सा. शनैश्वर टाइम्स... आमदार कांदे यांच्या भगीरथ प्रयत्नाने तालुका विकासाच्या वाटेवर..

नांदगाव-: वार्ताहर

तालुक्याचे आमदार सुहास कांदे यांनी नांदगांव विधानसभा मतदार संघात विविध विकास कामांसाठी करोडो रुपयांचा निधी आणला असून,या कामांना लवकरच सुरुवात होणार असल्याची माहिती आमदार श्री.कांदे यांनी दिली.                  यात प्रामुख्याने श्यामाप्रसाद मुखर्जी रुरबन योजनेअंतर्गत ८ कोटी,  माणिकपुंज धरण कालवा वितरिका प्रणालीसाठी ९ कोटी ५० लाख, जलसंधारण महामंडळ अंतर्गत सिमेंट बंधाऱ्यांसाठी ३३ कोटी ६२ लाख, सार्वजनिक बांधकाम विभागांतर्गत रस्त्यांसाठी १५ कोटी ६५ लाख,नॅशनल हेल्थ मिशन अंतगर्त प्राथमिक आरोग्य केंद्रांची दुरुस्ती करणे व सुविधा पुरविणेसाठी  २ कोटी ७५ लाख, ठक्करबाप्पा योजनेअंतर्गत आदिवासी वस्तींवर मुलभूत सुविधांसाठी २ कोटी, ग्रामविकास विभागाअंतर्गत वाड्या-वस्त्यांवर मुलभूत सुविधांसाठी ४ कोटी, नाबार्ड अंतर्गत नविन पुलांचे कामांसाठी २ कोटी ४० लाख, कृषी विभागाअंतर्गत सिमेंट बंधारे बांधणे व नाला खोलीकरण करणेसाठी २ कोटी ५० लाख रुपये निधी मंजूर करण्यात आला असल्याची माहिती आमदार सुहास कांदे यांनी दिली.

       मतदार संघात विकास कामे मंजूर झाल्याने ग्रामस्था व शेतकऱ्यांनी समाधान व्यक्त केले आहे.