जिल्हाधिकारी सूरज मांढरे यांच्याकडून नांदगावच्या नुकसानीची पाहणी.

नांदगाव-: संतोष कांदे

जिल्हा नियोजन समितीच्या माध्यमातून नांदगाव तालुक्याला निधी देण्यासाठी शासनाकडे प्रस्ताव पाठवला आहे.निधी प्राप्त होताच नागरिकांना मदत केली जाईल,असे जिल्हाधिकारी सूरज मांढरे यांनी सांगितले.

     कृषिमंत्री ना.दादा भुसे,पालकमंत्री ना.छगन भुजबळ यांनी येथे भेट देऊन पाहणी केल्याच्या तिसऱ्या दिवशी जिल्हाधिकारी मांढरे यांनी सायंकाळी येथे भेट देत नुकसानग्रस्त भागाची पाहणी केली.यावेळी त्यांच्यासोबत आमदार सुहास कांदे,प्रांताधिकारी सोपान कासार,तहसीलदार दिपक पाटील,मुख्याधिकारी विवेक धांडे,आदी हजर होते.

     यावेळी मांढरे यांनी शनिमंदिर पूल,आंबेडकर चौक,गांधीचौक या भागात झालेल्या नुकसानीची पाहणी करून अधिकाऱ्यांना मदतीबाबत सूचना केल्या.त्यानंतर त्यांनी साकोरा येथील फुटलेल्या पाझर तलावाची ही पाहणी केली.व लघु पाटबंधारे विभागाला सूचना केल्या.