अतिक्रमण रोखा.! अन्यथा आम्ही न्यायालयात जाऊ.! व्यापाऱ्यांचा जिल्हाधिकाऱ्यांना निवेदनातून इशारा..

नांदगाव-: वार्ताहर

येथील लेंडी नदीवर असलेल्या फरशी पुलावर व नदीच्या कडेला एकही अतिक्रमण होऊ नये,यासाठी नगरपालिकेने कठोर उपाययोजना कराव्यात.अन्यथा आम्ही न्यायालयात जाऊ असा इशारा शहरातील व्यापाऱ्यांनी जिल्हाधिकाऱ्यांना दिलेल्या निवेदनात दिला आहे.

     ७ सप्टेंबरच्या रात्री आलेल्या महापुराने शहराची,नागरिकांची मोठी नासधूस केली.अनेक संसार उघड्यावर आले.या नदीच्या कडेला असलेली दुकाने नामशेष केलीच ; मात्र या अतिक्रमित दुकानांमुळे शहराच्या आतमध्ये घुसून पुराच्या पाण्याने मोठे नुकसान केले.आणि यामुळे या व्यापाऱ्यांनी थेट जिल्हाधिकाऱ्यांनाच इशारा देत या ठिकाणी अतिक्रमण होऊ न देण्याचा इशारा दिला आहे.

      सन २००९ ते २०२१ या कार्यकाळात जे महापूर आले,अन त्यात जे आर्थिक नुकसान झाले,त्यात या अतिक्रमण धारकांचा मोठा हातभार लागत असल्याचे या व्यापारी वर्गाचे म्हणणे आहे.या बरोबरच रेल्वेने निर्माण केलेला सब-वे ही चुकीच्या पद्धतीने बांधल्याने त्याचा हि फटका बसतो आहे.आम्ही नगरपालिकेचे रीतसर करदाते असूनही आमचे लाखो रुपयांचे नुकसान नगरपालिका प्रशासनाच्या दुर्लक्षामुळे होत आहे.असा आरोप ही यात करण्यात आला आहे.