न्यायडोंगरी च्या आहेर विद्यालयाचा निकाल १०० टक्के
नांदगाव-: संतोष कांदे
तालुक्यातील न्यायडोंगरी येथील लोकनेते कै. अॕड विजय शिवराम आहेर हायस्कूल व जुनिअर कॉलेज नायडोंगरी विद्यालयाचा निकाल १०० टक्के लागला आहे.
राज्य माध्यमिक व उच्च माध्यमिक मंडळाच्या सन २०२१ या वर्षातील १२ वीचा निकाल अंतर्गत मूल्यमापन व इयत्ता १० वी,११ वी व १२ वी च्या अंतर्गत गुणांवर जाहीर करण्यात आला आहे.
या परीक्षेसाठी लोकनेते कै अॕड. विजय शिवराम आहेर हायस्कूल व जुनिअर कॉलेज नायडोंगरी या विद्यालयाचे २०४ विद्यार्थी परीक्षेसाठी प्रविष्ठ झाले होते. सर्व विद्यार्थी या मुल्यमापनाचा आधार घेऊन यशस्वी झालेत.या मध्ये विशेष प्रविण्य सह 0४, प्रथम श्रेणीत ११३ तर द्वितीय श्रेणीत ८७ विद्यार्थी उत्तीर्ण झाले आहेत.
यात प्रथम क्रमांक - डोंगरे निकिता बापू ४६० ( ७६.६७%),द्वितीय क्रमांक - राठोड प्रेरणा गोरख ४५७ ( ७६.१७%),तृतीय क्रमांक - बागुल साक्षी सुनिल ४५५ (७५.८३%),चौथा क्रमांक - गवळी दीपाली रवींद्र ४५४ ( ७५.६७ %),पाचवा क्रमांक - बच्छाव पूजा सुभाष ४५० ( ७५.००% ) यांचा समावेश आहे.
सर्व यशस्वी विदयार्थ्यांचे पंचायत समितीचे माजी सभापती,तथा कै.शिवराम वेडूजी पाटील शिक्षण प्रसारक मंडळाचे सरचिटणीस विलासराव आहेर,कनिष्ठ महाविद्यालयाच्या प्राचार्या सौ.पल्लवी विलास आहेर,संस्थेचे संचालक बाळासाहेब भोसले,विद्यालयाचे उपमुख्याध्यापक आर.के. सोनस पर्यवेक्षक डब्लू.ए.जाधव तसेच सर्व माध्यमिक व उच्च माध्यमिक शिक्षक, शिक्षकेतर कर्मचारी सेवक वर्ग यांनी अभिनंदन केले आहे.
Comments
Post a Comment