न्यायडोंगरी उपबाजार समितीमध्ये येत्या १५ दिवसांत मका लिलाव सुरू होणार.!

नांदगाव-: वार्ताहर

येथील कृषी उत्पन्न बाजार समितीच्या अखत्यारीत असलेल्या न्यायडोंगरी  उपबाजार समिती आवारावर मका शेतमालाचे लिलाव येत्या पंधरा दिवसांमध्ये सुरू करण्याचा निर्णय बाजार समितीचे संचालक मंडळ व व्यापारी वर्गाच्या बैठकीत घेण्यात आला. 

         याबाबत अधिक असे की,नांदगाव कृषी उत्पन्न बाजार समितीचे सभापती तेज कवडे यांच्या निर्देशानुसार न्यायडोंगरी उपबाजार आवारावर मका  शेतमाल लिलावाचे कामकाज सुरु करणे संदर्भात बाजार समितीचे ज्येष्ठ संचालक तथा माजी सभापती विलासराव आहेर,सचिव अमोल खैरनार यांचे प्रमुख उपस्थितीत व्यापारी वर्गाची बैठक घेण्यात आली.

     सदर बैठकीत सध्या मका शेतमालाची काढणी प्रक्रिया सुरू असून आवक पुरेशा प्रमाणात नाही.परंतु येत्या पंधरा दिवसांमध्ये आवकमध्ये वाढ होईल.म्हणून त्यादृष्टीने न्यायडोंगरी उपबाजार आवारात मका शेत मालाचे लिलाव सुरू करण्यासंदर्भात निर्णय घेण्यात आला.यावेळी समितीचे सहाय्यक सचिव जितेंद्र गरुड,निरीक्षक आनंदा मोरे ,कांदा उत्पादक शेतकरी संघटनेचे सोमनाथ मगर,

व्यापारी विजय आहेर,शोएब तांबोळी, दत्तात्रय शेवाळे, सुमतीलाल दुगड ,संतोष चव्हाण, धनराज सूर्यवंशी राहुल छाजेड ,बापूसाहेब बोरसे ,शीतल अजमेरा, प्रशांत वाघ आदी उपस्थित होते.