उद्या नस्तनपूर पोलीस चौकीचे एस.पी.दराडे यांचे हस्ते उदघाटन-अँड.आहेर

नांदगाव- संतोष कांदे

तालुक्यातील नस्तनपूर येथील श्री.शनी महाराज मंदिर सुरक्षेसाठी मंजूर पोलीस चौकीचे उदघाटन नाशिक जिल्ह्याचे पोलीस अधीक्षक संजय दराडे व संस्थान चे अध्यक्ष नारायण अग्रवाल यांचे हस्ते उद्या (दि.२९) दुपारी तीन वाजता होत आहे.अशी माहिती संस्थानचे जनरल सेक्रेटरी तथा माजी आमदार अँड.अनिल आहेर यांनी दिली.
      या मंदिरात दोन ते तीन वेळेस दानपेटी फोडून चोरीचे प्रकार घडल्याने अँड.आहेर यांनी राज्याच्या गृह खात्याकडे या ठिकाणी पोलीस चौकी उभारण्याची जोरदार मागणी करून वेळोवेळी पाठपुरावा ही केला होता.यावर वरिष्ठ पातळीवरून पोलीस अधीक्षक कार्यालयाकडे या ठिकाणी पोलीस चौकीची आवश्यकता आहे,किंवा कसे या बाबत वस्तुनिष्ठ अहवाल मागवण्यात आला होता,त्यावर विद्यमान पोलीस अधीक्षक श्री.दराडे यांनी सकारात्मक अहवाल पाठवल्याने काही महिन्यापूर्वीच येथे पोलीस चौकीला मंजुरी देण्यात आली आहे.
          मात्र संबंधित पोलीस चौकी मंजुरीच्या पत्रात या ठिकाणी मंदिर संस्थानने स्वखर्चातून भौतिक सुविधा देण्याचे सूचित करण्यात आले होते,त्यानुसार अँड.आहेर यांनी सुमारे ४ लक्ष रुपये खर्च करत सर्व भौतिक सुविधांनी युक्त अद्यावत पोलीस चौकी उभारली आहे.या पोलीस चौकीमुळे परिसरातल्या अवैध धंद्यासह गुन्हेगारी प्रवृत्तीस आळा बसणार आहे,तसेच येथून जाणाऱ्या राज्यमार्गाचे राष्ट्रीय मार्गात रूपांतर झाल्याने या पोलीस चौकीचे महत्व कैक पटीने वाढले आहे.या लोकार्पण सोहळ्याला मोठ्या संख्येने उपस्थित राहण्याचे आवाहन अँड.आहेर व विश्वस्त मंडळाने केले आहे.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक