उद्या नस्तनपूर येथे सहविचार बैठक.!

माणिकपुंज धरणाचे प्रस्तावित पाणी तालुक्याबाहेर जाऊ नये,यासाठी सर्वपक्षीय प्रयत्नांची आवश्यकता
            नांदगाव-: संतोष कांदे
तालुक्यातील माणिकपुंज धरणाचे पाणी आराखड्यात जितके नमूद केले होते,त्यापेक्षा दुप्पट पाणी चाळीसगाव तालुक्यात नेण्याचा घाट वरिष्ठ पातळीवरून घातला जात आहे,या दुट्टपी वृत्तीला विरोध करण्यासाठी तालुकवासीय सरसावले असून,उद्या (दि.२६) रोजी नस्तनपूर येथे सकाळी नऊ वाजता सहविचार बैठक आयोजित करण्यात आली आहे.
    काल रोजी राष्ट्रवादी काँग्रेस,महाराष्ट्र नवनिर्माण सेना,स्वाभिमानी शेतकरी संघटना,आम आदमी पार्टी च्या पदाधिकाऱ्यांनी तहसीलवर मोर्चा काढत तालुक्यातील पाणी बाहेर जाऊ देण्यास प्रखर विरोध दर्शवला. त्यामुळे या माणिकपुंजचे पाणी चांगलेच पेटणार.! असे चित्र स्पष्ट होत आहे.
   या बैठकीला नांदगाव तालुका,शहर,व पंचक्रोशीतील नागरिकांनी,सर्वच राजकीय पक्षाच्या पदाधिकाऱ्यांनी,समाजसेवकांनी मोठ्या संख्येने उपस्थिती दर्शवून आपल्या भावना व्यक्त कराव्यात.असे आवाहन आयोजकांनी केले आहे.