नांदगाव राष्ट्रवादी काँग्रेसकडून कोकणातील पूरग्रस्तांना मदत रवाना

सामाजिक जाणिवेच्या भावनेतून येथील राष्ट्रवादी काँग्रेसचे माजी आमदार पंकज भुजबळ यांच्या मार्गदर्शनाखाली  गेल्या आठ दिवसांपासून राष्ट्रवादी काँग्रेस पक्षाच्या पदाधिकारी व कार्यकर्त्यांनी  तालुक्यातील प्रत्येक गावात,  वाडी-वस्ती, तांडे फिरून जी मदत गोळा केली होती.ती चिपळूण येथील पुरग्रस्तांसाठी एका बस द्वारे आज पाठवण्यात आली.

सदर मोहीमेस  पहिल्या दिवशी  साकोरा जिल्हा परिषद गटातून प्रारंभ झाला. त्यानंतर मागील आठ दिवसात   नायडोंगरी, जातेगाव, जिल्हा परिषद गटातून तसेच नांदगाव शहर व मनमाड शहरात मदत गोळा  करण्यात आली.  

   

जमा झालेली सर्व मदत व धान्य  व्यवस्थित रित्या निवडून व पॅकेजिंग करून व जीवनावश्यक वस्तूंचे किट बनवण्यात आले.यावेळी भुजबळ नॉलेज सिटीच्या वतीने जलशुद्धीकरणाच्या गोळ्या प्रत्येक किटमध्ये देण्यात आल्या आहेत..

यावेळी माजी आमदार पंकज भुजबळ,तालुकाध्यक्ष  विजय पाटील,युवक जिल्हा उपाध्यक्ष दत्तू पवार,युवक तालुकाध्यक्ष सोपान पवार,शहराध्यक्ष बाळकाका कलंत्री,डॉ वाय.पी.जाधव,सचिन देवकाते,नगरसेवक वाल्मिक टिळेकर,बबलु पाटील,रईस फारुकी, अमित पाटील,  राजाभाऊ जाधव,विनोद शेलार,सूरेश गायकवाड मुकुंद खैरनार,महेंद्र गायकवाड आदी कार्यकर्ते उपस्थित होते.