माणिकपुंज चे पाणी वाचवणे काळाची गरज-:माजी आ.अँड.आहेर

भाजप नेते माजी आ.संजय पवार वगळता इतर सर्वच नेत्यांनी या शेतकरी हिताकडे फिरवली पाठ.,नेत्यांच्या या भूमिकेने शेतकरी वर्गात संताप...

            नांदगाव-: संतोष कांदे

माणिकपुंज धरणाच्या मूळ पाणी वापर आराखड्यात २ हजार ६८५ हेक्टर क्षेत्राचे सिंचन होणार असल्याचे नमूद आहे,त्यात नांदगाव तालुक्यातील २ हजार ३१० हेक्टर क्षेत्र तर चाळीसगाव (जिल्हा जळगाव) तालुक्यातील तीन गावांतील ३७५ हेक्टर क्षेत्राचा समावेश असे असताना ; अचानक ६ गांवे व ६८५ हेक्टर क्षेत्राचा समावेश झाल्याची माहिती सोशल मीडियातून व्हायरल झाल्याने येथील शेतकऱ्यांमध्ये संतापाचा उद्रेक झाला असून,माणिकपुंज चे पाणी वाचवण्यासाठी सामूहिक लढा उभारण्यात येईल.आजची सहविचार सभा ही या लढ्याची सुरुवात असल्याचे प्रतिपादन माजी आमदार अँड.अनिल आहेर यांनी केले.
      नस्तनपूर येथील श्री.शनी संस्थान देवस्थानच्या भक्त निवास प्रांगणात पंचक्रोशीतील शेतकरी बांधवांची सहविचार सभा आयोजित करण्यात आली होती,या बैठकीला माजी आमदार अँड.आहेर संबोधत होते.ते पुढे म्हणाले की,मूळ प्रस्तावामध्ये ज्या गावांचा लाभक्षेत्रात समावेश झाला आहे,ते बदलणे शक्य नाही,मात्र नव्याने समाविष्ट होणाऱ्या गावांना विरोध करण्यासाठी ही आजची सहविचार सभा आहे.मुळात न्यायडोंगरी गावाचा लाभक्षेत्रात समावेश नव्हता,तो २०१५ मध्ये करण्यात आला,न्यायडोंगरीचे ४११ हेक्टर क्षेत्र ओलिताखाली आणण्यास भाग पाडले,मग चाळीसगांव तालुक्यातील ज्या ३७५ हेक्टर क्षेत्राचे कालव्याद्वारे सिंचन केले जाणार होते,ते कसे शक्य आहे.कारण तालुक्यातील यापूर्वी प्रस्तावित २३१० हेक्टर व न्यायडोंगरी ४११ असे २७२१ हेक्टर क्षेत्र होते,मग चाळीसगाव तालुक्यातील ३७५ हेक्टर क्षेत्राचे काय.? हा यक्षप्रश्न आहे.
     सत्ताधारी नेते किंवा पक्षाच्या विरोधात बोलून उपयोग नाही,पण त्यांच्या पुढ्यात हे सत्य मांडून पळवले जाणारे पाणी अडवणे आपल्या हातात आहे.त्यामुळे कायदेशीर मार्गाने लढून माणिकपुंज चे पाणी येथील शेतकरी बांधवांसाठी राखण्याचा प्रयत्न केला जाणार असल्याचे आहेर शेवटी म्हणाले.
       माजी आमदार संजय पवार यांनी या शेतकरी प्रश्नांच्या लढ्यात मी तुमच्यासोबत असल्याचे सूतोवाच केले.तसेच यावेळी प्रताप गरुड (पिंपरखेड),हरेश्वर सुर्वे (चांदोरा),राजेंद्र पवार (परधाडी),शब्बीर शेख (माणिकपुंज),देविदास भोपळे (माकप नांदगाव),मनोज चोपडे (भीमशक्ती नांदगाव),योगेश सोनार (मनसे नांदगाव),निलेश चव्हाण (स्वाभिमानी शेतकरी संघटना ),संजय मोकळं (सामाजिक कार्यकर्ते नांदगाव),जगन पाटील (न्यायडोंगरी),निंबा सरोदे (जळगाव खुर्द),दत्तू पवार (परधाडी),शिवाजी जाधव (चांदोरा),सुमित सोनवणे (युवा फाउंडेशन नांदगाव),चेतन पाटील (माजी नगराध्यक्ष नांदगाव),समाधान पाटील (काँग्रेस तालुकाध्यक्ष) आदी नेत्यांनी शेतकऱ्यांच्या वतीने प्रखर भावना यावेळी व्यक्त केल्या.
     यावेळी माजी नगराध्यक्ष अरुण पाटील,माजी सभापती राजेंद्र आहेर,शरद आहेर,अशोक पवार,उदय पवार,सुभाष पाटील,अनंत आहेर,डॉ.प्रभाकर पवार,डॉ.निकम,कैलास पाटील,अँड.किरण गायकवाड,आदींसह शेकडो शेतकरी बांधव उपस्थित होते.कार्यक्रमाचे सूत्रसंचालन कैलास गायकवाड यांनी केले तर,कार्यक्रमाच्या यशस्वीतेसाठी सागर साळुंके,राहुल चौधरी,सुनील पवार,सागर बोरसे,विजय गुढेकर, आदींसह संस्थानच्या कर्मचारी वर्गाने कष्ट घेतले.