ईव्हीएम व व्हीव्हीपॅट च्या प्रबोधनासाठी सर्व पक्षीय कार्यशाळा संपन्न.!

नांदगाव-संतोष कांदे

आगामी निवडणुकांच्या पार्श्वभूमीवर सर्व पक्षीय कार्यकर्त्यांची ईव्हीएम व व्ही.व्ही.पॅट जनजागृती संदर्भातली महत्वपूर्ण बैठक येथील तहसील कार्यालयात आज घेण्यात आली.

   तहसीलदार श्रीमती भारती सागरे,नायब तहसीलदार योगेश जमदाडे,गटविकास अधिकारी जे.टी. सूर्यवंशी,शिवसेनेचे युवासेना उपतालुका प्रमुख सागर हिरे,शहरप्रमुख सुनील जाधव,भाजप तालुकाध्यक्ष दत्तराज छाजेड,काँग्रेसचे तालुकाध्यक्ष समाधान पाटील,संतोष गिते,डॉ.प्रभाकर पवार,प्रहार जनशक्तीचे जनार्दन पगार,स्वाभिमानी शेतकरी पक्षाचे निलेश चव्हाण,आम आदमी पक्षाचे विशाल वडघुले,मनसे चे योगेश सोनार,हरीश शर्मा,आदींसह अनेक छोट्या-मोठ्या राजकीय पक्षाचे कार्यकर्ते यावेळी उपस्थित होते.

    या बैठकीत १ सप्टेंबर ते १४ नोव्हेंबर कालावधीतील छायाचित्र मतदार यादी संक्षिप्त पुनरीक्षण कार्यक्रम अंतर्गत नवीन मतदार नावे,मयत मतदार यादी वगळणे,दुबार,व स्थलांतरीत मतदार नावे कमी करणे,तसेच नांदगाव मतदार संघ-११३ अंतर्गत असलेल्या ३२६ मतदार केंद्रात मतदान केंद्रस्तरीय सहाय्यक नेमणूक संदर्भात या राजकीय पक्षाच्या नेत्यांना मार्गदर्शन तहसीलदार श्रीमती सागरे यांनी केले.