भारत बंद ला तालुका काँग्रेसचा पाठींबा.

नांदगाव-: वार्ताहर

जीवनावश्यक वस्तूंसह पेट्रोल,डिझेल,गॅस च्या किंमतीत भरघोस वाढ झाल्याने सर्वसामान्य जनतेचे जगणे अशक्यप्राय झाले आहे.आणि यातून जगाचा पोशिंदा ही सुटलेला नाही.शेतकरी विरोधी कायदे रद्द करावेत म्हणून भारत बंद पुकारण्यात आला होता.त्याला काँग्रेसने पाठींबा दिला आहे.

     तालुका काँग्रेसचे तालुकाध्यक्ष समाधान पाटील,कार्याध्यक्ष डॉ.प्रभाकर पवार यांनी नांदगावच्या तहसीलदारांना दिलेल्या निवेदनात पुढे असे म्हटले आहे की,केंद्र शासनाने शेतकरी,कामगार आणि बेरोजगार यांच्या हिताचा कुठलाही ठोस कार्यक्रम अजून राबवलेला नाही,याउलट वरील घटकांना नागवण्याचे काम सुरू आहे.

      जीवनावश्यक वस्तूंचे भाव गगनाला भिडले आहेत,इंधन दरात ही रोजच वाढ होत असल्याने जगणेच महाग होऊन बसले आहे,आणि याचा निषेध म्हणून काँग्रेस ने या भारत बंद ला पाठींबा दिला.यावेळी निवासी नायब तहसीलदार श्री.मरकड यांनी निवेदन स्वीकारले.