आमदार सुहास कांदे यांना अंडरवर्ल्डकडून धमकी.! तालुक्यात संतापाची लाट..
नांदगाव-: वार्ताहर
जिल्हा नियोजन समितीचा निधी विकल्याबाबत पालकमंत्री ना.छगन भुजबळ यांच्या विरोधात दाखल केलेली याचिका मागे घ्यावी, म्हणून शिवसेना आमदार सुहास कांदे यांना अंडरवर्ल्ड डॉन छोटा राजन टोळीकडून धमकीचा फोन आल्याचे वृत्त प्रसिद्ध होताच तालुक्यात मोठी खळबळ उडाली असून,तालुकाभरातून संताप व्यक्त होत आहे.
आमदार सुहास कांदे यांनी याबाबत नाशिकचे पोलीस आयुक्त दिपक पांडये यांना लेखी तक्रार अर्ज देऊन याचा बंदोबस्त करण्याची मागणी केली आहे.
आमदार श्री.कांदे यांनी पालकमंत्री ना.भुजबळ यांच्याविरोधात आमदार कांदे यांनी हायकोर्टात धाव घेत याचिका दाखल केली आहे.त्यात ना.छगन भुजबळांनी नियोजन समितीचा निधी विकल्याचा खळबळजनक आरोप केला आहे. या याचिकेत जिल्हाधिकारी आणि जिल्हा नियोजन अधिकारी यांनाही प्रतिवादी करण्यात आले आहे. इतकेच नाही तर छगन भुजबळांनी निधी विकल्याचे पाचशे पुरावे आपल्याकडे असल्याचा दावा आमदार सुहास कांदे यांनी केला आहे.आणि ही याचिका मागे घ्यावी, अशी धमकी देणारा फोन मंगळवारी शिवसेना आमदार सुहास कांदे यांना आल्याचे त्यांनी तक्रार अर्जात म्हटले आहे.
विशेष म्हणजे अंडरवर्ल्ड डॉन छोटा राजनचा पुतण्या अक्षय निकाळजे याने ९६६४६६६६७६ या क्रमांकावरून दूरध्वनी केला. कांदे यांनी याचिका मागे घ्यावी, अन्यथा आमच्याशी गाठ असल्याची धमकी त्याने दिली. या फोननंतर कांदे यांनी पोलीस आयुक्तांना पत्र देत तक्रार दाखल केली आहे.
ही बातमी तालुक्यात सोशल मीडियाच्या माध्यमातून तालुकभरात पसरल्यानंतर सर्वत्र संताप व्यक्त होऊ लागला आहे.आणि मोठ्या प्रमाणात निषेध व्यक्त होऊ लागला आहे.
Copy Link
Comments
Post a Comment