अभिनव .........जळगाव बुद्रुकची प्राथमिक शाळा सीसीटीव्ही युक्त..! संपूर्ण महाराष्ट्रात सीसीटीव्ही युक्त असलेली जिल्हा परिषदची ही एकमेव शाळा.!

सा.शनैश्वर टाइम्स वृत्तसेवा

जळगाव बुद्रुक -: संतोष कांदे

अवघ्या महाराष्ट्रात संपूर्ण शाळेत सीसीटीव्ही बसवण्याचा.... ते ही जिल्हा परिषदच्या प्राथमिक शाळेत....मात्र हे शक्य झाले आहे..येथील दानशूर व्यक्तिमत्व अण्णासाहेब गिते यांच्यामुळे....!

      सन १९०९ म्हणजेच सुमारे १२४ वर्षांपूर्वी सुरु झालेल्या या शाळेने लाखो विद्यार्थी घडवले आहेत.अनेकजण गाव,तालुका,जिल्हा,राज्य,देश व काहीजण साता समुद्रापार पोहचले आहेत.त्याचे श्रेय या शाळेला आहे.आणि यातून उतराई होण्याचा प्रयत्न अनेकजण करताना दिसतात.त्यातील अण्णासाहेब गिते हे ताजे उदाहरण आहे.

       

व्यवसाय निमित्ताने नाशिक येथे स्थायिक झालेल्या अण्णासाहेब गिते यांनी आपण गावाचे,शाळेचे काही देणे लागतो या निस्सीम भावनेतून हा खर्च करत शाळेला,गावातील विद्यार्थ्यांना सुरक्षितता देण्याचा उल्लेखनीय प्रयत्न केला आहे.त्यांचे सर्व स्तरातून कौतुक होत आहे.

        एकूण नऊ वर्ग खोल्या,मुख्याध्यापक कार्यालय,स्वयंपाक खोली,संपूर्ण आवार सीसीटीव्ही युक्त झाल्याने ग्रामस्थांनी समाधान व्यक्त केले आहे.

           दरम्यान आज शाळेचा प्रथम दिवस म्हणून नवागत विद्यार्थ्यांचे मोठ्या उत्साहात स्वागत करण्यात आले.यावेळी पताका, तोरण, चित्ररथ याद्वारे सजावट करण्यात आली.सर्वप्रथम फुगे, पताका,  नारळाच्या झावळ्यांनी सजविलेल्या चित्ररथ रुपी ट्रॅक्टर वरून वाजतगाजत नवागतांची गावातून मिरवणूक काढण्यात आली. ठिकठिकाणी विद्यार्थ्यांचे औक्षण करण्यात आले. शाळेत मिरवणूक आल्यानंतर चिमुकल्यांचे गुलाबपुष्प, फुगे व मिठाई देऊन स्वागत करण्यात आले. नवागतांच्या पावलांचे ठसे घेऊन ते जतन केले.

         याप्रसंगी स.शि. जि.प.नाशिक येथील सहाय्यक कार्यक्रम अधिकारी सुनिल दराडे यांनी भेट देऊन पाहणी केली. समवेत अपंग समावेशीत शिक्षण तज्ञ पुरुषोत्तम बुरकुल व सहकारी  सचिन जाधव हे होते. गेल्याच वर्षी लोकसहभागातून शाळेला ७००० लिटर क्षमतेची पिण्याच्या पाण्याची टाकी बांधण्यात आली आहे.

        श्री दराडे यांनी एकूणच शाळेच्या या वाटचालीबद्दल समाधान व्यक्त करुन बालकांना शुभेच्छा दिल्या. तसेच प्रशासनाकडून शाळेला सर्व भौतिक सुविधा पूर्ततेसाठी सर्वोतोपरी प्रयत्न करू असे आश्वासीत केले.शालेय परिसराची पाहणी करून सूचना केल्या. उपस्थित मान्यवरांच्या हस्ते मुलांना पाठ्यपुस्तक, गणवेश वाटप करण्यात आले.

          सदर कार्यक्रमाचे प्रास्ताविक  शैलेश टिळेकर यांनी केले. प्रविण ठाकरे यांनी संयोजन केले. यावेळी शा.व्य.स. अध्यक्ष नवनाथ सांगळे, पप्पू गिते, विश्वनाथ सोनवणे, विशाल आव्हाड,शरद गिते. मनोज धात्रक,लालचंद साठे, ह.भ.प.बुरकुल महाराज, पालक तसेच शाळेचे मुख्याध्यापक  राजेंद्र काटकर, शिक्षिका श्रीम शारदा महाले, छाया बोरसे, संगीता सोनवणे, कविता रोकडे, शिक्षक श्री वाल्मिक शेवरे, अमोल बच्छाव, अजिंक्य गायकवाड आदी उपस्थित होते.