सहज वेलफेअर कडून नांदगाव च्या पुरग्रस्तांसाठी भरीव मदत..

नांदगाव-: वार्ताहर

परम चैतन्य फाउंडेशनच्या वतीने नांदगावच्या पूरग्रस्तांना जीवनावश्यक वस्तूंची मदत देण्यात आली. 

        तयावेळी विशेषतः नद्यांच्या शेजारी असलेल्या कामगार चाळ, गुलजारवाडी तसेच लोहार चाळीत राहणाऱ्या गरीब व मजूर वर्गाचे आतोनात नुकसान झाले. कोरोनाच्या महामारीतून नुकतेच सावरत असलेला हा वर्ग अजूनच निराशेच्या गर्तेत असल्याचे दिसून येत आहे.

      या गरजू लोकांना सावरण्यासाठी शासन स्तरावर मदत उपलब्ध होईलच. परंतु लाल फितीच्या कारभारावर अवलंबून न राहता गावातील मा. आमदार तसेच अनेक दानशूर व्यक्तींनी तसेच सेवाभावी संस्थांनी सढळ हस्ते मदत केली. अनेकांना आसरा दिला, सोबत दोन वेळचे जेवणाचीही सोय केली.

     

'परमचैतन्य फाऊंडेशन' ही धार्मिक संस्था 'सहज वेलफेअर'च्या माध्यमातून अनेक समाजपयोगी उपक्रम राबवित असते. याच माध्यमातून संस्थेने नुकतेच गरजू व पूरग्रस्त लोकांना किराणा सामान व संसारपयोगी साहित्याचे वाटप संस्थेचे कार्यकारी अधिकारी श्री. महेश गायकवाड व श्री. सागर फाटे यांच्या हस्ते करण्यात आले. यावेळी बोलताना श्री. महेश गायकवाड यांनी सांगितले की, संस्थेमार्फत अनेक समाजपयोगी उपक्रम राबविले जात असून संस्थेचे संस्थापक अध्यक्ष श्री मुकुंद शेवरे हे संस्थेमार्फत मानव सेवा ही ईश्वर सेवा मानून अखंडपणे कार्य सुरु राहील याची ग्वाही दिली. 

या कार्यक्रमात 'मौर्या प्रतिष्ठान'चे संस्थापक सौरभ वर्देकर, राहूल पैठणकर, अक्षय पवार, दीपक शिंदे, शुभम सोर, अक्षय पाणकर, सागर पानकार, किरण शिंदे, अजय सोनवणे, अमोल गायकवाड, इतर कार्यकर्ते उपस्थित होते.