सदरक्षणाय....आणि पाणी आडवा..पाणी जिरवा ही.!

नांदगाव-: संतोष कांदे

 रात्रीपाळी ची नोकरी समाज रक्षणासाठी करायची अन दिवस उजाडला की,त्याच समाजाच्या सेवेसाठी भर कडक उन्हात दगड-मातीचे बांध बांधायचे तेही चार आकडी पगार असताना आणि कुठलीही जबाबदारी नसताना..त्यामुळेच नांदगाव पोलीस स्टेशनचे पंकज देवकाते तरुणांच्या गळ्यातील ताईत बनले आहेत.व पोलीस खात्याला ही अभिमानास्पद असेच त्यांचे कार्य आहे.

      शहरातील युवा फाउंडेशन नामक सामाजिक संघटनेने 'सर्व काही पाण्यासाठी' असा उपक्रम सुरू केला आहे.या उपक्रमाअंतर्गत तालुक्याच्या ग्रामीण भागात जेथे पावसाचे पाणी अडवण्यासाठी साईट उपलब्ध आहे.तेथे श्रमदान करून दगड-मातीचे बांध बांधायचे असा तो समाजपयोगी उपक्रम.! गेल्या महिनाभरापासून युवा फाउंडेशन व त्यांचे जिगरबाज सहकारी सदस्यांनी शासनाची कुठलीही मदत न घेता दगड-मातीचे असंख्य बांध निर्माण केले आहेत.त्यातून लाखो लिटर पाणी अडवून जिरवले जाणार आहे.

      आजचा दिवस श्रमदानासह वेगळ्याच अर्थाने संस्मरणीय ठरला,त्याचे असे झाले की,या कामात झोकून दिलेल्या पोलीस कर्मचारी पंकज देवकाते यांचा जन्मदिवस एक दगडी बांध बांधून त्याच ठिकाणी रणरणत्या उन्हात साजरा करण्यात आला.त्याच बरोबर याच कामात प्रथमपासून सहभागी असलेल्या भरत जाधव यांच्या कन्या विभावरी ह्या छकुलीचा ही वाढदिवस याच ठिकाणी साजरा करण्यात आला.या घटनेची शहर व तालुकभरात चांगलीच चर्चा रंगली होती.व समाजाच्या सर्व स्तरातून कौतुक ही केले जात होते. 

  आणि यात विशेष असे की,या वाढदिवसासाठी केक ही 'पाणी आडवा पाणी जिरवा' हा संदेश देऊन च कापण्यात आला.