नार-पार चे पाणी नांदगावला देणारच- ना.नितीन गडकरी

नांदगाव-: संतोष कांदे
तालुक्याला नार-पार प्रकल्पाचे पाणी मिळावे,यासाठी सर्वच थरातून जोरदार प्रयत्न होताना दिसत आहेत,भाजप पक्षाच्या शिष्टमंडळाने केंद्रीय मंत्री ना.नितीन गडकरी यांची निवासस्थानी भेट घेऊन याबाबत आग्रही मागणी केली,त्यावेळी ना.गडकरी यांनी नार-पार प्रकल्पाचे पाणी नांदगावला देणार असल्याचे ठोस आश्वासन यावेळी दिले.
      भाजपचे जिल्हा सरचिटणीस ह.भ.प भाऊराव महाराज निकम यांच्या अध्यक्षतेखाली भाजपच्या शिष्टमंडळाने नारपार दमणगंगा नदीजोड प्रकल्पात नांदगाव तालुक्याचा समावेश करून ३ टी.एम.सी पाणी आरक्षित करावे या मागणीसाठी ना.गडकरी यांची भेट निवासस्थानी भेट घेतली.या शिष्टमंडळात युवा मोर्चा उपाध्यक्ष गणेश शिंदे अध्यात्मिक समन्वय आघाडीचे रमेश दादा गोराडे,जेष्ठ नागरिक आघाडीचे सजन तात्या कवडे,शेतकरी आघाडीचे सुदामराव काळे, कृ.उ.बा समितीचे उपसभापती भाऊसाहेब सदगीर, शेषराव पाटील सर, दत्तात्रय काळे,ज्ञानेश्वर जाधव ,रवींद्र कवडे आदींचा समावेश होता.
      ना.नितीन गडकरी यांनी तुम्ही सर्व मंडळी ज्या तळमळीने माझ्याकडे  माझ्याकडे आलात त्या कामात माझे पूर्ण लक्ष आहे.मी तुमच्या सोबतच आहे. गुजरात आणि महाराष्ट्र राज्याच्या मुख्यमंत्र्यांच्या पाणी वाटप बैठकी नंतर नांदगाव तालुक्याला पुरेशा प्रमाणात पाणी देऊन आजवर झालेला अन्याय दूर करू नादगावचा डी.पी.आर मध्ये समावेशाची प्रक्रिया पूर्ण झाल्याचे ना. गडकरी बोलले ठोस अश्वासनामुळे शिष्टमंडळाचे व ना. गडकरींचे तालुक्यात अभिनंदन होत आहे.