार्ड वाटप करण्यात आले.     या कार्यक्रमास सरपंच उपसरपंच सर्व सदस्य वेहेळगाव गणातील सर्व गावांचे सरपंच सदस्य सोसायटी ...

.शनैश्वर टाइम्स वृत्त सेवा नांदगाव - संतोष कांदे गॅस वरील सबसिडी बंद.....पेट्रोल ,डिझेल चे भाव आवाक्याबाहेर...... शेतकऱ्यांना कृषी सन्मान योजनेचे पैसे मिळेनात.....विद्यार्थ्यांना शिष्यवृत्ती बंद.... एक ना अशा अनेक लोकल्याणकारी योजनांचा विद्यमान केंद्र व राज्य शासनाकडून फायदा मिळत नसल्याने सर्वसामान्य जनता संभ्रमित झाल्याचे चित्र दिसून येत आहे.       काँग्रेस शासनाच्या काळात देशात राज्यात ज्या काही लोक हिताच्या धोरणात्मक योजना सुरु करण्यात आल्या होत्या.त्यात काही बदल तसेच अनेक नव्या योजना विद्यमान शासनाने ही सुरु केल्या होत्या.मात्र मधल्या काळात कोरोना आला.अन त्यावेळी बिकट परिस्थिती उद्धभवली. त्यामुळे या सर्व योजनांना ब्रेक लागला.आणि यावर जनतेने ही परिस्थिती समजून घेत यावर ब्र शब्द काढला नाही.मात्र कोरोना आटोक्यात आल्यानंतर सर्व परिस्थिती पूर्व पदावर आली.मात्र जनहिताच्या ज्या काही योजना बंद करण्यात आल्या.त्या पुन्हा सुरु करून जनतेला दिलासा देणे गरजेचे असताना याकडे जाणीवपूर्वक दुर्लक्ष होत असल्याचे नागरिकांचे म्हणणे आहे.       यापूर्वी घरगुती गॅस ...

सा.शनैश्वर टाइम्स वृत्तसेवा जळगाव बुद्रुक -: संतोष कांदे अवघ्या महाराष्ट्रात संपूर्ण शाळेत सीसीटीव्ही बसवण्याचा.... ते ही जिल्हा परिषदच्या प्राथमिक शाळेत....मात्र हे शक्य झाले आहे..येथील दानशूर व्यक्तिमत्व अण्णासाहेब गिते यांच्यामुळे....!       सन १९०९ म्हणजेच सुमारे १२४ वर्षांपूर्वी सुरु झालेल्या या शाळेने लाखो विद्यार्थी घडवले आहेत.अनेकजण गाव,तालुका,जिल्हा,राज्य,देश व काहीजण साता समुद्रापार पोहचले आहेत.त्याचे श्रेय या शाळेला आहे.आणि यातून उतराई होण्याचा प्रयत्न अनेकजण करताना दिसतात.त्यातील अण्णासाहेब गिते हे ताजे उदाहरण आहे.         व्यवसाय निमित्ताने नाशिक येथे स्थायिक झालेल्या अण्णासाहेब गिते यांनी आपण गावाचे,शाळेचे काही देणे लागतो या निस्सीम भावनेतून हा खर्च करत शाळेला,गावातील विद्यार्थ्यांना सुरक्षितता देण्याचा उल्लेखनीय प्रयत्न केला आहे.त्यांचे सर्व स्तरातून कौतुक होत आहे.         एकूण नऊ वर्ग खोल्या,मुख्याध्यापक कार्यालय,स्वयंपाक खोली,संपूर्ण आवार सीसीटीव्ही युक्त झाल्याने ग्रामस्थांनी समाधान व्यक्त केले आहे. ...

