जळगाव बुद्रुक ची विकासकामात गगन भरारी...! मेंढ्या चारणारा सर्वांना पडला भारी.!
सा. शनैश्वर टाइम्स वृत्तसेवा
या बाबत सविस्तर वृत्त असे की,विद्यमान सरपंच सौ. लंकाबाई गिते यांचे पती सोमनाथ गिते हे मेंढ्या सांभाळतात.मात्र दैवयोगाने त्यांना सरपंच पदाची खुर्ची मिळाली.आणि योगायोग असा की,तालुक्याचे आमदार सुहास कांदे आहेत.मग सोमनाथ गिते यांनी आमदार सुहास कांदे यांच्याशी अक्षरशः भांडून गावात पेव्हर ब्लॉक,पूर्ण गावात सिमेंट चे रस्ते,गिरणा धरणातून होत असलेल्या 78 खेडी पाणी योजनेत जळगाव बुद्रुक चे नाव समाविष्ट करून संपूर्ण गावाला दिलासा दिला आहे.
जळगाव बुद्रुक -: संतोष कांदे
गावात कुठलही सुविधा व विकासाचे काम होत नसल्याने ग्रामस्थांना अनेक अडचणींचा सामना करावा लागत होता.त्यामुळे गावातील ग्रामस्थांनी गाव सोडून शेतावर राहणे पसंत केले.आणि गाव ओस पडण्याच्या मार्गावर आले आहे.मात्र गेल्या एक वर्षापासून सरपंच पदाची धुरा सौ. लंकाबाई गिते यांनी हाती घेतल्यापासून गाव कात टाकत असल्याचे दिलासादायक चित्र दिसून येत आहे.
आजमितीस गावात संपूर्ण
विद्युतीकरण,रस्ते,आठ दिवसाआड पाणी अशी सोय झाल्याने संपूर्ण गाव या मेंढ्या चारणाऱ्या सरपंच पती अर्थात सोमनाथ गिते यांचे गुणगान गात आहेत.म्हणजेच जे काम सुशिक्षित सरपंच यांना जमले नाही ते काम अशिक्षित सरपंच सौ.लंका व त्यांचे पती सोमनाथ गिते यांनी करून दाखवले आहे.
Comments
Post a Comment