हिंगणवाडी येथील महिलांची मजुरी तत्काळ अदा करा.! राष्ट्रवादी तालुकाध्यक्ष सौ.पाटील यांची वन विभागाकडे मागणी,अन्यथा आंदोलनाचा इशारा
नांदगाव: वार्ताहर
तालुक्यातील हिंगणवाडी येथील महिलांचे रोजगार हमीच्या कामावरील मजुरी का दिली जात नाही. असा जाब राष्ट्रवादी काँग्रेसच्या महिला आघाडीच्या तालुकाध्यक्ष योगिता पाटील यांनी तालुका वन विभागाला विचारला,तेव्हा येत्या १५ दिवसात मजुरी अदा केली जाईल.असे सांगण्यात आले आहे.
तालुका राष्ट्रवादी महिला अध्यक्ष सौ योगिता पाटील यांच्याकडे हिंगणवाडी येथील महिलांनी आमचे वन विभागाकडून कामाचे पैसे मिळत नाही म्हणून तक्रार केली,त्यानुसार सौ. पाटील यांनी वन विभाग कार्यालयास भेट दिली.याबाबत जाब विचारला त्यावेळी वनक्षेत्रपाल आर. एस. कासार यांनी येत्या १५ दिवसात मजुरी अदा करतो.असे सांगितले.
प्रसंगी सौ.योगीता पाटील, राष्ट्रवादी पक्षाचे कार्यकर्ते प्रकाश पाटील, महीला पदाधिकारी,कार्यकर्त्या व हिंगणवाडी येथील महीला उपस्थित होत्या.
Comments
Post a Comment