भाजप ने पाच वर्षात काय केले.?-काँग्रेस जिल्हाध्यक्ष पानगव्हाणे

नांदगाव-संतोष कांदे
     मोदी सरकारमुळे ४०० रुपयांचे सिलेंडर १ हजार रुपयांना घ्यावे लागत आहे.पेट्रोल,डिझेल चे दर सर्वसामान्यांच्या आवाक्याबाहेर गेले आहेत.काँग्रेसने साठ वर्षात काय केले.? असा प्रश्न वारंवार विचारलेल्या  भाजप ने देशपातळीवर एकही मोठे काम केले नाही,त्यामुळे तुम्ही (भाजप) पाच वर्षात काय केले.? असा प्रतिप्रश्न काँग्रेसचे जिल्हाध्यक्ष राजाराम पानगव्हाणे यांनी केला.
       नांदगाव तालुका काँग्रेसच्या जनसंपर्क अभियानाच्या बैठकीत अध्यक्षस्थानावरून ते बोलत होते.बोलताना ते पुढे म्हणाले की,देश एकसंघ ठेवण्याचे काम काँग्रेस पक्षाने केले,शेतकरी,व सर्वसामान्यांच्या हितासाठी काँग्रेस पक्ष कायम कटीबद्ध राहिला.असे ते शेवटी म्हणाले,तर माजी आमदार अँड.अनिल आहेर बोलताना म्हणाले की, काँग्रेसला भविष्यकाळ असून काँग्रेसचा कार्यकर्ता हा विचारांनी बांधलेला कार्यकर्ता आहे. सर्वसामान्यांना दिलासा देणार,शेतकऱ्यांच्या घामाला खरे दाम त्याच्या शेतमालाला भाव देऊन देणार, कष्टकर्यांना काम उपलब्ध करून देणार ,तरुणांना रोजगार ,सर्व जाती धर्माना गुण्या गोविंदाने  नांदविणारे सरकार म्हणून काँग्रेसकडे पहिल्या जाते. त्यामुळे भविष्यात काँग्रेस शिवाय पर्याय नाही असे अँड.आहेर शेवटी म्हणाले.
     यावेळी जिल्हा उपाध्यक्ष रमेश कांहडोळे,जिल्हा परिषद सदस्या अश्विनी आहेर,तालुका निरीक्षक उत्तमराव ठोंबरे, भारत टाकेकर,मुनावर सुलताना, शिवाजीराव बर्डे, उदयअप्पा पवार, तालुका युवक काँग्रेसचे अध्यक्ष हरेश्ववर सुर्वे, यशवंत बोराडे आदींची भाषणे झाली.बदलत्या राजकीय परिस्थितीनुसार  यावेळी विधानसभेला काँग्रेसची हक्काची जागा पुन्हा काँग्रेसला मिळावी असा एकमुखी ठराव या बैठकीत करण्यात आला. कार्यक्रमाचे प्रास्ताविक तालुकाध्यक्ष समाधान पाटील यांनी केले तर आभार कार्याध्यक्ष डॉ.प्रभाकर पवार यांनी केले.
शासकीय विश्रामगृहावर झालेल्या या बैठकीस मा.जि.प सदस्य सुखदेव मेगाळ महिला काँग्रेस शहर अध्यक्ष सौ. रुपाली पाटील,सुभाष नहार ,दत्तू कांदे ,भास्करराव शेवाळे ,डॉ. प्रवीण निकम, उदय पाटील, शेषराव घुघे, राजेंद्र जाधव, चांगदेव भिलारे,मोहन पवार, भगवान डांगे, अशोक पवार, विठ्ठल आहेर ,रामदास चव्हाण, संदीप मवाळ, सागर कांदळकर,डॉ शशिकांत जाधव
,बापूसाहेब सरोदे,गोरख शिंदे,साहेबराव गायके ,अण्णासाहेब चोळके,अनिल सरोदे,रावसाहेब शेलार,किशोर गडाख,विनायक आहेर, अप्पासाहेब आहेर, आबा भुसारे,सुरेश जाधव डॉ. सागर भिलारे,सूर्यभान चोळके, अरुण निकम, सळूअप्पा गोडाळकर, दिनकर धिवरे, प्रकाश शेलार,जितेंद्र देशमुख,योगेश चव्हाण,गोरख आवारे, राजाराम बेंडके, विक्रम देवरे,किरण राठोड कार्यकर्ते मोठ्या संख्येने उपस्थित होते.