बंजारा समाजासाठी आ.कांदे यांचे कार्य कौतुकास्पद-: माजी वनमंत्री आ.संजय राठोड

नांदगाव-: वार्ताहर

या तालुक्याचे आमदार सुहास कांदे माझे चांगले मित्र आहेत,त्यांनी बंजारा समाजासाठी व तालुक्यातील जनतेसाठी उल्लेखनीय कार्य केले व करत आहेत.असे प्रतिपादन माजी वनमंत्री आमदार संजय राठोड यांनी येथील गुप्ता लाँन्स येथे केले.

   शहरातील गुप्ता लाँन्स येथे गोर बंजारा समाज मेळावा आयोजित करण्यात आला होता.आणि या मेळाव्याला मार्गदर्शन करताना ते बोलत होते.यावेळी तालुक्याचे आमदार सुहास कांदे यांची विशेष उपस्थिती होती.या मेळाव्यास नांदगाव मतदार संघातील जवळपास ३२ बंजारा तांडा वस्तीवरील समाज बांधव,भगिनी,तरुण,तरुणी उपस्थित होत्या.या मेळाव्यास बंजारा समाजाच्या महिला व तरुणींनी पारंपरिक वेशभूषा परिधान केली होती.

     आ.राठोड बोलताना पुढे म्हणाले की,मी माझ्या मतदार संघात काम करत असताना ८० टक्के समाजकारण करत असतो.माझ्या गोर बंजारा समाज बांधवांसाठी जितके शक्य होईल,तितके प्रयत्न माझे सुरू आहेत.आणि तुमच्या अडीअडचणी शासन दरबारी मी मांडू शकतो,आणि त्या जाणून घेण्यासाठी मी संपूर्ण महाराष्ट्र पिंजून काढत आहे.आणि याकामी या तालुक्यात मला आमदार सुहास कांदे यांची मोलाची मदत होत असल्याचे त्यांनी नम्रपणे नमूद केले.

       आमदार सुहास कांदे म्हणाले की,मला निवडून देण्यात बंजारा समाजाचा मोठा वाटा आहे,त्यांच्या अडीअडचणी सोडवण्यासाठी मी कटीबद्ध आहे.आणि संजय राठोड हे येत्या काही दिवसात पुन्हा कॅबिनेट मंत्रीपदी विराजमान होतील.असा विश्वास ही आमदार श्री.कांदे यांनी यावेळी व्यक्त केला.

      यावेळी अनेक मान्यवर व्यक्तींनी आपल्या बोली भाषेत मनोगत व्यक्त करताना आमदार संजय राठोड यांच्या समाजकार्याचा गौरव केला.व बोलताना आमदार सुहास कांदे यांना ही कॅबिनेट मंत्री पद मिळावे असा उल्लेख केला.

      यावेळी व्यासपीठावर आमदार सुहास  कांदे,सौ.अंजुम कांदे,विद्या जगताप, रोहिणी मोरे,नगराध्यक्ष राजेश कवडे, बाजार समितीचे सभापती तेज कवडे, पंचायत समितीचे सभापती सुभाष कुटे,माजी सभापती विलास आहेर,चित्रपट निर्माता सी.के.पवार,ऑल इंडिया सेवा संघ सचिव डाॅ.राठोड, 

हेमराज राठोड, महाराज राठोड, सुदाम राठोड, कांतीलाल चव्हाण,भाऊसाहेब चव्हाण, डॉक्टर प्रकाश चव्हाण, मुलाचंद राठोड,एनके राठोड, गजानन पवार, तात्या राठोड, प्रकाश चव्हाण, प्रल्हाद चव्हाण, प्राध्यापक डिएम राठोड, मोतीलाल राठोड, विष्णू चव्हाण, ईश्वर राठोड, नवनाथ चव्हाण, मिथुन पवार, फत्तू चव्हाण, 

सोपान राठोड,समाधान चव्हाण उपस्थित होते.