अखेर निष्ठावंत नेत्याला काँग्रेसकडून न्याय मिळाला.!

नांदगाव-: वार्ताहर

येथील काँग्रेसचे माजी आमदार अँड.अनिल आहेर यांची राष्ट्रीय काँग्रेसच्या कार्यकारी समितीच्या सदस्यपदी नियुक्ती करण्यात आल्याने निष्ठावंत नेत्याला अखेर न्याय मिळाल्याची भावना व्यक्त केली जात आहे.

        माजी आमदार अँड.जगन्नाथ धात्रक यांच्या नंतर या तालुक्यात काँग्रेस जिवंत ठेवण्यात न्यायडोंगरीच्या आहेरांचा वरचा क्रमांक आहे.आणि आहेरांना मोठे करण्यात काँग्रेसचा हात मोठा आहे.मात्र काही वर्षांपूर्वी सत्ता मिळू शकेल,अशी शक्यता निर्माण झाली,अन अचानक काँग्रेसने हा मतदार संघ राष्ट्रवादीला सिन्नर च्या बदल्यात देऊन टाकला.

      तेव्हा माजी आमदार अँड.आहेर यांच्या कार्यकर्त्यांनी आंदोलनाचा पवित्रा घेतला,मात्र हे आंदोलन पेल्यातील वादळ ठरले.नंतर आहेरांनी भुजबळांशी जुळवून घेतले खरे.! पण त्यांच्या पी.ए. संस्कृतीमुळे आहेर मनाने भुजबळ यांच्यापासून दूर झाले.त्यानंतर भुजबळ यांनी आहेर सत्ताधीश असलेल्या नस्तनपूर देवस्थानाला चौदा कोटी रुपये मंजूर करून आणले,आणि संपूर्ण देवस्थानचा कायापालट केला.मात्र आहेर यांची नाराजी ते दूर करू शकले नाही.

     राष्ट्रवादी काँग्रेसचे अध्यक्ष खासदार शरद पवार यांनी माजी आमदार आहेर यांच्या बंगल्यात जेव्हा एन्ट्री केली.तेव्हा आहेरांनी लोकसभा निवडणुकीत राष्ट्रवादी काँग्रेसला साथ दिली.हा झाला इतिहास.! तर न्यायडोंगरी चे सरपंच,जिल्हा परिषद सदस्य,राज्यमंत्री पदाचा दर्जा असलेले अध्यक्ष पद,व त्यानंतर आमदार अशी सत्तेची विविध पदे अँड.आहेर यांना काँग्रेस मुळे भूषवता आलीत.मात्र विखे पाटील यांच्या सत्ताबदल प्रकरणात चांदवड येथील माजी आमदार कोतवाल यांच्या सारखेच अँड.आहेर ही चर्चेत आल्याने काँग्रेसने त्यांना वाऱ्यावर सोडल्याची भावना हा मतदार संघ राष्ट्रवादी ला सोडण्यात आला तेव्हा होत होती.पण देर आयी दुरुस्त आयी.! याप्रमाणे आहेरांना न्याय मिळाल्याची भावना व्यक्त होत आहे.