आमदारांचा दिलदारपणा.....मतदार संघातील जनतेला भावतोय...!

सा.शनैश्वर टाइम्स वृत्तसेवा

वेहेळगाव -: वार्ताहर

भूतो न भविष्यती असा लोकप्रतिनिधी नांदगाव तालुक्याला लाभला आहे.शासनाच्या निधीची वाट न पाहता स्वखर्चाने जनतेला सुविधा देणे आद्य कर्तव्य आहे.असे समजून विद्यमान आमदार सुहास कांदे यांची कारकीर्द सुरु आहे.या अंतर्गत "आमदार आपल्या दारी" हा उपक्रम तालुकाभरात अत्यंत लोकप्रिय झाला आहे.

       मतदारसंघातील वेहेळगाव येथे नुकताच हा उपक्रम मोठ्या उत्साहात साजरा झाला.यावेळी  वेहेळगाव गणातील गावांमधील नागरिकांनी मोठ्या संख्येने या ठिकाणी उपस्थिती लावली तसेच विविध सुविधांचा लाभ घेतला.

    आमदार आपल्या दारी या शिबिरामध्ये विविध योजना अंतर्गत वस्तूंचे वाटप करण्यात आले

शालेय विद्यार्थ्यांना गणवेश

महिला बचत गट यांना कर्ज निधीचा धनादेश

आई व लहान बाळासाठी बेबी केअर किट

या आधीच्या झालेल्या आमदार आपल्या दारी या शिबिरामध्ये विविध दाखले व रेशन कार्ड साठी जमा केलेले प्रकरण लाभार्थ्यांना आज रेशन कार्ड वाटप करण्यात आले.

    या कार्यक्रमास सरपंच उपसरपंच सर्व सदस्य वेहेळगाव गणातील सर्व गावांचे सरपंच सदस्य सोसायटी चेअरमन संचालक मंडळ शिवसैनिक तसेच नागरिक मोठ्या संख्येने उपस्थित होते.

        आमदार कांदे यांचा दानशूरपणा

      आपत्तीग्रस्त कुटुंबांना स्वनिधीतून मदत

काही दिवसांपूर्वी वेहेळगाव व आमोदे येथील दोन कुटुंबीयांचे शॉर्टसर्किट मुळे आग लागून सर्व संस्कार खाक झाला होता सदर माहिती मिळताच आमदार सुहास  कांदे यांच्या स्वखर्चातून दोनही कुटुंबांना संसार उपयोगी वस्तू धान्य कपडे मदत देण्यात आली.