सोशल मीडियावरील तक्रार...मात्र तरीही आमदार कांदे यांनी घेतली दखल.!

नांदगाव-: वार्ताहर

आजच्या आधुनिक युगात देश पातळी ते गाव पातळी अशा सर्वच ठिकाणी सोशल मीडियाचा बोलबाला आहे.आणि शहरी असो वा खेडूत...त्यांच्या समस्या सोशल मीडियावर पोस्ट करत आहेत,मात्र प्रत्येक ठिकाणी याला न्याय मिळेलच असे नाही.मात्र नांदगाव विधानसभा मतदार संघाचे आमदार सुहास कांदे यांनी मात्र या सोशल मिडियाकडे ही पूर्ण लक्ष पुरवले असल्याचे अनेक घटनांमधून दिसून येत आहे.

       एका ट्रक ने हुतात्मा चौकातील क्रांती स्तंभाची मोडतोड केली.आणि ही घटना सोशल मीडियाच्या माध्यमातून आमदार कांदे यांना कळली.तेव्हा त्यांनी अवघ्या २२ तासात पदरमोड करून या क्रांती स्तंभाची उभारणा केली.आणि शहीद झालेल्या जवानांच्या पत्नी,मुले आणि कुटुंबीयांच्या हस्ते त्याचे लोकार्पण ही केले.

        मनमाड येथील उच्च शिक्षित मोसिन शेख राहणार संत सत्संग नगर, गणेश नगर परिसर मनमाड यांनी ट्विटरवर परिसरात पावसामुळे झालेल्या चिखल दलदलीचे फोटो पोस्ट केले होते आणि आमदारांना लक्ष घालण्यास विनंती केली होती या विनंतीची दखल घेत आण्णांनी त्वरित काम करण्याच्या सूचना केल्या फरहान दादा खान, शिवसेनेचे शहर प्रमुख मयूर भाऊ बोरसे,रवी खोटरे,प्रफुल्ल शिंदे,निलेश ताठे यांनी त्या भागात मुरूम टाकून नागरिकांना दिलासा दिला. ट्विटरवरून केलेल्या विनंतीची दखल आमदार कांदे यांनी

त्वरीत घेतली याबद्दल मोसिन शेख यांनी समाधान व्यक्त केले. आमदार सुहास अण्णा कांदे हे आपल्या धडाडीच्या कार्याने मतदार संघातील जनतेत लोकप्रिय झाले आहेत. आमदारांची टीम नेहमी ग्राउंड लेव्हल ला कार्यरत असते आणि खुद्द आमदार सुद्धा नेहमी नागरिकांमध्ये मिसळून त्यांच्या समस्या सोडवण्यास भर देत असतात त्याच प्रमाणे सोशल मीडियाच्या माध्यमातूनही ते आपल्या मतदारसंघाचा आढावा घेत असतात त्याचेच एक उदाहरण म्हणून ट्विटरवरून घेतलेली दखल हे होय.