विद्यार्थ्यांचे परीक्षाशुल्क माफ करावे-सेनेचे स्वराज देशमुख यांची मागणी

महात्मा गांधी महाविद्यालय प्रशासनाला निवेदन सादर
            
                 नांदगाव- संतोष कांदे
यंदा तालुक्यात भीषण दुष्काळी परिस्थिती निर्माण झाली आहे,त्यामुळे महात्मा गांधी कला,वाणिज्य व विज्ञान महाविद्यालयाने विद्यार्थ्यांचे परीक्षा शुल्क माफ करावे अशी मागणी मनमाड शहर युवा शिवसेनेने महाविद्यालयाच्या प्राचार्यांना दिलेल्या निवेदनात केली आहे.
       या निवेदनात पुढे असे म्हटले आहे की,तालुका दुष्काळात होरपळून निघाला आहे.शेतकरी,कष्टकरी वर्ग प्रतिकूल परिस्थितीत जीवन कंठत आहे,तरी या बाबीचा विचार करून या विद्यार्थ्यांचे परीक्षाशुल्क माफ करावे,तसेच ज्यांचे यापूर्वी घेतले गेले असेल तर ते परत करावे असेही या निवेदनात म्हटले आहे.
     या निवेदनावर शहर युवा सेनेचे चिटणीस स्वराज राजेंद्र देशमुख,इरफान मोमीन,अंकुश गवळी,प्रवीण धाकराव,महेंद्र गरुड,योगेश इमले,निशांत पाटील,शुभम खैरे,आदित्य माळी, ललित काळे,प्रतीक कदम,रोहित पाटील आदींसह सेना पदाधिकाऱ्यांच्या सह्या आहेत.