सा. शनैश्वर टाइम्स वृत्तसेवा जळगाव बुद्रुक -: संतोष कांदे गावात कुठलही सुविधा व विकासाचे काम होत नसल्याने ग्रामस्थांना अनेक अडचणींचा सामना करावा लागत होता.त्यामुळे गावातील ग्रामस्थांनी गाव सोडून शेतावर राहणे पसंत केले.आणि गाव ओस पडण्याच्या मार्गावर आले आहे.मात्र गेल्या एक वर्षापासून सरपंच पदाची धुरा सौ. लंकाबाई गिते यांनी हाती घेतल्यापासून गाव कात टाकत असल्याचे दिलासादायक चित्र दिसून येत आहे.           या बाबत सविस्तर वृत्त असे की,विद्यमान सरपंच सौ. लंकाबाई गिते यांचे पती सोमनाथ गिते हे मेंढ्या सांभाळतात.मात्र दैवयोगाने त्यांना सरपंच पदाची खुर्ची मिळाली.आणि योगायोग असा की,तालुक्याचे आमदार सुहास कांदे आहेत.मग सोमनाथ गिते यांनी आमदार सुहास कांदे यांच्याशी अक्षरशः भांडून गावात पेव्हर ब्लॉक,पूर्ण गावात सिमेंट चे रस्ते,गिरणा धरणातून होत असलेल्या 78 खेडी पाणी योजनेत जळगाव बुद्रुक चे नाव समाविष्ट करून संपूर्ण गावाला दिलासा दिला आहे.       आजमितीस गावात संपूर्ण विद्युतीकरण,रस्ते,आठ दिवसाआड पाणी अशी सोय झाल्याने संपूर्ण गाव या मेंढ...

सा. शनैश्वर टाइम्स वृत्तसेवा नांदगाव - : संतोष कांदे येथील तालुका पंचायत समितीत जागतिक पर्यावरण दिन उत्साहात साजरा करण्यात आला. या निमित्ताने पंचायत समितीच्या सर्व कर्मचाऱ्यांनी पर्यावरण दिनाची शपथ घेत पर्यावरण रक्षणासाठी कटिबद्ध असल्याचे वचन दिले.             याप्रसंगी गटविकास अधिकारी गणेश चौधरी यांनी मार्गदर्शन केले तर  गटशिक्षणाधिकारी प्रमोद चिंचोले यांनी पर्यावरण दिनाचे महत्त्व उपस्थितांना सांगितले.  पर्यावरण दिनानिमित्त जनजागृती साठी पंचायत समिती नांदगाव ते गंगाधरी टेकडी पर्यंत मोटर सायकल रॅली काढण्यात आली. वृक्षप्रेमी गोरख जाधव यांच्या सहकार्याने गंगाधरीच्या टेकडीवर वटवृक्ष लावण्यात आले. याप्रसंगी गटविकास अधिकारी गणेश चौधरी, गटशिक्षणाधिकारी प्रमोद चिंचोले, उप अभियंता विजय पाटील, तालुका वैद्यकीय अधिकारी संतोष जगताप व पंचायत समितीचे इतर कर्मचारी मोठ्या संख्येने उपस्थित होते.

सा. शनैश्वर टाइम्स वृत्तसेवा जळगाव बुद्रुक -: संतोष कांदे वन विभागाच्या हलगर्जीपणामुळे तालुक्यातील वन्य जीवांना आपला जीव गमवावा लागत असल्याचे दुर्दैवी चित्र नांदगाव तालुक्याचे आहे.आज रात्री साडे नऊ च्या सुमारास राष्ट्रीय महामार्गावर ७५३ वर मण्याड नदीच्या जवळ अज्ञात वाहनाच्या धडकेत नर जातीचे हरीण ठार झाल्याची घटना घडली.         सुदैवाने यावेळी जळगाव बुद्रुक चे माजी सरपंच धनराज बुरकुल येथून जात होते.सदर वाहन फरार झाल्याने श्री.बुरकुल यांनी तत्काळ या हरणाला रस्त्याच्या बाजूला घेतले. व गंभीर जखमी झालेल्या या हरणाला पाणी पाजले.मात्र धडक इतकी जोरदार बसली होती की,काही क्षणात या हरणाचा मृत्यू झाला.      श्री. बुरकुल यांनी वन विभागाशी संपर्क साधून सदर घटनेची माहिती कळवली आहे.