पंचायत राज समितीकडून नांदगाव पंचायत समितीच्या कामकाजाबद्दल गौरवोद्गार.!

नांदगाव-: संतोष कांदे

पंचायत राज समिती येणार म्हणून गेल्या आठ ते दहा दिवसांपासून प्रचंड दडपणाखाली असलेल्या पंचायत समितीच्या अधिकारी,कर्मचाऱ्यांना पंचायत राज समितीकडून चक्क शाबासकी मिळाल्याने त्यांचा आनंद द्विगुणित झाल्याचे दिसून आले.

        या पथकात गटप्रमुख तथा आमदार विक्रम काळे,आमदार मेघना बोर्डीकर,आमदार शेखर निकम,आमदार कृष्णा गजबे,विधीमंडळ अधिकारी सुदर्शन पाटील,अतिरिक्त मुख्य कार्यकारी अधिकारी अर्जुन गुंडे,प्रतिवेदक साईनाथ ठाकरे यांचा समावेश होता.

      या पथकाने सर्वप्रथम हिसवळ खुर्द येथील प्राथमिक आरोग्य केंद्रास भेट दिली.व तेथील कामकाज बघून समाधान व्यक्त केले.व इमारत दुरुस्तीची शिफारस यावेळी या पथकाने केली.त्यानंतर पंचायत समिती कार्यालयात आल्यानंतर प्रवेशद्वारावर महिला कर्मचाऱ्यांनी रेखाटलेल्या विविध योजनांच्या रांगोळीचे विशेष कौतुक केले.

     पंचायत समिती सभागृहात या पथकाचे सभापती सुभाष कुटे,उपसभापती मधुबाला खिराडकर,सदस्य सुमन निकम,विद्या पाटील,श्रावण गोरे,यांनी स्वागत व सत्कार केला.यानंतर पथकाने १ ते २८ प्रश्न असलेल्या मुद्द्यांचा आढावा घेतला.त्यात शिक्षण,प्रधानमंत्री आवास योजना,घरकुल योजना यशस्वी राबवल्याबद्दल गटविकास अधिकारी गणेश चौधरी यांचे विशेष कौतुक केले.व अभिनंदनाचा ठराव ही संमत केला.तसेच गटशिक्षणाधिकारी प्रमोद चिंचोले यांच्या "झाड लेकीचं....आठवणीच' या कवितेबद्दल कौतुक करून अभिनंदन ठराव केला.विविध गावात शाळा इमारत,अंगणवाडी इमारत बांधण्यात याव्यात याबाबत ही ठराव करण्यात आला.

     गटप्रमुख आमदार काळे व पथकातील आमदार महोदय यांनी सदर आढावा घेतला.व मार्गदर्शन ही केले.तर आभार प्रदर्शन प्रमोद चिंचोले यांनी केले.एकूणच समिती येणार म्हणून रात्रीचा दिवस केलेल्या प्रशासनाने कौतुकाची थाप मिळाल्यानंतर मात्र सुटकेचा निःश्वास सोडला.