आमदार कांदे यांच्या प्रयत्नाने दहा शेतकऱ्यांच्या वारसाना आर्थिक मदत.

नांदगांव -: वार्ताहर - स्व.गोपीनाथ मुंडे शेतकरी अपघात योजनेत महाविकास आघाडी शासनाने जो सुधारित बदल केला.त्यानुसार नांदगाव तालुक्यातील १० शेतकऱ्यांच्या वारसाना आर्थिक लाभ आमदार सुहास कांदे यांनी मिळवून दिल्याने शेतकऱ्यांनी समाधान व्यक्त केले आहे.

         

यापूर्वी ज्या शेतकऱ्याचा अपघाती मृत्यू झाला,त्याच्या कुटुंबाला स्व.गोपीनाथ मुंडे शेतकरी अपघात विमा योजनेतून मदत दिली जात होती.महाविकास आघाडी शासनाने यात सुधारणा करून शेतकरी कुटुंबातील कुठल्याही व्यक्तीचा अपघाती मृत्यू झाल्यास वारसांना आर्थिक मदत दिली जाणार आहे. त्याचे वारसांना स्व. गोपिनाथ मुंडे शेतकरी अपघात विमा योजने अंतर्गत आर्थिक मदत देण्यात येत होती. या योजनेत महाविकास आघाडी सरकारने सुधारणा करून शेतकरी कुटुंबातील व्यक्तीचा मृत्यू झाल्यास त्याचे वारसांना आर्थिक मदत मिळणार आहे. याबाबतचा शासन निर्णय ६ एप्रिल २०२१ रोजी लागू करण्यात आला होता. परंतु त्या आधी म्हणजे १० डिसेंबर २०२० ते ६ एप्रिल २०२१ दरम्यान मृत्यू झालेल्या शेतकरी कुटुंबिय या योजनेचा लाभ मिळण्यापासून वंचित राहिले होते. त्यात नांदगाव मतदार संघातील १० शेतकरी कुटुंबीय देखील होते. त्यामुळे नांदगांव मतदार संघातील त्या १० शेतकरी कुटुंबियांचा प्रस्ताव स्विकारण्यात येवून त्यांना योजनेचा लाभ देण्यात यावा यासाठी आमदार सुहास कांदे यांनी मुख्यमंत्री उद्धव ठाकरे व कृषी मंत्री दादा भुसे यांच्याकडे मागणी केली होती. आमदारांचे प्रयत्नांना यश आले असुन  स्व.गोपिनाथ मुंडे शेतकरी अपघात विमा योजना शासन निर्णय दिनांक २३ ऑगस्ट रोजी निर्गमित झाला आहे. या शासन निर्णयाप्रमाणे १० डिसेंबर २०२० ते ६ एप्रिल २०२१ या कालावधी दरम्यान अपघाती मृत्यू झालेल्या शेतकऱ्यांच्या वारसांना या योजनेचा लाभ मिळणार आहे. या कालावधीत मयत झालेल्या शेतकऱ्यांच्या वारसांनी या योजनेसाठी कागदपत्र संबंधित तालुका कृषी अधिकारी कार्यालय, मंडळ कृषी अधिकारी कार्यालय येथे जमा करण्याबाबत आमदार सुहास कांदे यांनी आवाहन केले आहे.