नांदगाव बाजार समितीच्या उपसभापतीपदी सौ.कवडे

नांदगाव-: संतोष कांदे

    येथील कृषी उत्पन्न बाजार समितीच्या उपसभापती पदी अलका विश्वासराव कवडे यांची बिनविरोध निवड आज करण्यात आली.
        बाजार समितीचे उपसभापती गोरख सरोदे यांनी आवर्तन पद्धतीनुसार राजीनामा दिल्याने बाजार समितीच्या कार्यालयात आज (दि.२९) उपसभापती पदाच्या निवडीसाठी विशेष सभेचे आयोजन करण्यात आले होते. यावेळी उपसभापती पदासाठी अलका कवडे यांचे एकमेव नामनिर्देशन पत्र दाखल झाल्याने त्यांची बिनविरोध निवड झाल्याचे निवडणूक निर्णय अधिकारी तथा सहाय्यक निबंधक एस.पी. कांदळकर यांनी जाहीर केेले.
        नामनिर्देशन पत्रावर संचालक यशोदाबाई हेंबाडे यांनी सुचक म्हणून सही केली.उपसभापती निवडीपूर्वी संचालक मंडळाची शिवसेना कार्यालयात बैठक होवून संस्थेचे मार्गदर्शक तथा शिवसेना जिल्हा प्रमुख सुहास कांदे व जेष्ठ नेते बापूसाहेब कवडे यांचे उपस्थितीत अलका कवडे यांच्या नावावर एकमत झाले. त्यानंतर निवडणूक प्रक्रिया पार पडली.
        यावेळी बाजार समितीचे सभापती तेज कवडे ,मावळते उपसभापती गोरख सरोदे ,संचालक विलासराव आहेर , भरत शेलार ,पुंजाराम जाधव ,एकनाथ सदगीर,राजेंद्र देशमुख, दिलीप पगार , भाऊसाहेब हिरे ,श्रावण काळे ,भाऊसाहेब सदगीर,रामचंद्र चव्हाण,  भास्कर कासार , यज्ञेश कलंत्री, प्रफुल्ल पारख, सरला दिवटे,  मनिषा काटकर ,  मंगलाबाई काकळीज, सचिव अमोल खैरनार यांच्यासह शिवसेना तालुका प्रमुख  किरण देवरे ,मजूर फेडरेशन चे संचालक प्रमोद भाबड , बाळासाहेब कवडे , वाल्मिक हेंबाडे , भिमराज काटकर , आदिंसह शेतकरी बांधव , कर्मचारी वर्ग मोठ्या संख्येने उपस्थित होते.
अलका कवडे यांच्या निवडीचे शिवसेना जिल्हा प्रमुख सुहास कांदे, जेष्ठ नेते बापूसाहेब कवडे यांनी अभिनंदन केले आहे.

फोटो ओळी -  नांदगाव बाजार समिती चे नवनिर्वाचित उपसभापती अलकाताई कवडे यांचा सत्कार करताना बाजार समिती संचालक मंडळ