कासारी ग्रामपंचायतीत अभिनव कामगार दिन साजरा.!
नांदगाव-: संतोष कांदे
तालुक्यातील कासारी ग्रामपंचायतीने आपल्या कर्मचाऱ्याच्या हस्ते ध्वज फडकवत महाराष्ट्र दिन साजरा केलाच ; आणि कामगाराला एक वेगळाच सन्मान देत आगळा-वेगळा कामगार दिन ही साजरा केला.
याबाबत अधिक असे की, नांदगाव कृषी उत्पन्न बाजार समितीचे माजी सभापती विजय (बापू) इप्पर व कासारीच्या विद्यमान सरपंच सौ.सुनिता कांतीलाल इप्पर यांच्यासह सकाळी ग्रामपंचायत कार्यालयासमोर ध्वजारोहण कार्यक्रमास ग्रामपंचायत पदाधिकारी व ग्रामस्थ जमलेले असताना माजी सरपंच इप्पर यांनी आजचे ध्वजारोहण सरपंच ऐवजी ग्रामपंचायत कर्मचारी तथा संगणक परीचालक गणेश इप्पर याचे हस्ते करावे असा प्रस्ताव मांडला,त्याला उपस्थित सर्वांनी अनुमती दिल्याने महाराष्ट्र दिन साजरा झालाच पण तालुक्यात प्रथमच असा अभिनव कामगार दिन ही साजरा झाला.
प्रतिक्रिया- गणेश इप्पर- माझ्या सारख्या एका सामान्य ग्रामपंचायत कर्मचाऱ्याच्या हातून ध्वजारोहन झाल्याने माजी सरपंच विजय बापू यांचे व आमच्या सरपंच सौ.सुनिता ताई यांचा खूप आभारी आहे.
Comments
Post a Comment