आणि एस.पी.ला ही पळावे लागते....-जिल्हा पोलीसप्रमुख संजय दराडे

श्री.शनी संस्थान पोलीस चौकी उदघाटन प्रसंगी

नांदगाव-संतोष कांदे
तुम्हाला फक्त स्थानिक पोलीस दल धावपळ करताना दिसते,मात्र आम्हाला ही वरिष्ठ पातळीवर पळावे लागते.असे स्पष्ट करून तालुक्यातील पोलीस दलात येत्या जानेवारी पर्यंत मोठ्या प्रमाणात वाढ करणार असल्याचे प्रतिपादन नाशिक जिल्ह्याचे पोलीस अधीक्षक संजय दराडे यांनी केले.
         व्यासपीठावर संस्थानचे अध्यक्ष नारायण अग्रवाल,अपर पोलीस अधीक्षक श्री.निलोत्पल,सहाय्यक पोलीस अधीक्षक आर.रागसुधा, पोलीस निरीक्षक अनिल भवारी,विश्वस्त खासेराव सुर्वे,विजय चोपडा,उपस्थित होते.नस्तनपूर येथील श्री.शनी संस्थान च्या सुरक्षेसाठी जनरल सेक्रेटरी माजी आ.अँड.अनिल आहेर यांच्या प्रदीर्घ पाठपुराव्यानंतर व पोलीस अधीक्षक श्री.दराडे यांच्या सकारात्मक अहवालानुसार येथे राज्याच्या गृह विभागाने पोलीस चौकीस मंजुरी दिली.तेव्हा श्री.शनी संस्थानने स्वखर्चातून येथे अद्यावत पोलीस चौकी उभारली,आज तिचे उदघाटन करण्यात आले,त्यावेळी श्री.दराडे बोलत होते.
        माजी आमदार अँड.अनिल आहेर यांनी आपल्या प्रस्तविकात तालुक्याच्या पोलीस विभागाअंतर्गत असलेल्या उणिवावर नेमके बोट ठेवले,त्यात न्यायडोंगरी,बोलठाण, व नांदगाव शहरातील वाहतूक कोंडी आदींचा समावेश करत चार राष्ट्रीय महामार्ग या तालुक्यातून जाणार आहे.पोलिसांवर अधिक जबाबदारी येऊन पडणार असल्याने  पोलीस अधीक्षक दराडे यांच्याकडे उंगलीनिर्देश करत उपाययोजना करण्याचे साकडे घातले,त्या विषयाला अनुसरून प्रतिसाद देत दराडे यांनी वरील आश्वासन दिले.ते पुढे म्हणाले की,न्यायडोंगरी,बोलठाण, व नांदगाव शहरातील वाहतूक कोंडीचा प्रश्न ही येत्या जानेवारीत अधिक पोलीस कर्मचारी दिल्यानंतर मार्गी लागेल.तसेच मनमाड च्या सहाय्यक पोलीस अधीक्षक श्रीमती रागसुधा यांचे काम चांगले आहे.व या ठिकाणी अपर पोलीस अधीक्षक निलोत्पल यांच्या मार्गदर्शनाखाली पोलीस निरीक्षक भवारी योग्य तो बंदोबस्त उपलब्ध करून देतील.असे ते शेवटी म्हणाले.
      यावेळी दराडे यांचे हस्ते श्री.शनिदेवाची आरती करण्यात आली,यावेळी त्यांनी मंदिर परिसराचा फेरफटका मारत निसर्गरम्य वातावरण निर्माण केलेल्या संस्थान चे विशेष कौतुक यावेळी केले.कार्यक्रमास तालुकाध्यक्ष समाधान पाटील,डॉ.प्रभाकर पवार,भास्करराव शेवाळे,दर्शन आहेर,डॉ.शरद आहेर,हरेश्वर सुर्वे,पुरुषोत्तम निकम,गणेश शिंदे,जगन पाटील,सागर साळुंके,राहुल चौधरी,डॉ.निकम,आदींसह शेकडो ग्रामस्थ,पोलीस कर्मचारी उपस्थित होते.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक