सब-वे मधून ये-जा करताना नागरिकांचे हाल आम आदमी पक्षाचे आंदोलन..

नांदगाव-: वार्ताहर

   रेल्वे ने बांधलेल्या सब-वे मध्ये दररोज मोठ्या प्रमाणात पाणी साचून नागरिकांची अडचण होत असल्याने यावर मार्ग काढावा म्हणून आम आदमी पक्षाचे विशाल वडघुले यांनी तीन तास या पाण्यात उभे राहून अनोखे आंदोलन केले.

        शहरात गेल्या वीस दिवसांपासून पाऊस सातत्याने पडत असून अनेक वेळा अतिवृष्टी झालेली आहे.सोमवार रात्री पासूनच तालुक्यात मुसळधार पाऊस पडत असल्यामुळे शहरातील लेंडी.व शाकंबरी नदींना पुन्हा महापूर आलेला असून रेल्वेच्याअंडरपास मध्ये गेल्या चार दिवसापासून पाणी असल्याने नांदगाव मुख्य भागात येण्यासाठी नागरिकांना मोठी अडचण निर्माण झाली आहे. नांदगाव शहरात येण्यासाठी लेंडी नदीच्या रेल्वे रुळावर जीव धोक्यात घालून जावे लागत आहे.दुचाकी व चारचाकी वाहनांना पाच किलोमीटर अंतर पार करून नांदगाव शहरात प्रवेश करावा लागत आहे.यासाठी       

आज आम आदमी पक्षाच्या वतीने अंडरपासच्या पाण्यात उतरून आंदोलन सुरू आहे.यामध्ये आम आदमी पक्षाचे जिल्हा उपाध्यक्ष विशाल वडगुले विकास गवळी यांच्या सह प्रमोद पगारे ,रवींद्र सानप किरण फुलारे ,निलेश जाधव, आदी सहभागी झाले होते.