..तर प्रचारासाठी मुद्दे शोधावे लागतील-:बापूसाहेब कवडे

नांदगाव-: संतोष कांदे

    राज्यात गेल्या साडेचार वर्षांपासून भाजप-सेनेची सत्ता आहे.एकत्र सत्तेत असताना ही या दोन्ही पक्षांनी एकमेकांवर आरोप करण्यात वेळ घालवला.मात्र आगामी लोकसभा निवडणुकीच्या पार्श्वभूमीवर युती होण्याची शक्यता आहे.मात्र ही युती झाली तर भाजपसाठी मते कुठल्या मुद्द्यावर मागायची.? असा प्रश्न शिवसेनेचे जेष्ठ नेते बापूसाहेब कवडे यांनी उपस्थित केला आहे.

        शेतकऱ्यांनी मोठ्या कष्टाने पिकवलेल्या कांदा पिकाला भाव नाही,इतर शेतमालाची परिस्थिती ही फारशी समाधानकारक नाही,पेट्रोल,डिझेल चे दर गगनाला भिडलेले, कर्जमाफी अजूनही सुस्पष्ट नाही,नोटबंदीने सर्वसामान्य जनतेचे अतोनात हाल झाले.एक ना अनेक निर्णयांनी भाजप विरोधात वातावरण निर्माण झाले,आणि त्यातच राज्यात युती होण्याचे संकेत वरिष्ठ पातळीवरून मिळत आहेत.दिंडोरी लोकसभा मतदार संघात समाविष्ट असलेल्या नांदगाव मतदार संघात शिवसेनेचे वर्चस्व आहे.आणि हा मतदार संघ भाजप च्या ताब्यात आहे.मग भाजप उमेदवारासाठी मते कुठल्या मुद्द्यावर मागावीत असा प्रश्न शिवसेनेच्या पहिल्या फळीतील नेत्यांना पडला आहे.

    युती झाली तर मैत्रीचा धर्म म्हणून व्यासपीठावर बसावे लागेल,पण बोलणार काय.? या प्रश्नांसह भाजप नेते माजी आमदार संजय पवार व शिवसेना जिल्हाप्रमुख सुहास कांदे यांच्यातून विस्तव ही जात नाही,मग लोकसभेला मदत केली तर विधानसभेला माजी आमदार पवार कांदे यांना मदत करतील का.? हे येणारा काळच ठरवणार आहे.

   अगदी अशीच परिस्थिती काँग्रेस-राष्ट्रवादी ची आहे.हा मतदारसंघ काँग्रेसचा,पण राष्ट्रवादीचे हेविवेट नेते आ.छगन भुजबळ यांनी स्वतःच्या पुत्रासाठी ताब्यात घेतला,आणि आता काँग्रेस ने हा मतदारसंघ परत मागितला आहे.मग आघाडी झाली तर काँग्रेस राष्ट्रवादी च्या उमेदवारासाठी मनापासून प्रयत्न करतील का.? हा ही एक प्रश्नच आहे.आणि सध्या राष्ट्रवादीला फुटाफुटीचे ग्रहण लागले आहे.