रेल्वेच्या सब-वे मध्ये साठलेल्या पाण्यात एक व्यक्ती बुडाला.! तो रेल्वे कर्मचारी असल्याची माहिती..

नांदगाव-: वार्ताहर

 रेल्वे प्रशासनाने बनवलेल्या सब-वे मध्ये साठलेल्या पाण्यात आज एक रेल्वे कर्मचारी बुडाल्याने मोठी खळबळ उडाली आहे.

      हा सब-वे चुकीच्या पद्धतीने बनवला असल्याची ओरड सतत होत आहे,मात्र याकडे ढिम्म पणे पाहण्यापलीकडे काहीही कारवाई होत नाहीये.आणि याचा फटका आज खुद्द एका रेल्वे कर्मचाऱ्यालाच बसला आहे.हिसवळ येथे कार्यरत रेल्वे कर्मचारी रवींद्र बागुल हे या सब-वे मधून जात होते.पुढे पाण्याचा अंदाज न आल्याने ते या पाण्यात बुडाले,मात्र येथून जाणाऱ्या मुकुंद खैरनार व संदीप खैरनार यांच्या लक्षात हा प्रकार आला.त्यांनी मदतीसाठी आरडाओरड केली तेव्हा काही जणांनी बाहेर काढले.मात्र नाकातोंडात मोठ्या प्रमाणात पाणी गेल्याने ते बेशुद्ध पडले.

   तेव्हा त्यांना ग्रामीण रुग्णालयात दाखल करण्यात आले.त्यांच्यावर वैद्यकीय अधिकारी डॉ.थेरे यांनी तत्काळ उपचार सुरू केले.त्यांच्या छातीत पाणी गेल्याने अजून २४ तास ते धोक्याच्या पातळीवर आहेत.अशी माहिती डॉ.थेरे यांनी दिली आहे.