गुरुजींचीच शाळा....... स्वतःच्या,वडिलांच्या घरात राहतात...भाडेकरू म्हणून.....

नांदगाव -: वार्ताहर

खोटे कधी बोलू नये...यासह अनेक जीवनमूल्यांचा धडा देणारे गुरुजी...अर्थातच प्राथमिक शिक्षक...गुरुजी...मास्तर....स्वतःच्या जीवनात मात्र या नितीमूल्यांना काही रकमेसाठी तिलांजली देत असल्याचे दिसून येत आहे.

     नांदगाव मधील माहिती अधिकार कार्यकर्ते सुनील सोनवणे यांनी दिलेल्या माहितीनुसार,व त्यांनी माहिती अधिकारात मिळवलेल्या माहितीनुसार...तालुक्यात अनेक शिक्षक असे आहेत की,जे स्वतःच्या घरात राहतात मात्र भाडेकरू म्हणून कागदोपत्री दाखवतात...यात काहींनी घरमालक म्हणून स्वतःचे सख्खे वडील,काही शिक्षकांनी तर कहरच केला आहे,तेच घरमालक अन तेच भाडेकरू.? आणि असा प्रकार खपवून घेणारी शासकीय यंत्रणा.? याबाबत न बोललेच बरे.!

    काही शिक्षकांनी तर हद्दच पार केली आहे,ज्या व्यक्तीला स्वतःचे राहायचे वांदे आहेत,त्याच व्यक्तीच्या अस्तित्वात नसलेल्या घरात सदर हाय-फाय शिक्षक राहत आहेत...आणि काही ठिकाणी तर 'तू माझ्या घरात रहा.! अन मी तुझ्या घरात राहतो...असा प्रकार कागदोपत्री घडवून आणला आहे.आणि यात विशेष असे की,त्या-त्या गावातील ग्रामपंचायत प्रशासन ही घरचे कार्य समजून सामील झाले आहेत...

    प्रतिक्रिया-: लीना बनसोड,मुख्य कार्यकारी अधिकारी जिल्हा परिषद नाशिक

-:   या प्रकरणाची सविस्तर चौकशी करून,जे शिक्षक स्वतःच्या घरात राहत आहेत,जे शिक्षक एकमेकांना घरमालक,भाडेकरू अशी भूमिका वठवत आहेत,तसेच जे शिक्षक स्वतःच्या वडिलांना घरमालक दाखवत आहेत,त्यांच्यावर निलंबनाची कारवाई करण्यात येईल...