आमदार सुहास कांदे यांच्याकडून आपद्ग्रस्तांना संसारपयोगी साहित्य.!

नांदगाव-: संतोष कांदे

शहरावर आलेल्या अस्मानी संकटाने ज्या गोर-गरीब जनतेचा संसार विस्कटून गेला,त्यांना जगण्याची उमेद देण्याचे काम आमदार सुहास कांदे यांनी केले आहे.

   लेंडी नदी व शाकंबरी ला आलेल्या पुराच्या पाण्याने एका क्षणात होत्याचे नव्हते करून टाकले.झोपड्या,पत्र्याची घरे,दुकाने,टपऱ्या आतील सामानासकट वाहून नेले.

     शासकीय मदत मिळेल तेव्हा मिळेल,पण त्या भरवश्यावर न बसता आमदार श्री.कांदे यांनी प्रथम या उघड्यावर आलेल्या नागरिकांना तात्पुरता निवारा उपलब्ध करून दिला.त्यानंतर दोन वेळचे जेवण,पाणी अशी व्यवस्था केली.त्यानंतर उत्कृष्ट दर्जाची सर्व प्रकारची स्टील ची भांडी, प्रत्येक सदस्याला ब्लँकेट,किराणा,५० किलो गहू,५० किलो तांदूळ,आणि गॅस टाकी,शेगडी सिलेंडर विशेष म्हणजे सर्व गॅस नोंदणीकृत आहेत.त्याचबरोबर ज्यांची कागदपत्रे,स्वस्त धान्य शिधापत्रिका वाहून गेल्या आहेत,त्यांना तत्काळ ही कागदपत्रे देण्यासाठी एक टीम तयार केली आहे.तातडीने मिळालेल्या मदतीबाबत या नागरिकांनी कृतज्ञता व्यक्त केली आहे.